بدون مقدمات باقول لكم مشكلتي وياريت تدبروني مالي عقب الله غيركم
أنا كان عندي مخطط للسفر إلى ماليزيا حسب تقسيم معين
الحين زاد عدد الليالي إلى 12 ليلة وصار التقسيم بالترتيب التالي:
ليلتين سيلانغور - فندق الصنوي لاغون - بريميير روم
ليلتين جنتنغ - فندق الفيرست وولد - وورلد كلوب روم
وهني المعضلة ركزو بليز معاي وقولو لي الأفضل
ليلتين كوالالمبور - فندق رويال شولان - ديلوكس روم
4 ليالي فوكيت بتايلند - فندق تاراباتونغ - ديلوكس روم
ليلتين كوالالمبور - فندق التريدرز - ديلوكس روم
أو
3 ليالي كوالالمبور - فندق رويال شولان - ديلوكس روم
3 ليالي فوكيت بتايلند - فندق تاراباتونغ بيتش - ديلوكس روم
ليلتين كوالالمبور - فندق التريدرز - ديلوكس روم
أي أفضل الترتيب الأول او الثاني؟!
أخاف من التقسيم الأول بسبب كثرة التنقلات فيه وأخاف فوكيت ماتستاهل 4 ليالي
مع مراعاة إن معاي طفلين الله يحفظهم وهالسفرة كلها عشانهم
والطامة العودة لحقوني
فريت كذا مكتب مب لاقية ولا غرفة وورلد كلوب في الفيرست وورلد بجنتنغ
حتى بمواقع حجوزات الفنادق كل الغرف مشغولة وأنا فاكرة روحي شاطرة وحاجزة من بدري
صبرت نفسي وقلت باجوف مكسيم وجيكته إلا كله سويتات أسعارها نار ياللهول
باقي فنادق جنتنغ بعيدة عن الملاهي أو فاشلة طايح حظها وأنا عندي السفرة كلها كوم وجنتنغ كوم ثاني
لاحد يقول لي خصصي لها يوم من كوالالمبور مابي مابي مابي لازم أبات فيها ليلتين على الأقل ولا باموت قهر
سنة كاملة وأنا أخطط حق هالسفرة وآخرتها أنصدم بالأسعار وطلع سعر أقل فندق بستين دينار!!
بلعتها وقلت ماعليه حنا مانسافر كل يوم والفلوس تروح وترجع لكن أضحي بجنتنغ لا وكلا لا أستطيع
وشي أخير فندق رويال شولان إخترته من قد ماقريت عنه هني عندكم بس اللي محيرني شي
كلام يقول إنه في شارع العرب وكلام يقول إنه يبعد عشر دقايق مشي
وأنا والمشي من زمان متخاصمين
وضروري أسكن فندق في شارع العرب لأني بآخر ليلتين باكون في التريدرز
أدري هذرت عليكم وايد تحملوني من حر مافيني ماتتخيلون شكثر كنت أعد وأمحي وأخطط لهالسفرة
وأرحب بأي تعليق على خط سير الرحلة وعدد الليالي والفنادق اللي إخترتها وأكون شاكرة وممنونة لكم