ابن خلدون 15
13-12-2022 - 11:00 am
السلام عليكم ورحمة الله وبركاته
مساكم الله بالخير
ودي اعرف اللحين يا طوال العمر والسلامة لو ابغى اجهز لسفرة من اللحين لحتى بعد اربع شهور (يعني السفر بعد اربع شهور) كيف احصل المواعيد الان ومن وين خاصة اني ناوي سفرة باجازة منتصف الفصل الجاي ان شاء الله
السؤال الثاني
عرفت انه فيه ناس تحجز برحلات من غير الخطوط السعودية
وانا مالي لا روحات ولا جيات ولا عندي خبرة لذلك ابغى اعرف كيف اوصلها
من النت (اذا بحجز من النت) او حتى اسمائها وانا ادورها اهم شيء تكون مضمونه
تعرفون اخوكم ومحسوبكم ممكن يتعرض لعميلة احتيال بكل سرعة وسلاسة
والغرض من هذا السؤال انه ممكن يكون عند خطوط اخرى اسعار افضل للمكان اللي بسافرله
السؤال الاخير
تعرفون اكيد اجهزة الملاحة وش افضل الانواع حسب تجربتكم من جميع النواحي
ومنكم نستفيد
عندك خطوط واجدة غير السعودية .. وتقدر تحجز من مواقعها على الانترنت الرسمية ..
والفنادق برضو عندك مواقع رسمية موثوقة مثل booking و expedia و agoda ... الخ
انت أول شي حدد وجهة سفرك .. وين ودك تروح وتشوف وش الترتيبات اللازمة لهالدولة مثلا تحتاج فيزا ولالا ومن هالقبيل .. وبعدها كل شي يتسهل ان شاء الله