1. السلام عليكم ورحمة الله وبركاته...

السلام عليكم ورحمة الله وبركاته...

يا أخواني الكرام انا عندي كم استفسار بسيط بخصوص الفيزا وان شاءالله اخواننا واخواتنا اللي قدموا على الفيزا في الفترة الاخيرة يشاركونا خبرتهم ومايقصروا معانا...
اول شي يا اخوان انا عندي قبول غير مشروط لدراسة الماجستير فمن الطبيعي اني راح اقدم على فيزا طالب, بس ايش نوع الفيزا اللي المفروض اطلبها لزوجتي وبنتي اللي عمرها 3 شهور؟ هي زوجتي حاليا ماراح تدرس يعني ماعندها قبول من اي نوع لكن ممكن تدرس مرحلة اللغة على حسب الظروف في وقت لاحق.
وثاني شي يا اخوان لمن اروح الموقع اللي احجز منه موعد لتقديم طلب الفيزا على الانترنت يسألك كم عدد الاشخاص اللي بيقدموا مع بعض, بس المشكله انه مايقبل الا تسجيل شخص واحد فقط! فهل في احد صار معاه مثل هذا الموضوع وسجل على انه شخص واحد بيقدم ولمن راح الموعد اخذ معاه عائلته؟
طبعا ياخوان انا حاولت اني احصل على اجوبة لإستفساراتي من مصادرها لكن والله ماقدرت, رحت المكتب اللي في جدة عشان استفسر بس حصلت الناس هناك زي الرز وكلهم قاعدين يتضاربوا عشان ياخذوا ارقام مدري مواعيد والمكتب طبعا مقفل الباب والناس في الاسياب ولا في الشارع اسفل ولاتقدر اصلا تشوف الموظفين عشان تسألهم, أخذت رقم تلفونهم وقلت امكن اقدر احصل اللي ابغاه بالتلفون وطبعا لاحياة لمن تنادي التلفون مشغول 24 ساعه وان مسك مرة كل 100 محاولة مايرد عليك احد...... الله يعين بس
رجاء يا اخواني اللي عنده خبره في موضوعي لايبخل علينا وجزاكم الله خير