- بس تفضلوا التقرير واي اسئله انا حاضره
- بانكوك
سامحوني يا جماعه على هالتأخير بس تدرون رمضان و الدوام والعيال والعيد الله يعوده علينا وعليكم بالخير والفرحه
بس يالله ان ياتي متاخرا افضل من اللا ياتي مطلقا. و بصراحه الصور هي اللي اخرتني وانشالله تضبط معاي
طبعا انتوا تدرون ان سفرتنا كانت قسمين تايلند و بعدين استراليا فراح اقسم التقرير الى قسم مختص بكل دوله في بوابتها وماني عارفه اكتب شي لأن بنتي قاعده تبوس ايديني (مادري شالحب!!!)
بس تفضلوا التقرير واي اسئله انا حاضره
في هذا الموضوع راح اعرض لكم تفاصيل رحلتنا الرائعه الى كل من تايلند و استراليا و راح اعرض تفاصيل كل دوله في القسم المخصص لها
أول شي احنا اربعه كبار و طفله و رحلتنا كانت من 1-25 سبتمبر 2005 على الخطوط الاماراتيه وسعر التذكره 4300 ريال للشخص و بدأت من الدمام دبي بانكوك فوكيت بانكوك سدني جولد كوست دبي الدمام طيران الامارات كان ممتاز ومريح جدا
بانكوك
وصلنا بانكوك الظهر و خلصنا اجراءات الفيزا بسهوله من المطار و اخذنا سياره من المطار الى فندق (Davis Bangkok) وكنت حاجزه فيه ليلتين من الانترنت ب250 ريال في الليله في منطقة سكومفيت وكان فندق حلو بس صار لنا موقف طريف خلى الفندق احلى..
لما وصلنا وسوينا شيك ان قالولنا ان غرفه وحده بس جاهزه و الثانيه بتتاخر فرحنا الغرفه وحاولنا نفتح الباب بس انه طلع مقفول من داخل, قلنا يمكن ينظفون, دقينا الباب و فتح لنا واحد وهو لابس روب حمام(تخيلوا شكلنا):redface:
و ابتسم لنا و فهمنا ان هذي غرفته, المهم راح زوجي لهم و هزأهم فتخيلوا شسووا!!!
اعتذروا وعطونا جناحين يهبلون, في كل واحد ساونا وجاكوزي و مكان للمساج و المكان يجنن
بعد ما ارتحنا قررنا نروح مطعم fish marketوكان قريب فرحنا مشي وكان مطعم رهيب مع ان الاكل فيه غالي (اغلى من مطاعمنا)
والمشي في شوارع بانكوك خطر و غير مريح والجو احسه ملوث و كئيب و خنقه بعد:112:
بعدين ركبنا sky trainورحنا شارع العرب nana وكان شارع او حي بالأحرى مخزي ومقرف من قذارته والناس اللي فيه تفشل وحتى محل فريده علي اللي يمدحون فيه ما عندها سالفه
ثاني يوم رحنا mbk وكان سوق زحمه بس لقينا بعض الشغلات حلوه و في الليل رحنا مجمع Emborium صراحه مجمع راقي وفيه ماركات وبعدين رجعنا الفندق وجبنا ناس يسوون مساج في الجناح وريحنا عدل
ثالث يوم رحنا السوق العائم floating market و اماكن بيع منحوتات و صراحه استمتعنا بالرحله جدا
والعصر طرنا الى فوكيت
فوكيت
سافرنا لها عن طريق Thai Air وحجزنا التمشيات من مطار بانكوك الشخص ب137 دولار شامله 3رحلات مع وجبه و النقل من والى المطار من مكتب اسمه Team Tour
سكنا 5 ليالي في منتجع ماريوت وكانت شققه خياليه وطلع علينا رخيص لأن احنا رايحين عن طريق التايم شير (500 ريال الأسبوع) بس ان مكانه بعيد جدا عن كل شي
اول ما وصلنا استقبلونا بالورد و الكوكتيل وخلصوا الشيك ان بسرعه ووصلونا للشقه وهذا جدولنا في فوكيت
الأثنين صباحا: جوله في فوكيت تاون, اعلى نقطه في فوكيت (مكان حلو) , مصنع الكازو, عرض الأفاعي (ما عندهم سالفه),نادي الرمايه(طلقنا نار), اكبر معرض مجوهرات في اسيا , وبعدين المنتجع
و العصر خذونا الى فانتازي الى الليل وبصراحه كانت ليله خياليه ورائعه جدا وطبعا مع العشاء في بوفيه فانتازي العظيم
الثلاثاء: رحلة سفاري و ركوب الفيل (روعه) وعرض الفيله, وبعدين جزيرة جيمس بوند وركوب القوارب والغداء في جزيرة المسلمين Floating Island وكان يوم ممتع جدا
الأربعاء: استأجرنا سياره الى باتونج بيش وتغدينا في مطعم دبي (اكله لذيذ) وتسوقنا هناك وبصراحه لقينا فيه اشياء احلى من بانكوك بس ان الشباب الخليجيين هناك يسودون الوجه
الخميس: رحله الى بي بي ايلاند اكثر من يستمتع فيها اللي يحب الغوص واذا كان ما يغوص احسن له ما يروح لأنها بعيده مره
وفي الليل رحنا ال spa وسوينا مساج هديه من المنتجع:21:الجمعه: فطرنا في الفندق (بوفيه رهيب ) و الظهر طرنا الى بانكوك و منها الى سدني والباقي تلقونه في قسم استراليا
بصفه عامه فوكيت كانت اكثر من رائعه و انصحكم فيها بس ان جوها رطب زياده في الفتره اللي رحنا فيها وهذا هو الشي الوحيد اللي نكد علينا
هذي صور من عرض الفيله
اعلى نقطه في فوكيت
فانتازي
جزيرة جيمس بوند
جزيرة جيمس بوند
فلوتنغ ايلاند
معرض المنحوتات الخشبيه
ولو كانت هناك صور لكانت احلى جدا وكنت اتمنى لو وضعت تفاصيل عن الاسعار لكي نعرف هل الاسعار كما هي ام تغيرت
شكرا