أفضل شيء في الهدا إنك تنزل التلفريك بعد المغرب وتجلس في منتزه الكر - إما تشارك في الألعاب أو يكفي أنك تتفرج وعندك بوفيه وكون زون وفيها مطعم وترجع بالتلفريك لتسمتع بشكل طريق الهدا في المساء .

بالنسبة للأماكن فعندك المنتزهات اللي على يمين الطريق المؤدي إلى الطائف (الوهط والوهيط - البعيجان - النقبة الحمراء ) ، طبعاً الدخول لها بفلوس ومن ثم هناك جلسات مفتوحه مجانية ، وهناك كبائن مغلقه بمقابل ...
وفيه أماكن جميلة وأشبه بالريفيه وفيها طبيعه حلوه في الهدا ولكن الوصول لها صعب شوي خصوصاً مع عدم الإهتمام بها وعدم وجود المنتزهات بها ..
وفيه مكان جميل جداً وكثير من المصطافين يروح له وهو (دكة الحلواني) وهو مكان مطل على جبل كرا ، وموقعه بعد التفتيش اللي ينزلك على جبل كرا وبعد محلات الفاكهه اللي هناك يجيك أحواش على يمينك إدخل قبلها ع اليمين ، وتلقى الناس هناك رايحين للمكان ، وهو زي ما قلت مطل على الجبل يعني لا أكثر و لاأقل ، لكنه مطل جميل وممتع ..
ومن رأيي وأنا أخوك : إن الهدا لو تفرش فيها فرشه وتجلس تسولف أنت وأهلك فهي كافية جداً خصوصاً مع الجو الرائع هاليومين ..