كم مدة الرحله وكم العدد وهل معكم اطفال وهل تفكرون باستخدام السياره في ريف سويسرا ؟؟

daayem1
مدة الرحلة ان شاء الله راح تكون 15 يوم
العدد ثلاث كبار وثلاث أطفال
لا ماراح نستخدم سيارة
يعطيك العافية ع الرد السريع

محطة اولى جنيف ويمكن السكن في لوزان نصف ساعه بالقطار (كلاهما يوجد بهما محطة قطار رئيسيه ) 4 ليال
محطه ثانيه الانتقال بواسطة القطار ساعتين ونصف مع تبديل واحد فقط الى انترلاكن السويسريه 5 ليال
محطه ثالثه الانتقال بواسطة القطار الى منطقة روست الالمانيه على حدود فرنسا حيث توجد العاب اليورب بارك وبادن بادن وستراسبورغ الفرنسيه
ويكون السكن في يلدة Offenburg الالمانيه لان القطار يصلها مباشره من انترلاكن بدون اي تبديل وهي متصلة بقطار مباشر الى بادن بادن 15 دقيقه وستراسبورغ نصف ساعه وكذلك اليورب بارك نصف ساعه
محطة اخيره باريس وهي تبعد عن ستراسبورغ بالقطار المباشر اقل من ساعتين ونصف اي يتم الانتقال من Offenburg الى باريس 3 ساعات تقريبا وتبديل واحد في ستراسبورغ
كما يمكن اضافه محطة بين انترلاكن ومنطقه روست وهي زيورخ فهي تبعد عن انترلاكن بالقطار ساعتين مع تبديل واحد وزيورخ تبعد عن منطقة روست ساعتين ونصف مع تبديل واحد
كما يمكن الانتقال من زيورخ مباشره الى باريس بدون تبديل 4 ساعات
هذا اقتراحي لك وهو يمر اجمل مناطق اوروبا واشهرها والمسافات متقاربه وبالقطار اقل تبديل ممكن وان كنت انصحك بالسياره تستلمها من جنيف وتسلمها في ستراسبورغ وتنتقل بالقطار الى باريس فالسياره تجعل الرحله مريحه وممتعه
وسوف تجد الكثير من الاقتراحات يقدمها الاعضاء والجميع مجتهد وليس كل مجتهد بمصيب
تحياتي

السلام عليكم
يعطيك العافية اخوي على هذا الاقتراح الجميل الصراحة افدتني جدا
بغيت اسئل من الاحلى منطقة لوزيرن أم انترلكن ؟؟
يعني الاحلى نسكن فيها والاقل نزورها فقط ؟؟
وبخصوص المخطط بغيت اخذ رايكم فيه
بعد مشاورات الاهل اتفقنا ننزل في مطار ستراسبورغ الفرنسية بعدها نروح يورب بارك .. (( بغيت اعرف كم تبعد بالسيارة ))
يورب بارك ان شاء الله بنقعد فيها 3 أيام
بعدها بنروح على انترلكن أو لوزيرن ((حسب اقتراحكم لي من الاحلى)) بتقعد فيها 5 أيام (( أيضاً بغيت اعرف كم تبعد هالمنقطتين عن بعض بالسيارة ))
بعدها ان شاء الله على لندن بالقطار
اتمنى الجميع يتفاعل معاي وولاتبخلون علي بتجاربكم لان أول مرة اروح سويسرا
وأنا واثقة في أقتراحاتكم
يعطيكم العافية جميعا

هل زيورخ حلوة او لا ؟؟
وإذا نصحتوني أورحلها شلون بيكون مسار الرحلة

يسعد مساك ،
زيوريخ عجيبة فيها شارع التسوق الرئيسي الممتد من محطة القطار والبحيرة، تستاهل ليلتين .

وش تقصيد بالاحلى الناس في عشقهم مذاهب بعضهم يعشق المدن الصاخبه والمزدحمه والبعض يعشق الارياف والبلدات على ضفاف البحيرات والانهار وابغى اعرف ليش تنزلون مطار ستراسبورغ ؟؟؟ ما فيه طيران مباشر لها اكيد ترانزيت بباريس زيورخ السكن بنفس المدينه مزعج ولكن حولها مناطق رائعه يمكن السكن فيها وزيارتها ولكن لابد من وجود السياره
حتى منطقة روست وبادن بادن والملاصقه لستراسبورغ يفضل السياره او السكن بالمنطقة التي ذكرت لك واذا اطفالك صغار فالافضل لهم الديزني طبعا الاطفال فوق 15 تعجبهم اليورب بارك

انا بحثت في موقع القطرية حصلت إن فيه رحله لستراسبورغ وان شاء الله بتأكد بتصل لهم بكرة
أما عن اختلاف مذاهب الناس انا معاك ان فيه اختلاف بس انا ماحطيت مقارنة بين مدينة وريف الثنتين أرياف
فأنا اقصد من الاحلى من حيث الطبيعة السياحة أماكن انزورها يعني هالاشياء ..؟
الاطفال أصغر من 15 بسس انا سمعت أن فيه قسم لألعاب الاطفال في يورب بارك ؟؟ صح ؟
الله يعيينك على أسئلتي وجزاك الله خير

خذي راحتك بالاسئله وانتي اللي لا تواخذينا اذا تاخرنا بالاجابه لان اللي يسألون كثير وبعض الاحابات تحتاج بحث فمثلا سؤالك عن الطيران الى ستراسبورغ من البديهي انه لا يوجد مباشر ويوم قلتي القطريه رحت للموقع علشان اتاكد وفعلا طلع كلامي صحيح القطريه توصلكم باريس بعدين تسوي لكم كونكشن طيران داخلي واذا منتب قطري اكيد ترانزيت في الدوحه وليش الغثاء هذا كله ؟؟!!
بالنسبه لليورب بارك عباره عن ملاهي ضخمه وسط منتجع طبيعي يتخلله انهار واشجار يعني طبيعته منه وفيه ويعتبر بحد ذاته نزهه وفيه العاب للصغار وللكبار ولكن مشكلة الكبير المسئول عن اطفال بتطقه الحسوفه خصوصا اذا كان من محبي ركوب العاب قطارات الموت والهاي سبيد لاهو قادر يركب وترك اطفاله (للعلم بعضها تحتاج سرى لمدة ساعه يعني راح تتركهم ساعه ) وصعبه يجلس احد الابوين عند الاطفال لان الثاني ما راح يستمتعون اتذكر انا وزجتي ما صبرنا لانها ذكرتنا بديزني اورلاندو ايام شهر العسل وايام الاستهبال المهم تعدينا لعبه والثانيه والثالثه كلها ما تدخل اطفال اقل من 80 سم والاخطر 100سم واخطر الخطيرات 120 سم وهي عشقتا ما صبرنا الى فيه مكان شبه مغلق للاطفال دزينا البنات 8 و5 سنوات وانواع التوصيات لا تتعدون المكان ورحنا المشكله كان السرى ساعه وكننا على نار ركبنا وانتهينا ورجعنا للبنيات حصلنا الصغيره مصادقة بنت بعمرها اسمها حصه من السعوديه ههه قلنا اثره مهوب حنا لوحدنا المهبل الزبده انها البارك ممتع للكبار والصغار