أبو ديالا 2010
اخوي الحبيب الله يوفقك في سفرتك
المهم
1- شهر ابريل الجو بارد وتقدر تاخذ ظفلتك بس احرص على تدفئتها
2- بالنسبة حق حجوزات الفتادق أنا أفضل مو قع booking.com شوف الاسعار وتحدد ميزانيتك على حسب الأسعار.
3- المدة المقترحة بوجهة نظري إما ( فرنسا المناطق القريبة من سويسرا لأن باريس بعيدة - وسويسرا والنمسا ) او سويسرا وباريس ولندن (5 أيام في كل بلد).
4- اسعار التذاكر اذا حجزت من ألحين تلق عروض حلوة ، وأما السكن فأظن ان هذا الموسم موسم الأسعار المرتفعة بس مو مشكلة شوف الأسعار عن طريق الموقع اللي أرسلته لك وتقدر تقدر بناء عليها الميزانية.
5- الميزانية قسمها على (أسعار تذاكر - سكن - مصروف يومي للأسرة - الأكل - السيارة)
6- اقترح تنزل جنيف الجانب الفرنسي وتأخذ سيارة أرخص تروح سويسرا بعدها فرنسا وتسلم السيارة في باريس ، ومن باريس تروح لندن بالقطار بس لاتنس الفيزا البريطانية ، أو تنزل ميونخ أو فيينا على حسب رايك ، واقترح ميونخ لأن السيارة أرخص وتروح النمسا وسويسرا وتزور بعض المناطق الفرنسية وترجع من جنيف .
7- اقترح سيارة وبشدة لأنها ونيسة ولما سيارتك وياك ترتاح والطريق متعة ، وأهم بعد التوكل على الله القارمن ضروري جدا الحمد بفضل الله ثم هالموقع راح زمن المرشدين ، خذ لاب توبك وياك والقارمن وقبل كل شي توكل على الله وأي شي تبي ادخل المنتدى واحنا بالخدمة.
8- بالنسبة للمناطق راح أقترح لك وانت باختيارك ( النمسا بهل الوقت زلمسي حلوة وهادية أو فلاخو أو سيفيلدين) هذي المناطق بهالوقت زينة وحلوة وعائلية جميلة جدا ، وموقعها ممتاز منه تقدر تروح كل مكان.
أما سويسرا اذا تبي انترلاكن فيها خيارات كثيرة تلقاها بتقارير الخوة بالنتدى منها على سبيل المثال تقرير بوعزيز ورجل شرقي وغيرهم .
وفرنسا روح آنسي ومنها إلى مطار جنيف. وأما إذا بتختار الخطة الثانية فأقترح ان تسكن بلوزان لأنها قريبة من فرنسا ومنها الى باريس ولندن.
أظن ما في شي ناقص
بالسلامة يالحبيب