اهلين أخوي
ممكن تفيدنا عن الجو هناك؟؟؟؟
كابرون هذي وين بالضبط؟؟؟؟؟؟

هلا فيك انترناشونال رحلة موفقة وترجعون بالسلامه ان شاء الله
كيف الاجواء بالكابرون بالنسبه للشققssg من الداخل هل فيها تدفئة لاني حاجزه فيها،،وحابه اعرف وين ممكن استأجر ابوات الاطفال حقت الموتفعات(الجليد)؟؟؟

رحلة ميمونة أخوي
كيف أسعار وهل أنت ساكن في شقة ولفندق وياليت نعرف أسعارها
واذا كنت مستأجر سيارة لو تتكرم وتعطينى بعض التفاصيل مثل من اي مدينة أستأجرتها وسعرها
ماأبغي أكثر عليك مع أنه عندي أسلئة كثير
تحياتي

السلام عليكم
أنا الآن في النمسا وفي كابرون وبصراحه المدينه روعه من ناحية الجو والطبيعه وأنصح القادمين السكن في كابرون أفضل من زيلامسي وإن شاء الله راح أكتب تقرير عن سفرتي وتجاربي...

ترجعون بالسلامة ان شاء الله
وفي انتظار التقرير بالصور

مرحبا وانا موجود بعد الان في كابرون
الشله كلهم موجودين خ
انا مستاجر سياره من مطار فيننا بعد ماريحت فيها ثلاث ايام وسعرت لقيت ارخص محل موجود بالمطار
اخذت سياره اوبل اوتماتيك مع تسليمها في موينخ في نفس الفندق يجيك المندوب مع نفقيشن
لمدة 6 ايام ب 680 يورو
علما بانه اغلب المحلات كنت ادور فيها فيها سياره اوتماتيك مالقيت عند اغلب الشركات حتى من السيارات الفخمه مثل المرسيدس وال بي ام
سالت يورو كاب .سكست.افيس .كلهم ماعندهم
هيرتز لقيت مرسدس عندهم واصقعوني بسعر 2300 يورو
اتمنى للجميع التوفيق
وبالنسبه للاخوان الموجودين في كابرون اذا رحتو لمكان واعجبكم
حطوه لنا بالله هنا علشان نقدر نروح له في اليوم الثاني

رحله موفقه ان شاء الله

Electrical Eng
أخوي الجو حلو تقريباً 24 درجة بالنهار وبالليل تقريباً 15 درجة ويتغير طبعا الجو مو ثابت بس عموماً حلو
بالنسبة لموقعها طبعا في النمسا وتبعد عن من منطقة زيلمسي تقريباً 6 كيلو.
:rain: أخوك / انترناشونال كابرون

هموم منسية
بالنسبة للجو ما يحتاج تدفئة ويختلف من يوم ليوم مرة مطر وبرد ومرة شمس بس بالليل تحتاجون جاكيتات لانة برد اما الابوات ما عندي خبر شنو تقصدين اذا قصدج عدة التزلج فهو موجود وتقدرون تستأجرونة اما اذا قصدج شي ثاني والله ما عندي خبر