السلام عليكم ورحمة الله وبركاته
و أسعد الله أوقاتكم جميعاً أعضاء و زوار
يشهد الله أني أعجز عن الشكر لكل من ساهم في هذا الصرح الشامخ بأعضائه
وأنكم خير وسيلةٍ بعد الله لنا في إتمام أسفارنا والتوكل على الله ثم عليكم .
ولكن عندي كم نقطة وأتمنى أن أجد الرد الكافي الشافي
لي وأرجو أن تعذروني ل كثرة أسئلتي لأني حريص في بعض الأشياء .
بإذن الله ناوي أسافر أنا و زوجتي إلى دولة النمسا
وأنا يتخلف الله لا عندي لغة ولا خبره ولا أي شيء
ولا عمري سافرت إلى خارج المملكة أبد ، ولكن حبيت
أني أطمح شوي وأروح للنمسا تجديد لزواجي الي مر عليه سنه
و بجلس إن شاء الله 11 يوم تقريباً بنص شهر 7 هجري للحين ماحسبته بالميلادي
الوصول لفيينا والعودة ميونخ
المهم المطلوب . . .
/ المدن بإذن الله راح تكون بالتنظيم هذا
فيينا . . . يومين
سالزبورغ . . . يومين
زيلامسي . . . أربع أيام
ميونخ . . . ثلاث أيام
/ الفنادق المقترحه هي كالتالي : أبي رايكم فيها ..
فيينا . فندق . . . الماريوت المقابل ل شتاد بارك .
سالزبورغ . فندق . . . راديسون بلو .
زيلامسي . فندق . . . فندق زيلامسي
ميونخ . فندق . . . المريديان .
/ بخصوص الاندرقراوند في النمسا كيف طريقته يعني انا بحتاجه
ل فيينا و سالزبورغ فقط . السؤال هنا من وين أقص التذاكر
هل أقصها قبل رحلتي عن طريق مكتب سياحي
أو شلون طريقته لأني مالي خبره فيه أبد و عجزت لا أفهم له
مع أني متابع لكل المواضيع والتقارير ولكن للحين ما دخل راسي
/ طيب أبي ما أهم الأماكن بكل المدن الي ذكرت بفترة الأيام
مثلاً فيينا بجلس فيها يومين ، أبغا الأماكن الي اختصرها بيومين
و بعد المدن الثانية ..
/ هل تمشي أموري بدون لغة علماً أني مالي باللغة ولا أعرف شيء
لكن معي أوراق تترجم لي بعض الكلمات .؟
/ أنا إن شاء الله ناوي أسافر بالعطلة ولكن ما أقدر أدبر أموري إلا بعد ثلاث شهور
هل يمدي أني أحجز كل حجوزاتي بعد ثلاث شهور أو أربعه من الحين .؟
/ ميزانيتي 30 الف ريال تقريباً لكل شيء هل تكفي كل شيء لمدة 12 يوم أو 14 يوم
/ الحين بخصوص العبائة لزوجتي هل هي عادية هناك أو فيه نظرات منهم
علماً أني ماراح أوافق بغير العبائة يعني أشوف بعض الأشخاص يقولون فصل بالطو
ولا دخل راسي هالبالطو . أبي راائكم وخاصة للي جربوا هالشيء .
/ ماهي المدن الي أستأجر فيها سياره .؟
هذا الي يحضرني الآن وأدري طولتها عليكم ولكن كلي أمل بالله
ثم بكم أن تفيدوني بإجابات شافية .
بيض الله وجه كل من تفرغ وجاوبني