الحمد لله على السلامة
اتمنى منك ملخص للتكاليف , والفائدة خلال المدة (4 شهور) , ومارأيك بالسكن مع عائلة
ليستفيد الجميع
تحياتي ,,,

Usas
الله يسلمك أخوي ، التكاليف كانت كتالي : 35 الف ريال تقريبا رسوم المعهد والسكن مع عائلة في غرفة مزدوجة وتأمين صحي وضد السفر (ندمت عليه صراحة)
بالنسبة للتذاكر تختلف ، انا اخذتها على مصر للطيران ب 2800 ريال ، الفيزا كانت بحوالي 700 ريال .
بالنسبة للصرف هناك ، يختلف على حسب الشخص ، يعني انا مثلا خلال الأربع شهور ما رحت لندن إلا مرتين بس ، بينما فيه ناس مقطعينها سفرات ، الأكل فيه ناس خفافي وفيه ناس ما شاء الله ، على العموم العائلة تعطيك فطور وعشاء ، وفي الويك اند يعطونك الثلاث وجبات كلها .
متوسط سعر الوجبات هناك من 4.5 إلى 7 باوند .
فيه سوبر ماركت اسمه ASDA فيه فرعين منه في برايتون ، انصح فيه للي يبي يشتري له شوكالاتات وفاكهة وغيرها ، لأنه رخيص جدا ، تقريبا زي أسعار السعودية .
أيضا تذكرة الباصات ، سعرها 17 باوند في الأسبوع لكن يسوون خصم على حقت ثلاث شهور وحقت سنة للطلاب ، انا اخذت حقت 90 يوم ب 110 باوند .
هذي زبدة الصرف ، وجبة الغداء وتذكرة الباصات ، طبعا فيه اشياء ثانية زي الشامبوات ومستلزماتك الشخصية وغيرها ، وهذي تختلف من شخص لشخص .
بالنسبة للفائدة ، صراحة كله يعتمد عليك ، اهم شيء صراحة هو الممارسة ، يعني دراسة المعهد كانت اكاديمية عادية ، لكن اذا قعدت تسولف مع الطلاب الأجانب طول اليوم لسانك يبي يمشي ، انا لغتي تطورت جدا الحمدلله ، كنت في مستوى Elementary وصرت في مستوى Upper-intermediate الحمدلله .
بالنسبة للعائلة :
انا كنت مع عائلة مكونة من الأم وعيالها الثلاثة الي ما اشوفهم .
كانوا كبار ، اصغر واحد 29 سنة .
طبعا العائلة كانت جيدة إلى حد ما ، انا كنت جايب شطافي معي وهذا اهم شيء لأنهم الله يكرمكم ما يستخدمون الشطاف في الحمام .
طبعا لازم تتغاضى عن اشياء كثيرة من ضمنها النظافة
ولازم تتذكر ان العائلة مهما كانت لطيفة معك ، هم من داخلهم مالهم خلقك ويبون فلوسك فقط ، صدقوني لا تقول لا هذولا يحبوني ولا غيره .

شرح وافي وكافي ,,,
سؤال أخير : معهد كابلان مارأيك به , لاني مفكر آخذ دورة قصيرة خلال الاجازة شهر او شهرين بحد اقصى

والله اخوي ما عندي علم عن هذا المعهد ما ابي افتي لك

كافي و وافي شكررا

الحمدلله على السلامة ..وموفق ان شاء الله
سؤالي عن الفيزا البنكية وش تجربتك معاها ..وشكراً
هولمز

بسألك عن منطقة برايتون شنوو رايك فيها الان انوي الدراسه في جامعة برايتون
يعني عندك فكره بعد عن الجامعه ؟؟

شارلوك هولمز
الله يسلمك أخوي ، في الحقيقة انا كنت استخدم فيزا تسوق الراجحي كنت شااحنها من الرياض ، ما واجهتني مشاكل تذكر بس لازم تكون موقع عليها من ورا ، ما فيه احد رفضها باستثناء برجر كنج قالوا لي لازم يكون فيها رقم سري موب بالتوقيع

Abrar BH
انا اسمع ان جامعة برايتون قوية لكن ما اقدر أؤكد لك لأني ما درست ، وبإمكانك تزور موقع "مبتعث" يبي يفيدك أكثر ، بالنسبة لرأيي في برايتون من أجمل المدن وأكثرها هدوء يعيبها غلاؤها ، يميزها قربها من لندن متى ما بغيت رح