اخواني الكرام
من البداية نبهنا لعدم الشراء في البطاقات إن لم يكن هناك نصب هنالك العمولة.........

استخدام الفيزا شي ضروري في السفر صحيح البنوك ياخذون عموله ولكن ما تشيل هم النقد. انا اشوف ان اساس المشكله مو الثقه او عدمها . ان شاء الله اغلبيه الاخوة الاتراك ثقه ولكن التفاهم معهم صعب حتى بالاشاره مايفهمون ومع الوقت يعصبون ويتحلطمون بلغتهم اللي مايعرفها الا هم.
الحل سهل
1- اطلب من البائع يكتب لك السعر في ورقه ويكتب جنب الرقم اما USD او TL او Euro حتى تتاكد من العمله
2- لا تسمح للفيزا ان تغيب عن نظرك . شوف الارقام اللي بيضربها على جهاز السحب
3- تتاكد من الايصال ومن العمله اللي مسجله فيه بتكون واضحه
4- بعد كيذا لو شفت انه غشك اترك السلعه عنده بدون ما توقع على الايصال. وبعدين ترفع اعتراض للبنك بعدم صحه العمليه لو تسجلت عليك بكشف الفيزا.
بالتوفيق

الله يوفقك جزاك الله خير على هالنصيحة

شاكر وممنون لنصيحتك الافضل دائما الاحتياط عند الشراء ويفضل تقليص عدد مرات الشراء سواء نقدي او بالبطاقة بمعني خذ ماتريد من محل واحد ان استطعت ووزع عدد مرات الشراء على اكثر من يوم لتضبط مشترياتك

أنا صار معي مشكلة ماعرفت احلها
اشتريت بعض الاغراض واعطيتهم الفيزا وشفت الكاشير يحاول بعدين اعطاني الفيزا وقال فيه مشكلة بالفيزا ما اقدر انفذ العملية قلت ليش انا الفيزا مضبوطه قال اعطني احاول مرة ثانية وحاول ونجحت العملية .
المهم خرجت برا الا وتجيني رسالتين من الراجحي بخصم نفس المبلغ ..طبعا انا معي الفاتورة اللي تم فيها الخصم ورجعت لهم قلت اعطوني الفاتورة اللي جات عند عدم تنفيذ العملية قالو ضاعت ..وبعد صياح معاهم جابولي ورقة ايصال مكتوبة بالتركي سألت عنها بعدين مكتوب فيها فشلت العملية ..بنفس الوقت .
احترت ايش اسوي ودخلت على حسابي علشان اعرف الحقيقة وكان الحساب لايظهر الخصم الابعد مرور يوم تقريبا .
اضطريت اتركهم لأن ماعندي حجة .
اليوم الثاني تأكدت انهم خصمو مرتين ..بس اليوم الثاني وانا في الرياض ..

مداد
اذا يطلع لك بكشف الحساب عمليتين بنفس القيمه ومن نفس المحل ونفس الوقت .. لازم ترفع اعتراض بعدم صحه احدى العمليتين انت وقعت على ايصال واحد

الفيزا لا تستخدمها الا للحجز الفندقي فقط ، وللضرورة ،،، وتاكد من القيمة اللي يدخلها لك

أخواني السلام عليكم ورحمة الله وبركاته
وكل عام وأنتم بخير
وأسف على تأخري في مشاركة الموظوع لأنشغالي في بعض المشاوير و الرحلات
شكرا على المرور و التعليقات المفيدة
بس حبيت اللي صار عليه ما يصيرعلى غيري من أعضاء المنتدى
( والأحتياط واجب )