الغلاء في كل مكان بالعالم ياصاحبي
الله المستعان

هلا اخووي المسافر ....
انا معاك الغلاء في كل مكان ....
بس أعطيك فكرة عن طبيعة اسعار الفنادق في مسقط ...
كانت الاسعار حتى منتصف عام 2006 تتراوح بين 200 و 350 ريال قطري ...
فندق راديسون ساس .. كان سعره وقتها 35 - 40 ريال عماني ... وكان مقارنة بالفنادق اللي مثله ... غالي ...
فندق غولدن توليب ... كان بين 20 الى 25 ريال عماني ..
بداية 2007 ... الاسعار قفزت ...
أصبحت الغرفة في راديسون ساس ... حوالي 90 ريال عماني ...
وفي غولدن توليب .. حوالي 90 ريال عماني ...
وقتها حجزت في فندق سفير الدولي ... واخذت الشقة بحوالي 70 ريال عماني ...
الحين .. أتوقع الاسعار قفزت أكثر من هذا المعدل ...
على اساس أسعار فندق سفير الدولي ...
انزين شنو سبب هذا الارتفاع ؟؟
هل هو من قلة الفنادق في مسقط ؟؟ أم كثرة عدد شاغلي الفنادق ؟؟
أم كثرة الضغط على هذي الفنادق ؟؟
الله يعينا احنا المساكين ...
وانا شكلي ... راح آخذ من عند فندق سفير الدولي ...
صج سعرهم غالي ... بس شاسوي ...
مجبور ...
لو أحد يعرف شقق مثل مستوى فندق سفير الدولي ...
يسعفني فيه الله يخليكم ...
ويعطيكم ربي العافية ...

للأسف الشديد أسعار الفنادق والشقق في ارتفاع شديد
أخبرني أحد العاملين في مجال الفندق بأن من أسباب هذا الارتفاع هي الشكاوى المقدمة من الفنادق في الامارات وقطر بأن أسعار الفنادق في عمان رخيصة مقارنة بها فكان الارتفاع المخيف..

الهيزم
صراحة اذا كان هذا هو السبب ...
فالله يخلف عليكم يا أهل عمان على هذي العقلية اللي عندكم ....
المفروض انهم يستغلوم هذا الشي لمصلحتهم ...
وبعدين الامارات .. فيها فنادق جيدة ورخيصة ... اقصد برخيصة ... سعر معقول
اصلا ميزة عمان ... رخص المعيشة فيها ...
اذا عمان مستعدة تنهي هالميزة بنفسها ...
من راح يجيها عقب ؟؟
انا ماقول ان مسقط مافيها شي حلو ..
بالعكس ... بس ..
حتى الان الواحد مايقدر يطول القعدة في مسقط ..
وذلك لمحدودية الاماكن اللي ممكن يزورها الزائر ..
أكثر المناطق كلها خارج مسقط ...
نتمنى ان الاسعار ترجع الى ماكانت عليه ..
او على الاقل ... تكون بسعر معقول نسبيا ..
يعطيك العافية اخوي ...

أهلين اخوي اسير الدوحة
ما شاء الله عليك متابع جيد للاسعار وتحب الترحال .. والود ودنا انك تنزل بعمان بين اهلك واخوانك ولا تدفع لهالفنادق
عندي تعليقات على بعض النقاط اللي ذكرتها
الاسعار ما بين 20 ريال عماني و35 اعتقد هذي الاسعار تشمل الفنادق ذات الثلاث نجوم واقل فقط ... لكن الاربع نجوم وفوق اسعارها نار من قبل ... بعض الفنادق رفعت مستوياتها الى من اربع نجوم الى خمس نجوم فارتفعت اسعارها واسعار خدماتها وملحقاتها من اندية صحية.
من الاسباب الاخرى اللي ادت الى ارتفاع اسعار الفنادق هي ارتفاع اسعار الخدمات الاساسية ... عمان هي الدولة الاغلى خليجيا في البنزين والغاز والكهرباء والماء وغيره ... ايضا ارتفاع اسعار المواد الغذائية المختلفة كل هذا على حساب سعر الغرفة ...
اتمنى تدخل وزارة السياحة في هذا المجال بالتنسيق والتعاون مع وزارة الاقتصاد الوطني وباقي المؤسات الحكومية المسؤولة عن الخدمات المختلفة مثل بلدية مسقط ....
شوف الاتي وان شاء الله يعجبونك:

• مراحب للشقق الفندقة : خلف مسجد الزواوي بالخوير
• منام للشقق الفندقية : الوطية خلف وكالة هوندا عالشارع العام
• توجد شقق فندقية جديدة جنب فندق شيراتون في روي ما اذكر اسمها مقابل وزارة التجارة

الدوحاني 111
هلا اخوي الدوحاني ...
شوف انا اكثر شي كنت اسكن في قندق غولدن توليب وراديسون ساس ....
واسعارهم قبل ماكانت بالطريقة هذي ...
الغولدن توليب ؟؟؟ كانت اسعاره تتراوح بين 20 و 25 ريال عماني ..
اما الراديسون ساس .. فكانت اسعاره .. تتراوح بين 30 و 40 ريال عماني ...
السنة اللي طافت ... اسعارهم كانت بين ال 80 و ال 90 ريال عماني ...
من ناحية غلاء اسعار الخدمات الاساسية ... فانا اتفق معااك في هذا الشي ... وخصوصا البترول ...
انا قررت اني اسكن في فندق سفير الدولي ...
وذلك لاني ارتحت له ... واحس انه مرتب ونظيف وجديد في نفس الوقت ...
يعطيك العافية اخوي ...