الف الف مبروك والله فرحت لك والخطوه الجايه تسافرين به
اتوقع انك ماراح تحتاجين السوشل لانك ماراح تقيمين في امريكا
والف مبروك مره ثانيه
رذاذ الشلال سان ديغو

رذاذ الشلال
ياهلا والله وغلا بنور المنتدى ...
شفتي يارذاذ .... الحمد لله ربي ماضيع تعبنا ... الله يوفقك ويجزاك خير حبيبتي .... من زمان
ماشفتك؟
عموماً أنا أدين لك بالفضل بعد الله ... لولا جهودك معاي ما كان حصلت عليه .... الله يفرج لك ويرزقك ويسعدك وين ماكنتي ...
بإنتظار الأجوبه على الأسئله الأخرى منك رذاذ لو تعرفين او من الأخوه الأعضاء ... جزاكم الله خير مقدما ً ..

ما فيه ترتيب معين في الخطوات ..
على كل حال .. بما أنك حصلت على الجواز ..
هذا يعني أن زوجك و أبناءك يحصلون على القرين كارد ..
لكن موب بالسهوله اللي متصورينها انتم ! ..
زوجك وعيالك لازم يحصلون على فيزه مهاجز علشان يحصل على القرين كارد و سوشيل سكيورتي نمبرز بظرف شهر ..
لكن ما يطلع لهم جواز أمريكي بسرعه! ..
بالنسبه للزوج يحتاج يمر على إختبار للحصول على ( السيتزن ) الجواز + الجنسيه ..
في أي وقت من دخوله أمريكا ..
أما الابناء لازم يكملون خمس سنوات ( بدون أي سوابق أو مشاكل ) ولا بتتأخر إلى أكثر من 5 سنوات ..
فيه ناس لهم 20 سنه ما حصلوا شي بسبب تاريخهم ..
أتمنى ما يكون ردي بمثابة التحبيط لكن هذا هو الواقع ! ..

الغالي الرصاصي ما قصر ..
بالتوفيق

شكرا ً لك أخوي الرصاصي على تفاعلك ... بس عندي استفسار على بعض ماذكرت :
زوجك وعيالك لازم يحصلون على فيزه مهاجز علشان يحصل على القرين كارد و سوشيل سكيورتي نمبرز بظرف شهر ..
هل من المسموح الحصول على هذه الفيزا(مهاجر) عندنا بالسعودية؟؟
واذا كانت اجابتك نعم ... فهل من الضروري اثبات إقامه هناك؟؟ وكم تكون المده؟؟ (يعني اقل شيء)
بالنسبه للزوج يحتاج يمر على إختبار للحصول على ( السيتزن ) الجواز + الجنسيه ..
في أي وقت من دخوله أمريكا ..
ماذا تقصد بإختبار ؟؟ وياليت يكون توضيحك بالتفصيل الممل(معليش ثقلت عليك مع العلم ترى انا الزوجه الثانيه لزوجي!!)
أما الابناء لازم يكملون خمس سنوات ( بدون أي سوابق أو مشاكل ) ولا بتتأخر إلى أكثر من 5 سنوات ..
بالنسبه لأولادي فعمر الكبير 4سنوات والصغير 2 ... يعني مايمديهم يسوون شيئ؟ فأيش الوضع بالنسبه لهم ؟؟
فيه ناس لهم 20 سنه ما حصلوا شي بسبب تاريخهم ..
أتمنى ما يكون ردي بمثابة التحبيط لكن هذا هو الواقع ! ..
والله بصراحه اني أحبطت بس ... لا يأس مع الحياه ... وجزاك الله كل الخير على تعاونك وفرج عليك ويسرأمرك لما فيه الخير

هل من المسموح الحصول على هذه الفيزا(مهاجر) عندنا بالسعودية؟؟
واذا كانت اجابتك نعم ... فهل من الضروري اثبات إقامه هناك؟؟ وكم تكون المده؟؟ (يعني اقل شيء)
أكيد فيه .. لكن ما عندي أي خلفيه عن إجراءاتها بالنسبه للسعوديين ..
لأن نادر تحصل سعودي مهاجر .. و نادر جدا .. و أنا إلى الان ما حصلت اي سعودي بامريكا جاي بصفه مهاجر .. !
ماذا تقصد بإختبار ؟؟ وياليت يكون توضيحك بالتفصيل الممل(معليش ثقلت عليك مع العلم ترى انا الزوجه الثانيه لزوجي!!)
ممكن يكون وجودك بأمريكا شي من صالحك .. لأن النظام الامريكي يمنع الرجل يملك زوجتين ..
بالنسبه للإختبار .. يقدم على مكتب الهجره .. وهم ينسقون معاه .. ياخذ موعد للإختبار إن تجاوزه حصل على الجنسيه ..
وان ما تجاوزه يقدر يحاول من جديد ..
و أنا ما مريت على الاختبار لكن أقدر أسألك و أجيب لك العلم من أشخاص حاليا يمرون بنفس حالتك بالضبط .. لكنهم من الاردن ..
على فكرة بالنسبه لعيالك بياخذون القرين كارد و زوجك يقدر ياخذ القرين كارد ( وحتى عيال زوجك من المرأه الاولى ياخذون القرين كارد ) ..
يعني خيرك بيعم على الكل ..
بالنسبه لأولادي فعمر الكبير 4سنوات والصغير 2 ... يعني مايمديهم يسوون شيئ؟ فأيش الوضع بالنسبه لهم ؟؟
إن شاء الله ما عليهم خلاف .. أمورهم طيبه عسى الله يخليهم لك ..
والله بصراحه اني أحبطت بس ... لا يأس مع الحياه ... وجزاك الله كل الخير على تعاونك وفرج عليك ويسرأمرك لما فيه الخير
الله يسهل أمورك .. أتمنى تنولين اللي تبينه .. و إن شاء الله عن قريب تصيرين جارتنا ..

مبروك علي الجواز الامريكي
السوشيل نمبر ضروري في حالة لو مشيتي لامريكا علي انك مواطنة امريكية و بتأجري شقة او بتشري سيارة او اي شي يطلب منك السوشيل نمبر و انا انشوف انه من اللازم اناك تسويه علشان امورك تصير تمام و تصيري امريكية

اخوي الرصاصي ابي اسآلك لو سمحت اختي سنه طلعنا لها جواز من شهر وعندها سوشل سكرتي
هل الوالدة تقدر تتقدم بطلب جواز امريكي ولو ممكن كيف الإجراءت مع العلم احنا جايين امريكا بعد اسبوع

veto Korlyone
تقدر بس لما يكمل عمرها 18 سنه