faisal09
10-05-2022 - 09:56 am
الحمد لله اليوم رحت السفاره في الرياض وسهلها الله ووافقوا على التأشيره وقالوا راح يوصلك الجواز خلال اسبوعين ... وصراحة أعجبني التنظيم العمل في السفاره وروحهم الجميله كانوا متعاونيين وانا جالس انتظر واشوفهم وشلون يشتغلون تذكرت ربعنا في المرور والجوازات وكيف عملهم ملخبط ومعقد وأقول في نفسي الله يخلف علينا ... اما بالنسبه للموظفين السفاره منظمين ومريحين في التعامل عكسنا تماماً ... فيه نقطه مهمه ابي أوضحها أنا قبل اسبوع طلبت من احد الأصدقاء يحولي 10000 ريال كزياده لحسابي عشان اتطمن في مسألة كشف الحساب لكن موظف انتبه لهالحواله وسألني عنها وفي نفس الوقت حاول يسلك لي قال ابوك اللي محولينها لك فأنا قلت له أني كنت مسلفها خويي من شهرين ورجعها وصدقني ومشا المعامله وقال لي تمت الموافقه على الفيزا ... لذلك انتبهوا تتذاكون معهم مثلي ... طلعوا اذكى مني .... اللي عنده استفسار أنا حاضر باللي اقدر عليه واعرفه ... والف شكر للأعضاء اللي ساعدوني في بعض الامور
وان شاء الله تتهنى فيها وبالتوفيق ان شالله
أخوك
Departures