h+m=r+a+y
ماعندى فكره عنه

مشرفنا الخلوق "ياخى افهم"
مشكور على الرد والاستفسار واعتذر لك لعدم وضوح ومباشرة
بعض الاسئلة
هل ناوين فقط بانكوك او مدن اخرى لانه المده لازم تروحون مدن اخرى
واذى كل المده فى بانكوك راح تملون وايضا بانكوك تكون اخر محطه حق التسوق والمغادره
مو هذا سؤالي بالتحديد إيش تشور علينا بحكم خبرتك
المهم مدينة اخرى فقط اما بتايا او فوكيت او شينغماي
ماذا ترشح لنا لمدة ثلاثة ليال وفين نسكن ووين نروح باختصار
لو ممكن طبعا يامشرفنا البطل
مايصير فندق قريب من كل شي لازم تحددين قريب من الاسواق او قريب من منطقه نانا
والله يامشرفنا ماندري وين منطقة نانا ووين اسواق بانكوك
والامر متروك لك المطلوب نكون قريبين من اماكن العرب ومطاعمها ولو الاسواق
بجوارها ياريت يامشرفنا وللعلم هذه اول مرة نزور تايلند
لاكن منطقه سيام هي الافضل
ماهي اسماء هذه المراكز يامشرفنا العزيز وكم تبعد عن منطقة العرب كمثال!
شانغ ماى - مدينه جبليه تتميز بالطبيعه والجبال والانهار تحتاج اقل شي 3 ايام
وشلون نروح لها بالطائرة او القطار او السيارة والله نخاف موت من الطيارات
ههه والمسافة والسكن فيها وشلون واهم مافيها وهل تستحق ثلاثة ليال
للذهاب اليها والامر برمته متروك لرؤيتكم يامشرفنا الغالي
بانتظار الاسئله الاخرى منج وانصحج انج تلفين على مواضيع البوابه حتى تاخذين فكره عن تايلند ومناطقها
لفيت وتعبت من كثر اللف والدوران والان بعد كل ماسبق
ارجو الرد والايضاح بشكل مباشر والمعطيات جميعها امامك
بارك ربي فيك وجزاك الف خير
ماعندى فكره عنه
منو البطل إللي يدلنا على فندق ويندسور ببنانكوك
ويعطينا فكرة عنه متكاملة؟
اتمنى من الجميع المشاركة فلاتبخلو بمعلومة ترونها بسيطة
وغيركم يراها عكس ذلك عطونا تجاربكم واجوبتكم لاسئلة اختكم
واجبرو بخاطرها وانصحوها ولك خالص الدعاء وجزيل الشكر والاحترام
اختكم
ام ريان

1. :8888: انا البطل

:8888: انا البطل

بالنسبه لفندق ونسر سويت انا سكنته سنة 2003 وكنت حاجز بالدوبلوماتك سويت لا كن من وصلت للفندق على طول صعودني للمنستر سويت اللي اهو السويت الوزاري انا جلست فيه تقريبا 10 ليالي 11 يوم طبعا علشان الدوبلوماتك كان فل صعدوني للوزاري قالوا بس اليو م وباكر تنزل حق الدبلوماتك والظاهر انهم نسوني عاد مادري نسوا ولا قاصدين المهم الفندق وايد حلو وسيفتي زياده عن اللزوم اذكر لما تدش المصعد تحط الكرت وعلى طول يوديك حق الطابق اللي انت فيه ماعادا المطعام والكافيه شوب وفي كافيه بس اظنه مخصص للبرزدنت سويت المشاريب والاكل المآكولات الخفيفه مجاني واذكر بعد محلين ماركات معروفه موجودين بالفندق ماجرين غرف واسعار هم حلوه وايد مثل البربريز والجفنشي وكان فيه 3 حمامات سباحه وعلى مدى العشر ليالي كان فيه قروبات من المغرب العربي تسكنه يعني مر علي 3 قروبات وفي عوئل بحرينيه والسويت يتكون من غرفه وصاله وموجود فيه تلفزيونين وفيه خدمه هوم سينما وفي كاميرات بكل مكان تحسسك بالامان وفيه باللوبي نفسه سوق كبيرللمنتجات التايلنديه وبالنسبه لموقعه اهو في سوي 18 او 20بجانب سفن الفن نفس شارع سكوموفيت قريب شيراتون جراند سكموفيت قريب من روبنسون وقريب الستيشن اللي قبل نانا بينه وبين نانا المنطقه العربيه 5 دقايق مشي او تقريبا تقريبا 8 دقايق 37 ثانيه بس اهو مو على الشارع على الشارع شوي داخل بس مو وايد
معا كل اللي قلته عن ايجابيات الفندق الى انه في اختيارات كثيره احسن منه بوايد
هذا وتقبلي تحيات اخوج الصغير مراهيش

انا البطل
والنعم وجزاك ربي الجنة ومن تحب يالله
الاخ الكريم مراهيش
يازين كلامك وشرحك وبعدين خرجت عن النص ههه
معا كل اللي قلته عن ايجابيات الفندق الى انه في اختيارات كثيره احسن منه بوايد
مثل إيش اخي الكريم وهل لديكم رؤية او نصيحة لاختكم
فيما سبق ذكره في أعلا الموضوع من حيث البرنامج والمواقع
فالاخ ياخي افهم ماقصر وانت كذلك لكن والله محتاجة لنصائح اكثر
ومعلومات محددة وبرنامج مناسب لمعطياتنا السابقة واسفة على الازعاج
وهي رسالة لجميع خبراء تايلند الاعزاء
اختكم
ام ريان

h+m=r+a+y
الاخ مراهيش ماقصر قالج كل شى عن الفندق

مشرفنا المميز جدا جدا
ياخى افهم
بارك ربي فيك ورزقك من حيث لاتحتسب والفردوس الاعلى من الجنة
وجميعنا يارب
نظرا للتطورات الجديدة ورؤيتكم لضرورة تغيير البرنامج وزيارة بوكيت
سوف يجتمع مجلس عائلتنا الصغير وسوف نضع ماوصلنا امام رب الاسرة ابوريان
مساء هذا اليوم ان شاءالله وسوف اوافيكم بنتائج الاجتماع العاجل
( ارسلت له مسج عاجل الان ههه)
وبرد عليك هنا في موضوعنا واخر استفساراتنا واسئلتنا والله يعينك ويساعدك عليها
مع شكري وتقديري لتجاوبكم ونصائحكم الثمينة
اختكم
ام ريان

1. هلا بالاخت العزيزه ام ريان

h+m=r+a+y

هلا بالاخت العزيزه ام ريان

بالنسبه لسلبيات وينسور سويت انه نوعا ما يبيله مشيء وبعدين قريب منه شارع عام رئيسي وبعدين كثرة اعزكم الله الكلاب اللي منتشره بالشارع ونوعا ما يعتبر الفندق مخيف بالليل تقريباكانه في حي سكني
ولما تطلعين من الفندق الى الستيشن اللي قبل نانا ستيشن لازم تخطرين شارع رئيسي وخاصه انه معاج اطفال بالتالي في نوع من الخطوره هذي سلبياته القليله بالنسبه للفنادق في ارخص من المبلغ اللي حطيتيه في فندقين ورخاص ومو حلوين حليوين الفندق الاول فندق الميدل ايست الشرق الاوسط فندق متواضع جدا بس نظيف وفي نفس الفندق مسجد تقدرين هذا اللي سواه اخوي سكن بغرفتين بينهم باب سعر الغرفه باليوم 800 بات والغرفتين يعني 1600 بات تقريبا سعر الغرفتين 46 دولارباليوم وفي فندق مقابله ويعتبر نفس الفندق ادارتهم واحده اسمه بانكوك صحارى هوتل هذا عنوانهم بالنت http://www.sawadee.com/hotel/bangkok/bangkoksahara/ بالنسبه لصحارى اغلى شوي الغرفه الدبل 1200 بات الفندق هذا انا راح اسكنه انشالله تاريخ 12 يوليو فندق متواضع بس غرفته نظيفه وسكانه اهو والميدل ايست وحماماتهم اعزكم الله رخام ونظيفه ويوجد فيها شطاف والتلفزيون يطلع قناة دبي والكويت واظن السعوديه انا 7 نجوم سكنت صدقيني اختي العزيزه مثل مثل اهم شيء نظيف ومحترم بعدين الموقع في نانا سوي 5 قريب من كل شيء قريب من المطاعم الصراريف تقريبا 12 متر و78 سانتي وقريب من نانا ستيشن وقريب من اوم وجاكي وفريده قريب من الفود لاند وقريب من البسطات اللي بنانا وقريب من البخور والعطور وقريب من موسى البانكوكي وخوش رحلات عنده ومن شهرزاد والمطعم العراقي خوش جلو كباب ومرق فاصوليا بيضه ومطعم نفرتيتي وياعندهم خوش محاشي ومطعم البتراء خوش مندي عندهم وشهرزاد خوش مشاوي مشكله انا بطيني وفي واحد هندي عجوز يسوي شباتي على كيف كيفج كل شيء قريب بدون مبالغه كل اللي قلتهم ابعد شيء عنج 200 متر وفيهم شيء اقل من عشرين الى 15 متر كل شيء اتوقع والله تعالى اعلم اني جبت الزبده هذا الي قلته على عجاله لاني بطلع عندي شغل وانشالله الشباب مايقصرون وخاصه الاخ العزيز المشرف ياخي افهم وعندي ثقه لو انه يمر على الموضوع السائح العربي اربيان تلفر وراعية بانكوك وام شيخه نيز نيز وغناتي وغيرهم من فطاحلة البوابه ويسمحولي الي ماذكرت اسمائهم مو مقصرين موضوعج بيخلص وتقبلي تحيات اخوج الصغير ابو رؤى

مراهيش .. ماشاء الله تبارك الله عليك
صج ردك يبرد القلب ..
هذي الردود الحلوه اللي تحسسنا كأن شفنا المكان بعيونا
الف شكر ..بس عندي سؤال
ممكن تعطيني اسم فندق في منطقة التسوق مثل سيام او برتنام بس يكون جنبه محطة اقدر اجي نانا ( شارع العرب ) كل يوم
واذا عندك اي معلومه عن اي فندق عطنا و لا عليك امر

لو سمحت ..مكن سوال
فندق ماجستك هل هو قريب من الاسواق .. اي هل هو في منطقه سيام ؟؟؟