السلام عليكم
اخواني احنا قررنا ان شاء الله نسافر للخبر بعد يوم او يومين
حبيت اسألكم عن الاماكن السياحية بالخبر ؟؟
وشنو احسن الفنادق من حيث النظافة والاسعار المناسبه ؟
وممكن تساعدوني بوضع برنامج لمدة 4 الى 5 ايام بالخبر ؟؟
والطريج من الكويت للخبر شكثر ؟ .. وفيه استرحات زينه ؟
والف الف شكر لكم ويعطيكم العافيه ..

إن شاء الله احنا نبي نسافر الخبر بعد يوم او يومين
وآنا من الكويت وابوي اول مره يطلع طريج للسفر بالسيارة ..
توصلون بالسلامة ان شاء الله
فحبيت اعرف الطريج من الكويت للخبر شكثر ؟؟
تقريبا من وسط الكويت الين الخبر 400 كيلو يعني اربع ساعات
وهل في استراحات زينه ؟
الطريق ما يحتاج استراحات لانه مو طويل مره بس لو حبيتوا في اكثر من محطة بالطريق ونصيحتي المحطة اللي قبل الحدود الكويتية هي الافضل
ابي برنامج لمدة 4الى5 ايام في الخبر .. وين احلى الاماكن ؟؟
الاماكن كثيرة ومنها
مجمعات تجارية : الراشد - فينيسيا مول - فؤاد سنتر - الجمعه ستي سنتر - مجمع الظهران - الخبر بلازا بسوق السويكت - الخبر مول
بالاضافة لمجمعات كثيرة بالدمام
المطاعم : غير اللي بالمجمعات التجارية في مطاعم كثيرة بكورنيش الخبر - بالاضافة للقرية الشعبية بالدمام
زيارة الهاف مون والعزيزية - مركز الامير سلطان - قرية العزيزية
اقترح زيارة البحرين ليوم او يومين
واهم شي مكان السكن قولولي شنو الفنادق الحلوه او الشقق المفرووشه نبيها بسعر مناسب
تختلف حسب الميزانية في الغالي والرخيص وانا انصحك بزيارة تقارير اللي زاروا الخبر واخذ فكره عن الاماكن والاسعار لاني بصراحه وبحكم اني من سكان الخبر ما اروح هالفنادق
ان شاء الله تستمتعون بالخبر مع انه في رطوبة شوي وترجعون بالسلامة بس لا تنسينا من رايك عن الخبر بعد العودة بالسلامة

اخوي
مشكور وآيد وآيد
الله يعطيك العافيه ..
بس شكثر تبعد الخبر عن البحرين بالساعات ؟

حياك الله اخت روان
الخبر تبعد البحرين نص ساعه ( مافي ساعات) بس تعبرون الجسر حدود 25 كيلو بس
وبالنسبه للشقق انصحكم بشقق فخمه جدا وحلوه ورايقه شقق العليا في حي العليا ( قبل الراشد بشوي ) وفي المنطقه الي مقابله فندق كورال انترنشينال (اتوقع هذا اسمه اذا ماخاب ظني)
الشقه الي فيها غرفه وحده سعرها 450 ريال

وحيد نفسه
الله يحييك اخووي .. ما قصرت
بس ممكن تعطيني رقمهم ولا عليك امر
يعني البحرين وآيد قريبه .. يمكن نسير عليها ونروح عين عذاري
=)

Pink Rawan
اختي جسر البحرين تقدرين انك تشوفينه وانتي على كورنيش الخبر ماهو بعيد
يعني من قلب الخبر الى بداية جسر الملك فهد عشر دقايق ومنها تطلعون الجسر الى الجزيرة اللي بالمنتصف واللي هي الحدود والجمارك ومنها الدخول للبحرين يعني اذ ما في زحمه بالجسر نصف ساعه وانتي بالبحرين واذا فيه زحمه يمكن تطولون ساعه او ساعتين او ثلاثة على حسب الزحمة واليوم اللي بتروحون فيه لانه دايم بنهاية الاسبوع يكون في ضغط على الجسر ... بس البحرين تستاهل الزيارة حتى تقدرون انكم تطلعون لها الصباح وترجعون تباتون بالخبر بالليل ...
تقبلي تحياتي واي استفسار انا بالخدمة

حظك حلو اليوم كنت ادور لي شغله وشفت فاتورتهم وفيها ارقامهم
تفضلي
10096638892318
0096638893585

ان كان تبون شقق بسيطه وعادية وسعرها مناسب انصحكم ب ( رنج هاوس ) شقق بالثقبه
وان كان تبون شقق فخمه وسعرها معقول شقق اعالي او اكنان
وسلامتكم