تسلم اخوي ماقصرت....
انا ابغا اسألك عن سان فرانسيسكو عن المعيشة عن المدينة عن كل شي فيها وياليت تفيدني ومشكور،،

meesho_666
اي والله اخي العزيز ياريت يفيدنا عن الأماكن السياحية لأن راح اكون هناك بعد 3 ايام ان شاء الله

سان فرانسيسكو تعد من اغلى ومن أجمل ومن ازحم المدن الامريكية تمتاز سان فرانسيسكو بعدة معالم شهيرة مثل جسر البوابة الذهبية والشوارع ذات المنحدرات والقطارات الشهيرة أو الكيبل كار وكذلك بير 39 وفيشرمان وورف والموقعان الاخيران على البحر وفيهما مجموعة كبيرة من المطاعم واماكن التسلية والعروض كذلك ينطلق منها البواخر الخاصة بزيارة جزيرة الكتراز الشهيرة وكذلك اخذ جولة من اسفل جسر البوابة الذهبيبة وهي من اجمل المواقع التي يحرص السياح على الحظور اليها وكذلك مرتفعات التوين بيكس وهي منطقة مرتفعة تشاهد من خلالها مدينة سان فرانسيسكو وعدة معالم اخرى كثيرة
سان فرانسيسكو من وجهة نظري فهي مدينة جميلة جداً وتستاهل الزيارة ومما يميز سان فرانسيسكو انها خليط من شعوب كثيرة فلاتلاحظ فيها بأنك غريب
وترتبط سان فرانسيسكو بمدينة اوكلاند ويفصل بينهم الجسر فقط وتقع في الشمال الشرقي للمدينة تقريبا وفيها تتواجد الجاليه العربية اليمنية منها خاصة
هذي بعض المعلومات البسيطه اتمنى ان أكون قد افدة من خلالها بعض الاخوان وللأستزادة بشكل مفصل ورائع ومدعوم بالصور والردود المفيدة اتمنى زيارة موضوع اختنا بنت الصقور (بنت الصقور وجوله بالصور في {سان فرانسيسكو})
وسامحونا على القصور

كم تكلف السكن في سان فرنسسكو وما مستو الجامعات فيها
ويعطيك العافيه

مثل ماسبق وان ذكرت ان سان فرانسيسكو تعتبر من المدن الغالية على مستوى امريكا وهذا طبعاً ينعكس بالدور الاول على تكلفة السكن فيها فمتوسط سعر الشقة غرفه واحده وحمام اجلكم الله 1500 دولار والشقة غرفتين ودورتين مياه اجلكم الله 2000 دولار طبعاً هذا في نفس سان فرانسيسكو اما اذا سكنت في الضواحي فالسعر ينزل عن ذلك
اما بالنسبه للجامعات ففيها من اقوى الجامعات على مستوى امريكا اولاً جامعة The University Of California-Berkeley طبعاً جامعة غنيه عن التعريف وهي في قمة الهرم التعليم الجامعي الحكومي الاميركي وتقع في بيركلي وهي احد ضواحي مدينة اوكلاند القريبه من سان فرانسيسكو وهناك جامعة Stanford University طبعاً جامعة معروفه وقويه جداً وتقع في مدينة Palo Alto جنوب سان فرانسيسكو وهناك جامعة California State University وهي جامعة لها عدة فروع على مستوى كاليفورنيا ولها فرع في سان فرانسيسكو هي San Francisco State University طبعاً هذي أشهر الجامعات وأقواها ويوجد الكثير من الجامعات أو الكليات أو المعاهد الاخرى في سان فرانسيسكو او في الضواحي القريبه منها

تسلم مجب جهوله على تميزك وخدمتك وافادتك لاخوانك وفي ميزان حسناتك يارب ....
اخوي بغيت اسالك انا نازل امريكا ان شاء الله بعد اسبوع وبالتحديد فلوريدا ميامي
ونصحوني فيها اخوي انها خطره وغيرها وانا نازل بيني وبينك لغرض الا وهو شراء السيارات
يعني شو تنصحني انته هل اذهب لها ام اغير وجهتي الى مدن او ولايات اخرى..؟؟ ونصحوني باولاندو
وقالولي انها شعب لطيف ومتفهم ... والشي الثاني بيي ولايه او مدينه تنصحني بمعارض السيارات
لني ابي الف واخذلي جولات واحددلي السيارات الي ابيهم واشحنهم .. ابيك تفيدني بيي نصيحه
يمكن تنفعني في سفرتي ,,,
وبخصوص الفنادق حد يعرف فنادق اساميهم تكون مو غاليه في ميامي او ارلاندو يفيدني فيها لني نازل
امريكا ابحث على فندق ومش حاجز من هناا فياليت حد يقصر تعبي ويفيدني
وربي يكتب الي فيه الخير ويحفظكم يارب ...

تسلم اخوي وش فيك ماجاك على هالدعوة
بالنسبة لميامي صراحة ماعندي خلفية كبيرة عنها لكن على العموم مسئلت انها خطرة فهاذا مااوافق عليه لكن لابد في كل ديرة مكان مهو طيب او فيه مشاكل والدليل على ذلك ان ميامي تعتبر من الوجهات السياحية العالمية وخصوصاً من دول الخليج اما اولاندو فهي ينطبق عليها ماينطبق على ميامي
وبخصوص موضوع المتاجرة في السيارات فماعندي خبره فيها لاكن على ماسمعت أن تكساس وفلوريدا من الولايات الي يذهبون اليها بخصوص هذا الشي بس لابد من ملاحظة ان السيارة ماتكون مصدومة سابقاً او مستخدمة في الشرطه او تأجير السيارات او عليها مشاكل وكذلك التأكد خلوها من الصدا خصوصاً في تكساس وهناك بعض المواقع على الانترنت تشترك فيها تعطيك معلومات كامله عن تاريخ السيارة من جميع النواحي
اما بالنسبة للفنادق افضلك انك تحجز عن طريق الانترنت

يعطيك العافيه أخوي محب الهجوله ويجعل كل كلمة حسنه في ميزانك الغالي
تسلم وسلمت يمناك تحياتي

انا ودي اسأل عن مدينة سان دييغو ؟.....يعني هي رخيصة والا من المدن الغاليه....وكل ماهو مهم عنهاودي بعد اسأل عن جامعة كاليفورنيا - سان دييغو؟ ...يعني القبول فيها ..صعب والا سهل .....الخطبيعة سكان سان دييغو....كيف تكون.....الجو..........الخ