مراحب اخوي بندر.
في البداية وانا اخوك انا ما رحت اندونيسيا من قبل وان شاء الله ناوي في نوفمبر.
احنا نفس عددكم 3 اشخاص وتقريبا اجمالي ميزانية الرحلة 18,000 ريال لمدة 15 يوم بمعدل 6,000 ريال لكل شخص من غير التذاكر طبعا احنا اضفنا على المبلغ 100 ريال زيادة للطوارئ وان شاء لله راح يكون كافي وزيادة بعد
كنت اتمنى اجاوبك على جميع استفساراتك لكن الاعضاء فيهم الخير والبركه

1. 5)من ناحية فلل الجبل: خذ النصيحه هذي ببلاش لعيونك.


2. بنسبه للا ادويه خذ معاك كل ما تحتاجه مثل:


3. مضاد حيوي "اللي انت ترتاح عليه"+بنادول....وغيره

بندر
هلا بندر تروحون وترجعون بسلامه:
1) اكيد ان الاسعار انزلت اشوي عن الصيف.
2) تسعة الف ريال قطه بدون تذاكر الطياران الداخلي الاندونيسي اتوقع انها سعر مناسب لسكن والمواصلات ودخول الاماكن الترفيهيه والا اكل بعد.
3) فيه عندك مكتب كاها او ما توصل مطار جاكرتا على يسار بوابة الخروج من المطار. عندك مثلا اولسون. شقق فندقيه ممتازه.
4)جاكرتا فيها مجمعات حلوه مثل مجمع الاتوريوم وفيه صرافين في الدور الرابع او الخامس اسعار الصرف عندهم زينه.مجمع اي تي سي. وغيره من المجمعات. وبعد في المدينه المائيه "انشول" وفيه بعد دنيا فانتازيا "مدينه ترفيهيه. الجبل "بونشاك" فيه الطبيعه والجو الحلو والامطار والفلل الزينه. ومن ناحية التمشيات فيه "حديقة سفاري للحيوانات +الشلالات + حديقة الزهور+ مصنع الشاهي +حديقة الشاهي+البرشوت+بحيرة ليدو" وكلها ممتعه. بنسبه لحديقة السفاري لا يفوتك الفعاليات روح لها في ابام عطلتهم السبت او الاحد ومن بدري تكون هناك تراها كبيره جدا جدا.
بندونق: فيها المياه الحاره البركانيه وفيها طبيعه ومجمعات حلوه.بس حدها يومين فقط.
بالي: هذي عاد دنيا ثانيه وراح تستمتع بااللعاب البحريه هناك والتمشي فيها.

5)من ناحية فلل الجبل: خذ النصيحه هذي ببلاش لعيونك.

"خذ لك تاكسي من جاكرتا واتفق معاه يوديك الجبل ويفر فيك على الفيلل هناك وما يخليك الا لما تحصل فيلا. وصدقني راح تحصل فيلل خياليه وتنظيمها حلوه. وعليك بالفيلل الخاصه اللي يكون لها بوابه خاصه. ابعد عن المجمعات ترى مافيها خصوصيه وايضا راح تحصل فيها نوع من الازعاج من بعض الشباب هداهم الله.
والا اسعار انا اخذت فيلا كبيره في صيف 2008 اربع غرف وكبيره جدا 800 الف روبيه تقريبا 320 ريال لليوم. بس هاالحين مستحيل تحصل بهذا السعر لان الصيف خلاص. فاكيد راح تحصل الفيلل من 550 الف ويمكن اقل بعد. وخلك ذيب باالمكاسر. تراهم شعب يموت على المكاسر ونفسهم طويل.
6)هذي اهم نقطه في الموضوع. ياالغالي تكفى احب خشمك روح الى اقرب محل يبيع ادوات قنص وصيد. خذلك من عندهم عزبه كبيره "على حسب مزاجك الحجم". بعد ما تشتريها حط فيها التالي:

• قدر الضغط "مع اخذته لاني ادري ان الفيلل مجهزه بادوات المطبخ"
• الكاسات والفناجيل+الدله+ابريق صغير+ العزبه الكبيره يجي معاها الصحون متوسطه خذ واحد بس+ حافظات الشاهي والسكر والبهارات المصنوعه من قماش.
• اشتر التالي من البقاله او السوبرماركت .
• 10 حليب بوني كبير الحجم 440 مل +سكر 5 كيلو +10 كيلو رز +2/1 كيلو بهارات +علبتين لبتون شاهي +4/1 كيلو او اقل هيل + 10 ريال مسمار للقهوه +نعناع +4 كيلو مكسرات "ترى راح تخلصونها من غير ما تحسون كخ" + 2 علبتين زيت وتكون كبيره او علبه كبيره و الثانيه صغيره +8 علب فول مدمس +كيلو عدس +زعفران "على حسب الحاجه" +5 علب تونه "عند الرغبه انا ما احبها " +5 علب جبن كيري حجم الكبير +4 علب جبن البقره الضاحكه +1 قزازة جبن كرافت كبيرة الحجم+5 علب مربى "انا اخذت ملينج" +2 علبة ملح + 6 علب قشطه "انا اخذت الكويتيه المكتوب عليها قيمر طعمها حلو"+6 علب زيتون كبيرة الحجم "ام7 ريال او اقل"+1 علبة عسل حجم وسط + 8 ريال خبز "خبزهم حلو بس غالي شوي" +1 علبة نسكافيه وسط +1 كرتون كابتشينو "10 علب فيه" +1 علبة تانج باالبرتقال علبه وسط +قفازات بلاستك بقيمة 5 ريال عشان الشغاله لما تقطع السلطه وغيره "لزوم النظافه ياابوالشباب + 1 كرتون تغليف بلاستيك للاطعمه "هذا ضروري لازم تاخذه عشان لما يبقى شي من العلب مفتوح تقدر تغلفه بامان وتستخدمه اليوم الثاني"

بنسبه للا ادويه خذ معاك كل ما تحتاجه مثل:

مضاد حيوي "اللي انت ترتاح عليه"+بنادول....وغيره

في الاخير انا سافرت على طيران اتحاد الامارات في الصيف وكان الوزن المسموح لكل راكب هو 30 كيلو شحن و 7 كيلو تشيلها معاك داخل الطياره. كان عددا 4 اشخاص. لما وصلنا كونتر اتحاد الاامارات في مطار الدمام قالنا الموظف الشحن زايد. قلنا له دبرنا ياابوالشباب. والله للا امانه كان متساعد معانا جدا. قال: روح لمحل التغليف اللي في المطار وشيلوا بعض الاغراض اللي في العزبه وحطوها في كرتون.لما يصير وزن العزبه 30 كيلو والكرتون اكيد راح يصير اقل من 30 كيلو وتعالوا لي عشان امشيكم. ولله الحمد الامور تسهلت كثير. جزاه الله الف خير. على العموم استاذي ان اذكر لك هذا الموقف عشان لما انت او احد من اخويك يشوف قائمة العزبه ما ينخرع او يخاف. ترى الامور في مطارتنا تساهيل..........
اهم شي في موضوعك ياالغالي هو العزبه. لان الملعبات هناك اسعارها غاليه. وخصوصا في الجبل في البقاله السعوديه.
والله يوفقكم ان شاء الله.
وشكرا

ابوفهد 2008
مشكور وما قصرت
ويعطيك الف الف عافيه ويرحم والديك

والديك ان شاء الله
اي استفسار انا حاضر.بس تكفى يابندر نصيحه اخويه لاتضيع وقتك باالنوم هناك.
استمتع ترى صدقني راح ترجع السعوديه وراح تتحسف على كل ساعه طولت فيه باالنوم.
اخيرا:
لاتنسانا من دعائك ترى دعوة المسافر مستجابه ان شاء الله + لاتنسانا من التقرير والصور. كثر الصور ترى الاعذار ما نقبلها ابد .يعني "لا تقول كامرتي خربت ضاعت او المموري ضاع وغيره ترى قديمه كخ.
تروح وترجع بسلامه ياالغالي.
وشكرا