ابو عزو
الحين عرفت ان السويس باس
للموصلات
بس انا راح اقعد يومين وثلاث يوم ماشيه من سويسرا الى باريس
العدد 3
2 أعمارهم فوق الثلاثين
واختى عمرها 22 سنه
لو سمحت ابو عزوز انا شنو نوع السويس باس احتاجه
ابو عزوز انا ادرى اتعبتك من كثر اسالتى
انا بخاطرى اروح مصنع الشكولاته وايضا الجبال والبواخر
ابو عزوز اشلون اروح واحنا ما نعرف شى بسويسرا
فى مكتب سياحى ومعاهم مرشد سياحى
ياليتك تعطينى مكاتب سياحيه مختصه للقروب فى سويسرا
ممكن الرد لانى بصراحه راح اتحسر اذا رحت سويسرا ولا استمتعت فيها
علىا فكره انا بس راح اروح جنيف
ابو عزوز منطقه انسى اروحلها او لاء
لانى انا راح اروح بدايه شهر اكتوبر
انا كلها يومين وثلاث يوم طالعه من سويسرا
أختك أبله وسميه

بعد اذنك اختي بسال ابوعزيز سؤال انا بعد ..... وش اقرب قمه ثلجيه لجنيف لوسمحن

أبله وسميه
هلا وااله بأبلتنا الغالية
شوفي ضعي القلم وركزي معاي
السويس باس عبارة عن بطاقة خاصة بالمواصلات السويسرية فقط
تمنح حاملها حق استخدام جميع القطارات والباصات و بعض السفن العامة من ضمن شبكة المواصلات المحلية
ولاتشمل القطارات الجبلية والتلفريكات وبعض الرحلات البحرية
مثال قطار الشوكولاته صحيح انه مجاني مع السويس باس لكن مجبره ان تدفعين ثمن الحجز الإجباري اللي هو بحدود 90 فرنك للشخص
مثال اخر
تمنح البطاقة خصم 50% على معظم التلفريكات مثل تلفريك جبل ريقي وتتلس وقطار اليونفرايوخ و قطار البلاتيوس الرائغ
خصومات تصل اللا 100% على الأبوات في بحيرة ليمان و برينز وتون
البطاقة لها عدنة انواع
مثلا لو زوج و وزجة مسافرين ففي هذي الحالة يكون لهم حق بطاقة السويس سافير باس واللي هي نفسها بطاقة السويس باس مخفضة 25%
والأبناء الى 16 سنة بالمجان
نفس الشيء للشباب وكبار السن هناك بطاقات خاصة لهم اليوث والسينيور
السويس باس ينباع حسب الدرجة وحسب عدد الأيام
درجة اولى و ثانية
والأيام 4 و 8 10 و 15 وشهر وسنوي
يعني لو كان معاكي باس 4 ايام
طبعا استخدامك للباس يكون لأيام متتالية وبديتي في استخدامه في 1 اكتوبر وحتى 4 اكتوبر
ماينفع توقفينه يوم وترجعين تستخدمينه في ايام ثانية
هذا مايخص السويس باس وبإختصار شديد
يوجد بطاقات اخرى منها
السويس سيليكت
السويس هاف فير (للي معاه سيارة ويبي الخصم 50 % فقط)
واعتقد لو رجعتي للدلي السياحي واطلعتي على الموضوع الخاص به راح تنجلي عندكم الأمور بإذن الله
جمعة مباركة اختي
وتقبل الله الصيام
وتقبلي تحياتي

أبو عزيز
ادرى انك ما تقصر علينا بالرد على أسالتنا
يارب يحفظك ويحفظ كل من يعزك ويغليك
ابو عزيز اسالتى ادرى فيها ياكثرها
بس شسوى لازم علشان الواحد يستفيد
ابو عزيز جم ياخذ التاكسى من محطه القطار من جنيف الى فندق بريستول بجنيف ؟
والسؤال الثانى _ اى نوع من السويس باس أخذه على فكره تنقلاتنا راح يكون بسويسرا والمناطق المجاوره اللي ما تبعد اكثر من ساعه ونصف
ابو عزيز الاقامه بسويسرا لمده 3 ايام فقط
الرجاء ثم الرجاء انك اتفهمنى
اى على فكره من وين اخذ التذاكر
هل لما أوصل سويسرا وانزل بالمحطه القطار اشتريها من نفس المحطه
ابو عزيز الله لا يهنيك خليك معاى خطوه بخطوه
الله يوفقك ويجزاك الف خير

أبله وسميه
لا عادي اسألي مثل ماتحبين
التاكسي يترواح بين 20 و 40 فرنك
ويعتمد على عدد الحقائب اللي معاكم
بالنسبة للنوع السويس باس اللي يناسبكم احتاج اعرف
عدد الأشخاص وأعمارهم
الرحلات اللي ناوين تعملونها
وبالنسبة لشراء الباس فلكي الخيار اذا جزمتي على شرائه ان تشترينه من هنا او من محطة القطار اللي راح توصلين لها
س: من وين راح تجون في الأساس
معاكي

اول مشكور على الرد
بصراحه ما ادرى شنو أقولك
كلمه شكر احس انها ما تكفيك
ما اقول اللي يارب يعزك وحفظك من كل مكروه
ويطيب أيامك بالايمان وطاعه الرحمن
آآآآآآآآآآآآآآآآآآآآآمين
احنا ثلاثه 2 اعمارهم فوق الثلاثين واحده عمرها 22 سنه
طبعا احنا راح انكون فقط بجنيف ثلاثه ايام وبعدين اروح فرنسا
طعبا ما راح اورح انترلاكن ولا غيرها بس فقط بجنيف والمناطق القريبه منها
ودى اعرف شنو اللي استخدمه و اى نوعيه من السويس باس
على فكره الاقامه فى جنيف فقط 3 ايام
ابو عزيز ما قلت
انا ودى اعرف مكتب سياحى ياخذنى الى رحلات فى سويسرا
مو عارفه شسوى لازم يكون فى رحلات فى سويسرا ياخذنا الى مصنع الشكولاته والاجبان
وغيرها اللي موجوده فى جنيف
يعنى ودى يكون فى مكتب سياحي ياخذنى اكثر من مكان بيوم واحد
بليز علمنى هل يوجد مكاتب سياحى للعمل قروب
وطبعا انا سمعت السويس الباس يوجد عليها خصم للرحلات
ابو عزيز كلها ثلاثه ايام فقط
ارجو الرد اختك أبله وسميه

أبله وسميه
جزاك الله خير أبلتنا
بعد ما تضحت لي الرؤية على ملامح سفرتكم وجدت انه ليس من الضروري شراء السويس باس
والسبب الرئيسي ان الباس مصصمم ليمكن الإستفادة منه لم يسافر اكثر من ثلاثة ايام
و
يستخدم القطارات الداخلية
في جنيف ممكن تطلبين الباس الخاص بجنيف ((مجانا)) من الفندقليغطي مشواريك وتحركاتكم داخل جنيف
الرحلات ممكن وكما ذكرت لك في مشاركة سابقة (او ممكن اكون ملخبط)
الكي تورز
انظف واحسن شركة في جنيف وممكن اغلاها
شركة كي تورز و هي الأولى في جنيف http://www.keytours.ch
ورحلاتهم تنطلق من محطة الباصات العمومية - Gare Routière في وسط جنيف

وبالقرب من معظم الفنادق المشهورة ومن البحيرة وتقع امام مكتب الخطوط السعودية

كل اللي عليك عمله الدخول لموقعهم واستعراض رحلاتهم وتنظيم جدول رحلتك على اساسه
وهذا مثال لأحد توراتهم اليومية
http://www.334433.net/aboaziz/Swiss/GVA/Chamonix-mot-blanc.pdf
من الرحلات المنتظمة الأخرى
قستاد وجلاسي 3000
شامونيه
منترو
والأهم مصنع الشوكولا
وهنا باقي رحلاتهم اليومية http://www1.wwsa.ch/keytours/index.php?option=com_content&task=view&id=26&Itemid=58&lang=en
بالنسبة لأنسي ممكن ومن نفس محطة الباصات ترتبين رحلة لها
اهم شيء تمرين عليهم قبلها بيوم وتعرفين مواعيد باصاتهم في الفترة اللي انتي تكونين فيها هناك
زصيام مقبول
اروح الحق اشرب كاسة لبن

ابو عزيز اشكرك حيل مو شويه
فى احد يتكلم لغه العربيه عندهم
ياليتك تفيدنى
ياليتك اتفيدنى ابو عزيز
ابو عزيز اليوم الوصول ما راح نستفيد منه شى
على ما اعتقد
وهل الشركه السياحيه فيها احد يتكلم للغه العربيه ومتى يسكر الشركه
لانى انا راح اوصل سويسرا اقصد جنيف الساعه الرابعه يعنى اقدر اروحلهم واحجز الرحله ليوم غدا
ياليتك اتفيدنى ابو عزيز

ابو عزيز
انت تقول اكلم الفندق يعطينى السويس باس اللي عندهم
اللي يغطى بس جنيف
يعنى شنو اقولهم علشان يعطونى وهل يعطونى تغطيه الموصلات داخل جنيف
ادرى غثيتك واتعبتك من كثر اسالتى
بس انت كريم وانا استاهل