1. um 7amdan


2. بحيرة زلامسي


3. شلالات كريمل


4. فانصحوني..

um 7amdan

طبعا من العنوان امبين.. هذي اول سفره لي ولابو العيال وللوالده وللعيال.. وحبيت افتحها لنمسا.. وحبيت اسويها مفاجاءه وباذن الله ما اضيع باستشارتكم ونصايحكم لي.. وادري انكم ما بتقصرون بارك الله فيكم..بعطيكم نبذه بسيطه عن جدولي والمعلومات المهمه.. كالتالي:

• السفر: من مطار دبي أو أبوظبي، طيران الامارات او الاتحاد
• تاريخ: 14 يونيو ل23 يونيو 2011 لمدة لا تتعدى ال 10 ايام يعني 8 ليالي
• المكان الي ناووين نروحله: النمسا
• المسافرون: أنا وزوجي والوالده ربي يحفظها وعيالي 3 اصغرهم 3 سنين واكبرهم 7 سنين
• المده: حبيت ازور فيينا2 لسالزبورغ2 لزلامسي وكابرون4 ومن ثم ارجع لفينا للامارات..

البادجت: مش محدد من 25-30 الف درهمطبعا اختكم ميح لا معلومه وحده.. وكل الي قريته في المنتديات طبعا ضيعت بين الكلام.. علشان جيه قلت بنتبه لتقرير او جدول واحد بدل لدور من موضوع لموضوع واخربط في الجداول..فبغيت نصيحه منكم لجدولي:
طبعا اول ما توصل الطياره في المطار بفينا، بناخذ التاكسي وبنروح دايركت للفندق.. بنريح فيه وبعدين بنقوم للجوله للمناطق التاليه:

• ساحه ستيفنز

ومن يوم ثاني بنسوي جيك آوت وبناخذ القطار لسالزبورغ لان المده طويله بينها وبين فيينا وما ابغي عيال يتعبون او زوجي من السواقه يتعب..
نوصل هناك وناخذ فندق ونريح وبعدها نتجول للمناطق التاليه:

• قصر هالبرون
• حديقة الحيوانات

ومن سالزبورغ بناجر سياره وبنطلع دايركت لزلامسي للمناطق التاليه:

بحيرة زلامسي

شلالات كريمل

• قرية فوش
• كابروناتمنى انكم تعيدون النظر في جدولي وتنصحوني شو اسوي.. الجدول قصير لان زوجي من النوع الملول يعني بسرعه يمل ويتعب وحتى الوالده.. اهم شي ان نرتاح ونرفه على اعمارنا وما نبغي نعب من السواقه او المشي كثيرا..

فانصحوني..

• هل جدولي منظم او يحتاج لاضافات؟
• وانصحوني هل احصل على شركات تاجير السيارات في سالزوربغ؟ وما الارخص..
• وما الفنادق الي قؤيبه من المناطق السياحيه في كل منطقه وتكون رخيصه لان معظم الاوقات بنكون برع الفندق فحرام نحجز شي غالي..

انتظركم
وعليكم السلام
اهلا بالغاليه انا اشوف المده جدا قصيره لمده 8 ايام
انا من راي تكون نقطه الوصول ميونخ زالمسي سالزبروغ ميونخ تقدرون تستغنون عن فيينا
تكون يوم ميونخ 5 ايام كابرون 2 ايام سالزبروغ يومين ميونخ
الفائده من ميونخ استجار السياره وتسليمها والتسوق وقرييه لزالمسي
اقرب من فيينا لزالمسي
وتقللون التنقلات بما انكم عائله كبيره الله يحفظكم يارب

أنا أنصحكم وبشده بزيادة عدد الليالي , واذا لم تتمكنوا من زيادة عدد الليالي نستبعد فيينا من المخطط لان زيارة ميونيخ تكفيكم عن زيارة فيينا لانهما متشابهتان كثيرا
( نفس الساحات , نفس الحدائق , نفس الأسواق , نفس الفنادق....)
و يكون أفضل مخطط كالتالي :
بعد الوصول الى مطار ميونيخ أستاجار سياره والتوجه مباشره الى سالزبورغ
2 ليلتين سالزبورغ
5 ليالي زيلامسي أو كابرون
2 ليلتين ميونيخ
الأماكن السياحيه في سالزبورغ :
1_ الذهاب الى القرى الثلاث الريفيه ( وولف قانق + سانت جيلجن + فوشل آم سي )
2_ شارع المشاه في سالزبورغ القديمه وشارع المشاه في سالزبورغ الحديثه
3_ التجول على نهر السالزاك وحديقة الميرابل
4_ الصعود بالتلفريك الى القلعه القديمه في سالزبورغ القديمه
5_ المرور على قرية هالشتات ( hallstadtt) الجميله وتبعد 80 كم عن سالزبورغ
6_ زيارة قصر الهلبرون ( فنتازيا مائيه )
الأماكن السياحيه في زيلامسي ( كابرون ) :
1_ التجول حول بحيرة زيلامسي الجميله وركوب السفينه في البحيره
2_ الذهاب الى قمة كابرون الثلجيه
3_ الذهاب الى قرية سالفيدين وفيها الزحليقه الصيفيه , والصلاة في المسجد الموجود في القريه
4_ الذهاب الى شلال كلام والمشي على الخوانق الخشبيه الضيقه
5_ الذهاب الى قمة شميتين هويه
6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق
7_ الذهاب الى شلالات كريمل
8_ زيارة قرية walchsee وتبعد تقريبا مدة ساعه عن زيلامسي فيها زحليقه صيفيه أيضا وفيها بحيره جميله
9_ اذا عندك وقت فراغ ممكن زيارة ملاهي فاميلي لاند
0- زيارة شلالات زغموند ثون كلام وهي قريبه من كابرون
الأماكن السياحيه في ميونيخ :
1_ شارع المشاة الرئيسي
2_حديقة الهوف قاردن
3_ حديقة الألمبياد ومتحف بي ام دبيلو
4_ شارع المكسميليان ( شارع الماركات العالميه )
5_ الحديقه الانجليزيه
6_ حديقة الحيوانات
7_ ساحة المارينا بلاتز
8_ ساحة الكارل بلاتز
9_ الذهاب الى ملاهي ليقو لاند
0- الذهاب الى قرية غارمش الريفيه الجميله

المدة قصيرة جداً ... خصوصاً انكم عائلة كبيرة ما شاء الله
فهذا يصعب عليكم الانتقال من مدينة الى اخرى ..
اذا كان ولا بد من 8 ايام فقط انصحكم تجلسون في مدينة واحدة وهي زيلامسي .. واخر يوم في فيينا استعداداً للعودة
والمبلغ يعتبر قليل مقارنة بعددكم ..
او انكم تغيرون الوجهه الى دولة ارخص ..

أرجنتيني للابد
انا من راي تكون نقطه الوصول ميونخ زالمسي سالزبروغ ميونخ تقدرون تستغنون عن فيينا
تكون يوم ميونخ 5 ايام كابرون 2 ايام سالزبروغ يومين ميونخ
الفائده من ميونخ استجار السياره وتسليمها والتسوق وقرييه لزالمسي
اقرب من فيينا لزالمسي
وتقللون التنقلات بما انكم عائله كبيره الله يحفظكم يارب
جزاك الله خير أخي الكريم على الرد.. وتسلم على النصيحه الطيبه..
ليش لاه.. نخلي نقطة الهبوط لميونخ.. بس مش هي في جنوب المانيا؟ فكم مسافه بينها وبين زلامسي بالسياره تقريبا؟
وافضل فندق لاقرب منطقه ترفيهيه والتسوق في ميونخ؟
وما نصيحتك لنا عند المرور بميونخ بخصوص السواقه والمطاعم الي فيها وجبات اسلاميه؟
والباركنات هل هي بفلوس والا كيف؟
وان دخلنا لنمسا هل هي تحتاج فيزا؟ والا فيزة شنغن تكفي؟
انتظر نصيحتك الطيبه وبارك الله فيك على التنبيه..

ابو نزيه
أبو نزيه.. لا اعرف كيف اشكرك.. اصراحه كفيت ووفيت بارك الله فيك..
عن جد كل الي ردو عليي لم يقصرو حقيقة.. الله يعطيكم العافيه يا رب..
حبيت اسال كم من سؤال.. انا اقدر ازيد من عدد الليالي لاني لم اتوقع ان هناك اماكن كثيره للزياره وعرفت عن هالشي عندما عددت لي الاماكن؟؟ حقيقة الواحد يتشجع انه يتم اكثر.. تسلم والله..

• كم مسافه بين سالزبورغ وميونخ؟
• هل استطيع المرور من زلامسي لسالزبورغ او العكس؟ وكم مدة تستغرق بين المنطقتين؟
• كم مدة الرحله من ميونخ لزلامسي؟
• الفنادق الي تنصحنه به والقريبه من الاماكن السياحيه في ميونخ وزلامسي وسالزبورغ؟
• المطاعم الي تبيع وجبات حلال؟ والاسعار تكون مناسبه؟
• مساجد قريبه لكل منطقه؟
• تنصحنا بالسياره في كل 3 مناطق؟

foxx109
أهلا أخي foxx المبلغ بدون التذاكر والفندق.. وتسلم على الرد اخي الطيب..
ولان زوجي من النوع الملول قررت ان تكون الرحله لمدة 8 ايام ولم اتوقع بان في مناطق كثيره الواحد ما يمله منها عادي ازيد المده والمبلغ ولا توجد اي مشكله لان اهم شي ان اطفالي والوالده يغيرون جو وحتى انا..
لكن اردت نصيحه منكم ان احببت تنصحني باشياء زياده دام عندي عايله ويمكن احد نسى ان ينصحني بشي..
انتظر ردك اخي..

شوفي لو تخلينها 10 ليالي يعني 11 يوم هذا اقل شي حرام تروحون النمسا سريع سريع
وروحي على خطوط الاتحاد الى ميونخ
خلوا الرحله من الامارات تكون بالليل وبحيث توصلون صباح اول يوم محسوب بالسفر عشان ما يصيع عليكم هاليوم وتستلمون السياره من المطار ومباشره الى سالزبورغ والرجعه كمان اختاروا رحله متاخره عشان تستفيدون من اخر يوم
خلي مخططكم
ميونخ وصول فقط - ليلتين سالزبورغ - 5 ليالي كابرون - 3 ليالي ميونخ
هذا اقل شي طبعا المدن تستاهل وقت اطول وما تشبعين منها
استئجار السياره من ميونخ وتسليمها في ميونخ
المسافه من ميونخ الى سالزبورغ 145 كلم
المسافه من سالزبورغ الى زيلامسي 107 كلم
المسافه من زيلامسي الى ميونخ 168 كلم
والمسافات بسيطه وسهله

بنت حواء1429
مشكوره عزيزتي وما تقصرين.. علشان جذيه دخلت ادور على نصايحكم.. بطول مدة الرحله وحتى لو 20 يوم ما في اي اشكال.. المهم الجدول يترتب وكل شي يكون منظم وما اتوهق في الموضوع واخرب كل المفاجاءه..
بطول الفتره ما عندي مشكله لان الكل نصحني بهالشي..
حبيبتي عندي سؤال شو سالفة التامين؟ هل هو ضروري للسفر لاني قريت كذا موضوع واستغربت بسالفة التامين والفيزا وهالخربطه؟؟ ممكن تنصحيني..
وشي ثاني لما نصل للمطار يعطونا خرايط والا نشتريها من مكان والا النافيقشن يكفي؟

شوفي التامين ضروري وانتوا الكسبانين وبصراحه
موضوع الفيزا وغيرها ما عندي معلومات عنها الوالد
هو اللي مسؤول عنها ان شاء الله يردون عليك
الشباب لانهم يعرفون اكثر مني
لازم تكون عندك الاماكن السياحيه موجوده عندك بورقه وتاخذينها معاكي
ونصيحتي لك استاجري سياره مع قارمن وسجلي الاحداثيات من هنا وبعدين هناك حطوا الاحداثيات بالقارمن وتوكلوا على الله
وانا ممكن اساعدك بالسكن واعطيك الاماكن السياحيه المهمه اما الاحداثيات ما اعرف لها ابدا بس ما يمنع اني اجيبها لك قدر الامكان
بس قرري اول شي ويفضل سكنكم بشقق وتطبخون وصدقيني متعه غير طبيعيه انا واهلي ناخذ معانا اغلب الاشياء بكرتون خصوصا اغراض الفطور والعشاء وناخذ معنا رز ومكرونه وهناك نشتري دجاج حلال ونطبخ
لانه ما تقدرين دايم تاكلين من ماك او برجر كنج
خليها 15 ليله ممتاز = 16 يوم
ميونخ وصول فقط - 4 ليالي سالزبورغ - 7 ليالي كابرون - 5 ليالي ميونخ
زدت ليله في سالزبورغ لانكم بتكونون تعبانين اول ماتوصلون طياره وبعدين سياره
واذا تتوقعين انكم توصلون تعبانين عشان امك معاكم ممكن تسكنون ليله بفندق قريب من المطار ومن بعدها تروحون الى سالزبورغ