اختيار موفق إن شاء الله
الفنادق اللي اخترتيهم مواقعهم حلوه ومميزه مع اني ماجربتهم بس انا بسكن بشهر 8 بإذن الله في مريديان ميونخ
ممكن أسأل عن الأسعار؟

غرور , أختيار موفق للفنادق اللي ذكرتيها .
فندق أوروبا يقع في منتصف شارع المشاة (موقع أستراتيجي)مقابل لمكتب الخطوط القطرية والماكدونالدز.
وفندق الميريديان في ميونخ موقعه حلو يتوسط المحلات التجارية (كل شي قريب)بس يبي مشي .

متى حجزك بالنسبه لفندق اوربا وبكم طلع عليك قيمته ..

الفنادق اللى اخترتها وايد حلو بالنسبه لفينا وميونخ بس اللى بزيلامسي مادري عنه
وانا جربت القراند وايد حلو
والميريديان الى بميونخ جربته وماعليه كلام حلو
واي سؤال حنا فالخدمه

مشكورين على ردودكم وماقصرتوا ..
اختي درة ..
مشكورة على ردك وبس بالنسبة لسعر الفندق انا نفس الحاجة في شهر 8 سعره 770 ..
عيد 824 ..
شكرا لك افدتني كثير وماقصرت ..
الموسيقار..
فندق اوروبا في شهر 8 سعر الليلة على مااذكر ب 800 او 900
بو الجوري ..
يعطيك العافية وماقصررت بس بالنسبة لفندق قراند واجد من الاعضاء ذموه يعني اخااف احجز فيه ويصير لي نفس اللي صار لهم مع انه في اعضاء يمدحونه بس ماأدري هل اتم على فندق سالزبورغر هووف أو اغيره على السي فيلا او قراند؟؟؟؟

السلام عليكم . ارجو الافاده . ودي بفندق يكون رخيص لان ابرجع من سلامسي الى فينا بجلس ليلله وحده بعدها بسافر الي السعوديه ودي بفندق رخيص يكون قريب من المطار مع الشكر للجميع

الاخ عيد 824 والاخ ابو الجوري السلام عليكم . انا حاجز بقندق المرديان ميونخ. ودي اعرف زياده ايش مميزات الفندق واللي حول الفندق. الف شكر

اسمحو لي عالتاخير
والله انا ماشفت شئ من اللى قالوه الاخوان فالمنتدى مع اني سكنته مرتين (القراند) بالعكس الا القعده فالبلكونه ترد الروح
وبالنسبه للاخ الى سال عن الميريديان الفندق حلو وايد ومقابله محطة القطار وقريب من شارع المشاه المارين بلاتز 5دقايق مشي تقريبا ويمكن اقل وفيه حلاق ومحلات قريبه منه
واذا فيه اي سؤال انا احاضر

غرور , من تجارب الأصدقاء , ينصحون بفندق سلازبورجرهوف زيلامسي حيث انه فندق مكيف وقريب من البحيرة وعلى فكرة هو 5نجوم , وأتمنى اني أفدتك .