أبوفراج
السلام عليكم
وعليكم السلام ورحمة الله وبركاته
صباح الخير >>> حسب التوقيت الافتراضي لكتابة الموضوع
يا شباب أنا عندي إجازة مدتها 4 أيام
من 1/8 إلى 4/8
أدري قصيرة بس هذا اللي قدرت عليه
أبي استفسر عن طيران العمانية و الجزيرة
كم التذكرة ؟؟
بالنسبة للطيران العماني راح تكون رحلة ترانزيت ساعة في مسقط لأن خط الرحلة سوف يكون كالتالي :
الكويت - مسقط / مسقط - صلالة
وسعر التذكرة كاملة 156 ريال عماني والتذكرة غير قابلة للاسترداد في حالة إالغاء الحجز ، وقيمة التذكرة المفردة 133 ريال عماني .
وبالنسبة لطيران الجزيرة ترى كل ما كان الحجز مبكر تكون الأسعار أقل والعكس صحيح ، وسعر التذكره كاملة خلال الفترة من 23 / 6 - 30 / 7 راح يكون 126 ريال عماني ، وسعر التذكرة المفرده تقريباً بين 69 - 74 ريال عماني .
بالنسبة للرحلات اتوقع العمانية تصلح لي ولا أنا غلطان ؟؟
نعم تصلح .
وش تنصحوني فيه بعد !!
والنصيحة الأخرى أقرأ هذا الرابط وراح يفيدك
https://artravelers.com/p/re/282558
ملاحظة : الانطلاقة من الكويت :8888:
/
وإذا في خاطرك أي شيء آخر تفضل وفالك طيب .
تحياتي

مشكور يابوسيف على التجاوب
والله ماقصرت وبيض الله وجهك
بس عندي نقطة تبي توضيح زيادة
اقدر احصل رحلة ذهاب و إياب نفس هالوقت
أنا مريت على مواقع الخطوط المذكورة بس حسب مافهمته أن العمانية موجود
أما طيران الجزيرة لأ
ومشكور مرة ثانية يالغالي
تحيتي لك

أبوفراج
اخوي أبوفراج
بالنسبة لطيران الجزيرة تراه عنده رحلات أسبوعية الى صلالة خلال هالفتره الصيفية فقط ، ونصيحة أخوية مر على أي مكتب طيران بالكويت وراح تحصل عروضهم يا أخوي .
وبالنسبة للطيران العماني فهو موجود ولكن ما عندي خلفية عن مواعيد رحلات الكويت ، وعدد أيام الرحلات ، ولكن أفضل شيء هو أنك تمر على أي مكتب سفريات بالكويت وراح يعطوك جميع البيانات والأسعار .
تحياتي