- طبعاً هاذي أول مشاركه لي ويسعدني انضمامي معكم واتمنى أملي مايخيب بكم
- موضوعي أريد مساعدات وتوجيهات منكم
السلام عليكم ورحمة الله وبركاته
طبعاً هاذي أول مشاركه لي ويسعدني انضمامي معكم واتمنى أملي مايخيب بكم
موضوعي أريد مساعدات وتوجيهات منكم
احنا عايله من 4 كبار و2 مراهقين و2 اطفال قررنا نصيف السنه في اسبانيا تحديداً ماربيا وماحولها في بداية يوليو والحمدالله حجزنا الطيران والفندق وكل شي تمام والاماكن السياحيه والترفيهيه والاسواق مازعلت حد بالجدول نضمته مناسب للجميع لكن واجهتني شوي حيره قررنا نجرب السواقه وللعلم أول مره في سفر نأجر سياره ومتخوفين شوي سوينا الليسن الدولي لشخصين.
المطلوب:1- سواق مع سيارته ل 9 أشخاص أو سواق واحنا نأجر السياره ل 9 أشخاص، وكم الاسعار تقريباً.
2- الجو شلون راح يكون حار جداً صحو رطوبه ولا شلون، يعني الاطفال نلبسهم أكمام طويله من القطن الخفيف البارد ولا اكمام قصيره، الشمس حارقه مثل عندنا فالخليج يعني.
3- سمعت ان النامس بكثره هناك، هل ناخذ معانا مراهم النامس وجهاز طارد النامس.
4- التلفريكو شنو فيه يودينا لوين وناخذ وقت فيه ولا مجرد مرور بس.
5- حديقة الفراشات والنباتات أنا اخترتها عشان تصوير الماكرو ، هل ناخذ فيها وقت.
6- بالنسبه للحدايق المائيه ميخاس واكوا لاند شنهي الافضل وهل اثنينهم يستحقون الزياره؟
7- تيفولي مدينة الملاهي شفت في موقعهم تفتح 5 المسا هل تستحق الزياره.
و أخيراً
8- أحوال الاسبان هناك هل هو شعب في حاله ويفتح النفس؟ صحيح سمعت ان في سرقات وين تتواجد بكثره السرقه يعني شنطة الكاميرا لابستها بظهري ممكن اتعرض للسرقه بهالحال
وشكراً لكم مقدماً والسموحه ع الاطاله
وان شاء الله بعد ماتتم السفره على خير راح اعرض تقرير لكم.
وين الخبراء وين الناس على الاقل رد تحفيزي !!!