- المطلوب منكم كأتي :
بسم الله الرحمن الرحيماولا: لي الشرف ان انضم الى هذا المنتدى الذي كثير ممن اعرفهم استفادومن هذا المنتدى كثيرا.وثانيا: لم اسجل في هذا المنتدى الا ثقتي بالله ثم في معلوماتكم التي بأذن الله راح استفيد منها كثير.مخطط ان شاء الله انا واهلي السفر الى اوروبا وصراحة اول مرة نسافرخارج المملكة بأستثناء دول الخليج وحصل بعض الخوف والرهبة لكن بأذن الله ثم معلوماتكم راح تكون الرحلة ممتعه.الرحلة راح تكون مكونة من 6 اشخاص كلهم كبار.الفتره من 29/7/2014 حتى 19/8/2014 ادري ان قدامنا 6 شهور لكن وش أسوي مع الخوف والحماس.وراح احاول اعطيكم المعلومات الكافيه حتى اللي يبغى يفيدني تكون عنده المعلومات كاملة.التخطيط ان شاء الله راح يكون 4 ايام المانيا في ميونيخ والباقي موزع على سويسرا وفرنسا وبريطانياالسكن في ميونيخ بيكون في كوخ لأن حسب اللي قريته في المنتدى الأكواخ راح تكون افضل من ناحية السعر والمكان.والرحلة بتكون على الخطوط الاماراتية وبنستأجر سيارة من الموقع المعروف Europcar .
المطلوب منكم كأتي :
1- ابغى افضل الاماكن أو المواقع الموثوقة للستأجار اكواخ في ميونيخ ويكون سعرها حلو ونظيفة جدا تكون في نفس المدينة او قرى قريبة منها شرط تكون على بعد كحد اقصى 100كم ويفضل ايضا ان تكون في مزارع او اماكن بالسعودي "مكان ماحولي احد فيه " ان وجد.
2- افضل الأماكن التي تستحق الزيارة لأن الفترة محدودة 4 ايام .
وأذا كان احد عنده أي أقتراح او تعديل في الرحلة لا يبخل علي فيها لأني راح استفيد اكيد من أهل الخبرة .
وأشكر كل من استفدت منه او حاول يعطيني معلومات او كان له الفضل بعد الله في افادتي وشكرا لكم.
