Lady May
19-10-2022 - 06:38 am
السلام عليكم ورحمة الله وبركاته
تحياتي لكل الأعضاء في هذا المنتدى الطيب والذي يتميز بمواضيعه الجميله
على فكره انا عضوه جديده وهذي أول مشاركه لي وإن شاءالله ماراح تكون الأخيره
عجبني المنتدى وحبيت إني أشارككم وأستفيد من خبراتكم
موضوعي كما هو واضح بالعنوان عن: أمريكا في شهر ديسمبر
انا حابه إني أسافر أمريكا في الشتا وحابه أجرب أجواء الاحتفالات هناك
وحابه أدخل في السنه الجديده واحنا هناك
بصراحه حلم حياتي إني أسافر أمريكا وهذا حلم الطفوله واللي أتمنى تحقيقه
بس المشكله إن ماعندي أي فكره عن السفر لأمريكا ولا عندي خبره بالسياحه
ياليت لو تساعدوني بأول مشاركه لي في هالمنتدى وتشجعووني
انا أبي جدول سياحي لثلاث أسابيع بشهر12 ونرجع بأول السنه الجديده
السفر لشخصين ( انا وزوجي )
أتمنى إنكم ماتقرون الموضوع وتمشوون بدون ماتردون علي
ويعطيكم العافيه مقدما ,,
