والله يا اخوك المكتب هذا جاب لي الهم والبلاء وحتى أني فكرت أكنسل السفره...أول مره رحت بدون المدام قالو جيبها معك المره الي بعدها رحت مع المدام قالو جاي بدري لازم قبل سفرك بتسعين يوم الى اسبوعين المره الي بعدها رحت رحت على الكلام الي قالوه قبل السفر بتسعين يوم قالو لازم موعد بس اخيرا سويت موعد ورحت لهم....المهم ما لك بالطويله ابي اعطيك كم نصيحه أولا اذا بتسوي موعد أنتبه انه لازم موعد لك وموعد لأهلك كل واحد موعد لحاله طبعا عادي نفس اليوم بس كل واحد موعد.....النصيحه الثانيه سمعت على ذمة الراوي أنه لو تقدر تروح السفاره بالرياض يخلصوك بسرعه....النصيحه الثالثه في مكتب سفريات في نفس عمارة الخليج الي فيها المكتب يقدر يخلص لك الفيزا وطبعا كل شئ بحقه.. بس انا ما رحت له لأنه قالي لي بأسوي لك فيزا الى ألمانيا تقدر تروح فيها النمسا وانا ما حبيت هذي السالفه بس مو غلط تروح المكتب هذا وتسأل....اذا تبي تروح المكتب الي قلت لك عليه لا تدور ولا تتعب نفسك كلم السكيورتي المصري الي عند مكتب الي نقدم فيه وهو بيعلمك..واسف على الاطاله

ههه والله اني مت ضحك عليك حسيتك مقهور ... وبيني وبينك أنا رحت المكتب اللي تقول عنه تحت بس قالي لازم موعد ... انا أوراقي جاهزة من كل شي مااحتاج للمكتب بس رحت قلت يمكن يعرف يضبطنا معاهم و كيذا بس ماكو فايدة بشوف بمر على المكاتب اللي عندنا بالجبيل الصناعية يمكن يحلون الموضوع ... و يوم انك تقول كل واحد موعد لحاله تدري انا طلعت من عندهم و دخلت من الجوال سويت لي حجز في تاريخ 4 /6 الساعة 1 الظهر تخيل طلعت عشان اسوي موعد تخيل من تاريخ 4/6 الى تاريخ 8/6 سلامات يعني انا اجي و بعدها باسبوع تجي زوجتي وش هالنظام الفاشل

يا اخي يكرهون الواحد بالسفر
مدري الى متى الشنغن هذي بتبقا قلق عشان يطلعها الواحد
مواعيد وطلبات وتدقيق يا اخي يحس الواحد كانه ررايح يحارب مو يتمشا
ما كان حن رايحين ننثر فلوسنا عندهم وننعش اقتصادهم
انا سفري في منتصف مايو بعد شهر فالحمد لله جيتهم في 20 فبراير قبل سالفه المواعيد والزحمه وخلصت اموري
اهم شي لا تنسا تنقلاتك داخل دول الشنغن اذا طيران جب نسخه من التذاكر عشان لا يردونك
واذا بتستاجر سياره جب اثبات لذلك
الله يعينك ويوفقك

اقول الظاهر ان السعودية حلوة ولا ... ههه طفشونا عيال الشنغن