دموع الوجد شفت النك نيم وأستبشرت خير
لا يا دموع زوجي من المستحيلات يسوق يبي يرتاح من السواقه ومن دوشه الأطفال في السيارة
والاطفال اصلا ما يريدون السيارة
يعني العايله كلها ما عندها رغبه بالسيارة
زوجي مستعد يمشي من جنيف ل انترلاكن بس ما يركب سيارة
الاجازة عنده مشي + تحرر من القيود والجداول + استجمام
على كلامه كفايه قيود العمل والمشاغل اليوميه
يكفيه يقعد بكافيه طول اليوم
زوجي غير يا اختى
مو مال متاحف واماكن سياحيه
مشي ورياضه وكوفي وبس
والمنطقه ما في اشكال اي منطقه
تكون بعيده عن تجمعات العرب + قريبة من محطه قطار + وليست في منطقه جبال مليئه بالامطار

اذا زوجك يجب المقاهي والسهر ماتنفع لكم الا المدن الكبيره زي زيورخ وجنيف اما انترلاكن ماتنفع لكم
اذا عادي عندكم تدفعون مبلغ تخلون على الاقل التنقل بين المدن تروحون بسواق اسهل لكم
على العموم السكن غالي جدا في سويسرا وانتوا عندكم مده طويله انا ودي يكون مخططكم
فرانكفورت - بادن بادن - انترلاكن - زيورخ - جنيف
وبعدين زوجك يبغى اماكن بعيده عن تجمعات العرب وهالشي مستحيل بما انه ما عندكم سياره وراح يكون سكنكم بالسنتر لانه مستحيل كل مابغيتوا تروحون اي مكان تركبون قطار او باص متعب عليكم افضل شي دام ما عندكم سياره تسكنون داخل السنتر وهالشي راح يكلفكم بالسكن والشقق داخل السنتر مافي للاسف
وجنيف بالسنتر بس انتبهوا من المنطقه الحمراء والله يعينكم على الاسعار

اختي خلج على القرى?
القرى فيها قهاوي? ترد الرؤوح
وإذا على المواصلات سويسرا من أفضل الدول من حيث المواصلات
لا تسكنين بالمدن ولا تعورين رأسك
خلج على خطتكم
وتركي عنج لف العالم بيومين ترى هالتخطيط فاشل
الدنيا مب طائرة
أقصبي أرضج وقعدي بسويسرا وخلى عنج التنقلات الكثيره
أسوي المخطط إلي يناسبكم والي على مزاجكم ويرصيكم ما يرضي غيرك

السلام عليكم ورحمة الله وبركاته
يا اخون يا اخوات يا مشرفينا الأعزاء
ابحث عن شقة في سويسرا لمدة شهر من 22 - -6- 2012 الى 22-7-2011
أريدها غرفتين وحمامين أجلكم الله
قريبة من محطة قطار
لأن زوجي لا يرغب في السواقه في سويسرا
لا يريد التقيد ببرنامج يومي وسواقه يريد أستجمام على الأخير وتحرر من القياده حيث انه يفضل المشي والتنقل البسيط باستخدام المواصلات العامه
فياريت الي يعرف شقة كويسه لمده شهر يا ريت يخبرني
بحيث لا تتعدى ال 30 الف ريال بالشهر
وحتى لو 21 يوم ما هو مشكله
ولكن الميزانيه تكون 30 الف ريال لكامل المده
وشكرا مقدما

وين أهل سويسرا
هل 30 الف ريال = 7500 فرنك قليله ل 21 يوم أو 30 يوم في سويسرا

اسفل التوقيع عنوان الشقق ومواقعها
الموقع مجرب ومضمون واسمه انترهوم
اذا خبرتك محدودة بخصوص البحث علميني وان شاء الله ادور لك
دام بتطولون في سويسرا اختارو الشقق او الاكواخ رخيصه وممتازة جداَ

اذا خبرتك محدودة بخصوص البحث علميني وان شاء الله ادور لك
اي ما اعرف ولا عندي الوقت الكافي للبحث تعرف اولاد وبيت بس بحاول ان شاء الله
وايش رايك بالميزانيه كافيه ولا نزودها شويه

طبعا الميزانية ماله علاقة بالتذاكر
وقبل اجاوبك لازم اشوف لك ادنى نسبه بعد دراسه المصروف ومبلغ السكن والبقية
كم المسافرين ؟؟
بشوف لك شقق في انترلاكن او قريب منها
والسوال الاخير ،، السكن ماعتقد بيكون في مكان واحد
وين اكبر مدة راح تجلسون فيها والمدن

الميزانيه للسكن وبس
العدد 2 كبار و 4 اطفال صغار اقل من 11 سنه
ما احب كثرة التنقل
يكفي منطقة او منطقتين بالكثير مو اكثر يا حبذا مكان واحد
الشقة لازم حمامين اجلكم الله