وعليكم السلام ورحمه الله وبركاته
فيه باص الخطوط الفرنسيه يوقف قريب الشانز ومن هناك بالمترو رقم 6 تنطلق الي محطه بير الحكيم
حدد محطه فندقك وين بالضبط علشان المحطات
وفيه برامج بالايفون تسهل عليك جربها قبل ان ما ضبطت اسال هنا

أهلا مديرنا ..
هذا بيكون الفندق
Villa des Ambassadeurs
يبعد فندق Villa des Ambassadeurs حوالي 5 دقائق مشياً على الأقدام عن برج إيفل ومنطقة Trocadero يمكن للنزلاء أن يجدوا 3 محطات مترو أنفاق على بعد دقيقتين مشياً على الأقدام من الفندق وهي محطات Boissiere و Iena و Trocadero
يعني أركب باص من المطار بكم تكلفته وكيف طريقه الصعود إليه ..؟
ثم اركب المترو محطه 6 ..؟
أول زياره لي لفرنسا ولا أدري وش السالفه ..
ويعطيكم العافيه ..

يا هلا بك عزيزي
الباص تلقي لوحه باصات تسأل عن باصات الخطوط الفرنسيه ويوصلك تقريبا 18 يورو وتقطع تذكر تقريبا نقول يورو وشويه
انت كم لك بتجلس في باريي وايش ناوي
يمكن افضل تاخذ تذكره حقت 3 ايام من زون ون الي 6 افضل من تدفع فلوس للباص
ومن القطار لا شريت التكت تروح الي اقرب لفندقك
عطنا الاجابه

أهلن أخي الكريم
اها
انا بجلس في باريس 3 ليالي ..
ناوي يوم كامل اخليه لديزني لاند ..
ويومين افرفر عند برج ايفل وقوس النصر ومتحف اللوفر وإذا مدى رحنا هضبه مونامارت أو الحي اللاتيني

من المطار تشوف لوحه مترو روح معها فيه الات او الموظفين خذ منهم باريس فيزت حقت 3 ايام من زون 1-6
اي مكان تروح له
خل ديزني الخميس وتروح قبلها الاوت لوت بس خلك بدري ماشي يعني 8ونص متحرك الصباح اولا الاوت لوت ثم ديزني البارك
الاربعاء - الجمعه
برج ايفل وقوس النصر ومتحف اللوفر وإذا مدى رحنا هضبه مونامارت أو الحي اللاتيني
الاربعاء ايفل والحديقه خلفه وقبلها تتقهوي في مقاهي الترايكادور يا سلام وتشوف ايفل اذا ما سلموك الغرفه لا خلصت من ايفل ترجع تريح طبعا الشناط تخليها عندهم عادي
بعد التريحيه اللوفر ثم بعدها حديقه خلفها وساحه فاندوم وشارع ريفولي تتفرج ثم الشانز
الجمعه براسك فرساي وبعدها مونمارت ثم الحي اللاتيني بعد المغرب

وقتك كافي
وخصوصا ان الوصول 10 الصباح
واللى ذكرتية تقدرين تلفينة بيومين بالراحة

جميل مديرنا
ترتيب حلو ..
إن شاء الله نسير عليه بشكل ممتاز ..
لاحرمنا منك ..
أبو طلال
أيه هذا الي عاجبني أن وقتي بيكون كافي ..
أشكرك على المرور عزيزي ..
مع التحية ..

لا زلت اصر اسأل غيري

أعجبني تخطيطك ..
بس عندي سؤال أنا لقيت موقع حق شركة حجز لشخصين ذهاب وعودة من المطار للفندق ..
بباص طبعا مع مجموعه مادري مين .. ب 65 يورو ..
ف مادري بحكم ان ماعندي شنط .. إي أفضل اتعامل مع هالشركة بحكم انها ذهاب وعوده ..
أو أروح بالمترو بس المترو مادري كم بيكلفني عشان احسبها مزبوط ..؟