ياخي روعتني قلت صاير فيك شيء لا سمح الله ؟؟!!! الله يخلي لك البنيات واخوهن يستاهلون من يتعب لهم بس 6 ليالي في روست كثيره مع انها تستاهل لكن انت بتمر مناطق حلوه حرام تتعداها
المشكله في المسافه من زل امسي الى منطقة روست تقريبا 6 ساعات ؟؟؟
مدري انت مخصص ليله للراحه عند الرجعه لميونخ والا وش سالفتك بتقطع 4 ساعات ودايركت للمطار ؟؟!!!
نصيحتي لك الانتقال الى منطقة بحيرة كونستانس على حدود سويسرا والنمساء وهناك اجلس 3 ليال
عندك شلال الراين وزيورخ ولوزيرن وانترلاكن ومناطق كثيره تقدر تزورها
بعدها انطلق الى منطقة روست واجلس 3 ليال هناك
ثم الرجوع الى ميونخ واذا ما خصصت لها ليله بلاش تجلس فيها اول ما توصل انطلق لزل امسي اقل من ساعتين ونصف
التفاصيل بكره لاني ابنام تصبح على خير
تحياتي

اشهد لله انك وليده اخوي دايم وراعي فزعات لاخليت منك
عدلت العنوان
انا مشكلتي مشكله مع حجوزات الفنادق
من 6/27 الى 7/3 في شقة بزيلامسي دفعتها وغير مستردة
ومن 7/3 الى 7/6 في شقة جنب يوربا بارك غير مستردة
باقي اربع ليالي ماحجزت الى الان بس متكاسل ارجع لزيلامسي وفكرت اكملها في روست وازور المناطق القريبة منها
كل الحيرة في الاربع ليالي الاخيرة وانا ماحب كثر التنقل في السكن
وماحب اطول في المناطق اللي تتصف بالهدوء
انتظرك بكره يالغلا

ارد عليك وانا بعين وحده من الروعه قلت لايكون فيه شي
عساك تجلس 20يوم بس انت مبسوط ومستانس هنا الاهم
بس لاتستفزع على امور عاديه فديتك

الله يمنك يابو الهنوف من كل روع
وفداك اللاش
ارسلت للمشرفين تعديل العنوان
لاخلا ولاعدم يالبناخي

في ميونيخ ليش تسكن جنب المطار ؟
رح للداون تاون يامال المهلا
و6 ايام على روست واجد على كلام دايم وحتى زيلامسي 6 ايام واجد عليها لكن دامها غير مستردة مالك الا تاخذ سيارتك
وتدور في الريف والمناطق اللي حولها حاول تكتشف
هناك كل شي يحسسك بالمتعة يعني ماراح يجيك ساهر ولا نقطة تفتيش ولا فين تشتغل
الله يخلي لك ماعطاك ويحفظهم

إذا ماعندك في نهاية الرحلة ولا في اي وقت ميونيخ
تخلي 3 ليالي او ليلتين لميونيخ نهاية الرحلة وتزيد ليلة لرست إذا كانت ميونيخ بغيتها ليلتين

ياذا الحجز الغير مسترد هذا وفيزتك ما بعد طلعت ؟؟!!!طبعا انا كان ودي تخلي كونستانس في الروحه لروست لان المسافه بينها وبين زل امسي طويله قلت نستفيد من حيرتك وتسوي منطقة في النص وفي نفس الوقت تستفيد منها عموما ما فات الا الشر ولعلها خيره اجل في الرجعه سولك محطة توقف في كونستانس 3 ليال اصرف لك من ميونخ واسواقها ههه والدراهم اللي بتصرفها بالاسواق اصرفها في التمشيات وسعة الصدر طبعا يبقى ليله خلها تختيمه بميونخ والمسافه 3 ساعات الين ميونخ فقط
وبدل ما تفتر في الصاله اجلس واقراء هالتقارير من الخبير ابو عزيز وغيره عن منطقة بادن بادن وما حولها
بادن بادن
http://www.aboaziz.net/blog/?p=746
ستراسبورغ
http://www.aboaziz.net/blog/?p=717
اليورب بارك
http://www.aboaziz.net/blog/?p=691
الغابات السوداء
http://www.aboaziz.net/blog/?p=683

للعلم المسافه من منطقة روست الى كونستانس ساعتين فقط ومن كونستانس الى ميونخ 3 ساعات ومن كونستانس الى زيورخ اقل من ساعه علشان كذا اذا قالوا البنيات شيء قل ابوريكم زيورخ
ولوزيرن ساعه وربع
وانترلاكن ساعتين وربع
مش البنيات وخل عنك التكيات

آخر المحاربين القدماء
حياك وبياك اخر المحاربين القدماء
وصولي الى ميونخ متأخر وضطريت اخذ اقرب فندق للمطار للنوم ثم المسراح الى زيلامسي