Honey
25-09-2022 - 11:47 am
السلام عليكم
انا ان شاءالله عندي رحله قصيره الى السلطنه رحلة عمل من يوم الثلاثا الوافق 2612 الى الاربعا 2712 .
وانا من قبل ما رحت السلطنه ولا مره ماعرف فيها , بس الي اعرفه اني بروح هناك لالتقي بعض الاشخاص الي بشتري منهم اراضي استثماريه ,
السؤال الي يطرح نفسه وين افضل مكان اسكن فيه و بأي فندق , انا بسافر بروحي و ماخذ اجازه من الجامعه يومين ودي احلل السفره و استمتع ويكون بمكان حلو شوي اغير جو مابي اقعد بس بالغرفه ,, وثاني شي وثائق الاراضي تستغرق جم يوم ؟ يكفيني اقعد يومين اخلص شغلي ؟؟؟
وعلى جم اسعار التذاكر واذا ممكن ارقامهم عشان اتصل عليهم من لكويت اظبط حجزي عدل
شاكرلكم
إن شاء الله تعجبك السلطنه،،، وتستانس،،، وترجع مرة ثانية بعد،،،،
بخصوص تذاكر السفر،،، شوف موقع الطيران العماني وتقدر تتأكد من السفر،،، بس الطيران الكويتي عندهم تخفيضات على اسعار التذاكر من الكويت إلى مسقط تقريباً السعر 50 دينار،،، بس ما متأكد إذا كان العرض قائم،،، في طيران الخليج إذا دخلت موقعهم على الشبكه بحصل عندهم تخفيضات حلوه بعد،،،، وإنت عاد شوف الانسب لك،،،،
بإلنسبه للسكن فمن الافضل إنك تحدد وين في عمان بيكون شغلك،،، هل مسقط وإلا صلاله وإلا صحار،،،،
إذا كان في مسقط فأنصحك تأخذ لفه في بوابة السفر إلى السلطنة وراح تحصل تفاصيل وافيه إن شاء الله،،، وإذا فيه إستفسارات بعد نحن ما راح نقصر معاك،،،
أما إجراءات نقل الملكية فإذا كانت جميع الاوراق مستوفيه والاجراءات في السليم فما أعتقد الموضوع يحتاج أكثر من يومين،،،،، بس ترى موضوع الاراضي شوي شائك،،، دائما الحذر زين،،،، وفقك الله،،،
إن شاء الله تعجبك ديرتنا،،،