وين الردود يالربع ؟؟؟؟؟؟؟؟؟؟؟؟؟

قادري
وهذا وجزاكم الله خير
مرحبا أخوي
راح أجاوبك على إللي أعرفه
1: أثناء ملء إستمارة فيزا الشنغن السويسريه يوجد خيارين (دخول مفرد - ودخول متعدد ) ايهما اختار
علماً بأنني سأسافر في أكثر من دوله اوروبيه في رحلة واحده
( ايطاليا - المانيا - فرنسا ) بالإضافه الى سويسرا
متعدد
2: هل تغني حجوزات موقع بوكنغ ( او اي موقع حجز آخر )
المؤكده عن ارسال الفاكس من نفس الفندق للتأكيد اثناء التقديم للسفاره السويسريه في الرياض ؟
راح أقول لك عن تجربتي
أنا أحجز من بوكينق وأطبع الحجز
وأرسل إيميل للفنادق مباشرة أطلب منهم إشعار السفارة بمعلومات الحجز حتى أتمكن من إستخراج الفيزا
وطبعا أطبع الإيميل المرسل وأرفقه بورقة الحجز
وفي حال ردو علي الفندق أطبع الرد وأرفقه مع الأوراق
حتى تكون كاملة
وسلامتك
3: هل يجب إرفاق حجوزات الفنادق خارج سويسرا ( فرنسا ) في نفس الرحله ؟ واذا كانت الاجابه بنعم فهل يجب ان تكون مرسله فاكس من نفس الفندق ؟
من تجربتي ... نعم
وأتبع نفس الطريقة إللي ذكرتها قبل
4: اذا كانت الرحله مكونه من 8 ايام واول 5 ايام ستكون في ديفون و3 ايام في انترلاكن هل ستقبل السفاره السويسريه بإصدار التأشيره
علما بأن نقطة الوصول الاولى ومدة الاقامه الأكثر ستكون في ديفون وهي منطقه فرنسيه ؟ هل تعتبر السفاره السويسريه ان ديفون
منها ؟ وتقارنها بجنيف ؟
أعتقد إن المناسب إستخراجها من السفارة الفرنسية والله أعلم
عموما يفضل تكلم السفارة وتتأكد بنفسك
5 : اذا كانت زوجتي من غير الجنسيه السعوديه تحديدا الجنسيه ( اليمنيه ) هل ستكون هناك اي معوقات لإصدار التأشيره من السفاره السويسريه ؟
علما بأني سعودي
ما عندي خلفية
6 : هل يوجد انواع للبنزين في سويسرا مثل عندنا 95 و 91 ؟
نعم
7:اذا كنت داخل مدينة معينه في سويسرا وابغى اروح بالباص من الفندق الى اي مكان هل هناك منطقه معينه تتجمع فيها الباصات
ولا على طريقة خط البلده
اشر ويوقف ؟
نعم يوجد ...وفي حال وصولك راح يسلمك المؤجر
سواءكان فندق أو شقة بطاقات للتنقل بالباصات
مرفقة بخارطة توضح مسار الباصات في المنطقة
8: اذا سويت تشيك اوت من الفندق ومعاي عفشي وشناطي وشلون اركب فيهم الباص او القطار هل ادخلهم معاي ولا في اماكن معينه للعفش في
الباص والقطار ؟ وتحديدا الباص ؟
نعم يوجد لكنها صغيرة ومحدودة
9: في القطارات كيف اعرف الدرجه الاولى من الثانيه خصوصا ان مدة توقف القطار قصيره جدا ؟ وهل من الممكن ان انتقل الى الدرجه اللي حاجز
فيها وانا داخل القطار ؟ بمعنى ان هل المقطورات متصله ببعضها بممرات ؟
الدرجة تكون واضحة ومكتوبة من خارج وداخل العربة
والعربات متصلة ببعض وممكن إنك تنتقل بينها
0: هل سويسرا من الدول اللي تدقق من مكان اصدار تأشيرة الشنغن ؟ يعني هل يسألون ليش التأشيره شنغن فرنسيه وانت جاي سويسرا ؟
إذا طلعت الشينغن ماأحد راح يكلمك
11:هل توجد رحلات مباشره من زيورخ الى اوروبا بارك والعوده في نفس اليوم ؟
ممكن تشوف الشركات السياحية في المدينة
وطبعا تسألعنها الكونسيرج في الأوتيل
وممكن تشوف الموقع الرسمي للقطارات وتشوف المواعيد والمسارات المتاحة
2: هل القطار الفرنسي (tgv)
تنطلق رحلاته الى باريس من مطار جنيف ؟
ووين مكانه بالضبط في المطار ؟
ممكن تروح من مطارجنيف
وبتشوف لوحات إرشادية تدلك على محطة القطار
4: هل التفاهم مع الشعب السويسري بيكون سهل باللغه الانجليزيه ؟ ( اهم شي الفنادق والمطاعم والمزارات السياحيه ) ؟
نعم ... ولا تشيل هم
5: هل استطيع استرجاع ضرائب مشترياتي من سويسرا وميلانو في مطار باريس ؟ ولا كل دوله لازم تسترجع ضرائبها عندها ؟
كل دولة على حدة
وفي نهاية الرحلة لا بد من ختم الأوراق
وإلا يستردون المبلغ
6: هل في مكاتب استرجاع الضرائب غير اللي في المطارات ( داخل البلد يعني ) ؟
مكاتب الإنفورميشن
7:اذا كنت في خط سريع بين بلده وبلده هل اقدر اني اوقف في الطريق واستمتع بالخضره والمناظر الطبيعيه من دون مايجي راعي دوريه
يقول لي وش عندك موقف يالأخو لاعاد تعودها ؟
يعني بالعربي هل اقدر اصفط لبرهه من الوقت ؟
في أماكم مخصصة ومهيئة للراحة
أما الكشتة على الطريق زي إللي نشوفها عندنا فقطعا لا
8:كم السرعه المسموح بها في الطرق السريعه اذا كان عندنا اقصى شي 120 ؟
نفس الشي 120 اقصى حد في الخطوط السريعة
9: اذا كان عندي سويس باس وجيت اركب الباص او القطار هل اركب على طول ولا لازم اوري البطاقه لأحد معين
( مكتب التذاكر او الموظف اللي داخل القطار او الباص )
واذا كنت بركب على طول كيف يعرفون اذا عندي سويس باس ولا لا ؟
ما يحتاج توري أحد ومبأهم الثقة والأمالنة
وأحيانا يتواجد موظف للتشييك على التذاكر
0:هل خرائط الباصات والقطارات متوفره في المطار ولوبيات الفنادق ؟
الخرائط تكون مرفقة مع التذاكر
والله يوفقك (: