1. السلام عليكم ورحمة الله وبركاته ..


2. موقع مطعم الديوان .. مطعم لبناني :


3. مطعم الانتر كوت ( لمحبين لستيك ) :

السلام عليكم ورحمة الله وبركاته ..

من خلال تصفحي للمنتدى لاحظت ان في ناس تذكر مطاعم موجودة بباريس بالاسم بس من غير ما تذكر مكان المطعم ، وغيرهم يذكرون مكان المطعم بشرح عالطاير ما يوضح مكان المطعم عدل للي حاب يروحله ، وفي ناس زين تشرح موقع المطعم بس الصراحة يكون بوصف يضيع اللي يقراه مو واضح وهذا اللي صار معانا يوم خذينا بوصف شخص لمطعم عربي بالمنتدى ووالله يوم كنا بباريس طلع الوصف ابصوب و مكان المطعم ابصوب ثاني ..
فبفتح هالموضوع وبحط فيه موقع جم مطعم بشكل دقيق كبداية علشان انوضح مكانهم للي بروح لهم بسهولة .. وان شاء الله فيكم لبركة وتكملون على موضوعي بمعلوماتكم عن المطاعم الثانية وباذن الله بننفع اللي يحتاجها ..

موقع مطعم الديوان .. مطعم لبناني :

مقهى الفوكيه Fouquets يطل على شارع الشانزليزيه وعلى شارع فرعي اسمه شارع جورج .. لي دخلت شارع جورج وكملت فيه ووصلت لي نصه تقريبا راح توصل لمطعم الديوان وهو موجود عالجهة اليسرى من الشارع ، وعلى فكرة الديوان ينقسم الى قسمين الأول مطعم السندويشات وحلويات من وربات وغيرها معه سوبرماركت فيه شغل لبناني بسيط جدا من سحلب وام علي وخبز لبناني وغيرها ، واما القسم الثاني مطعم فيه قعدة يعني طاولات وبوفيه وجذي .. وبالعافيه مقدما .

مطعم الانتر كوت ( لمحبين لستيك ) :

اذا عديتوا كل من مقهى الفوكيه Fouquets و الهاقن داز اللي بالشانزليزيه بتلاقون بيتزا روما ، اخذوا من عندها يمين بتلاقون الانتر كت على يمينكم بالضبط .وعلى فكرة راح تلاقون مقابل مطعم الانتر كوت مطعم اصغير مو واضح وايد اسمه بيتزا بينو Pizza Pino يقدم البيتزا والمأكولات الأيطالية .

• مطعم جولستان ( مطعم ايراني ) :

يقع على شارع الشانزليزيه بجانب محل nike الرياضي ( هو على يسار محل nike )

لم اجد صورة للمطعم ولكني وجدت صورة لمحل nike عالشانز والمحلات اللي بجانبه من الجهة اليمنى يعني عكس جهة المطعم تماما