الإسراء
06-08-2022 - 07:55 pm
السلام عليكم ورحمة الله وبركته
كيفكم اخواني
انا اختكم في الله وابغاكم تساعدوني
اول شي ان شالله في 18 يناير ناوية اسافر على امريكا ولاية اورلاندو عشان ازور اختي
واحتمال حتكون رحلتي من جدة على واشنطن او نيويورك حسب المتوفر عشان على طول اركب طيارة تانية واروح على اورلاندو
انا لبقيت حجز على الخطوط السعودية من 18 يناير الى 31 يناير سعر التذكرة 4139 ايش رايكم ؟
المشكلة انه انا مسافرة لوحدي يعني جدا جدا خايفة فهل هناك امان ؟ يعني اني من الطيارة على طيارة تانية ماضيع ان شاءلله ؟ لانو مرة خايفة الكل يقلي مافي امان بليز طمنوني
والحمد لله انا لغتي الانجليزية ممتازة بس برضو خايفة اتوه واضيع
تاني شي ايش افضل خطوط تنصحوني بيها انا مابغا ترانزيت كتير لانه انا بنت ولوحدي فصعبة
وكمان ايش افضل خطوط داخلية في امريكا تنصحوني بيها
وكمان انا بدات اعبي الابلكيشن يعني ينفع اعبي الابلكيشن وانا لسا ماشتريت تذاكر السفر ولا لازم احجز واجيب التذاكر
افيدوني بكل شي الي تعرفو الله يسعدكم بتجيكم دعوة مني من قلب مكة
الله يسعدكم لحد يدخل وما يرد
حصلت أرخص من رحلتك ، من جده إلى نيويورك ، الذهاب في 16 يناير والعوده 30 يناير أو واحد فبراير أو أثنين فبراير ب 2989 ريال
أفضل خطوط دوليه أشوفها السعوديه لآنها دايركت لآمريكا وكذلك هي من أرخص الخطوط ويمكن يكون فيها مصلى في الخلف.
أما أفضل خطوط داخليه قد تكون الجت بلو لآن أول شنطه مجاناً بدون رسوم مو مثل بعض الخطوط الآخرى ولآ فيها تأخير بالرحلآت إن شاءلله
لآتشترين تذاكر ولآتعملين أي شيء الآ بعد خروج التأشيره تحسباً لآي تأخير ، وأصلآ هم موضحين كذا في موقع السفاره
بالتوفيق خيتو ،،