Roqaya
27-02-2022 - 11:15 am
السلام عليكم جميعاً
هذي أول مشاركة لي في هذا المنتدى ، لكني من المتابعيين دائما لمنتداكم الأكثر من رائع
أنا إن شاءالله هالصيفيه راح أخد كورس إنقلش في بريطانيا وعندي أكثر من سؤال وياليت ألقى عندكم الأجوبة الشافية
بالبداية
1- متى الموعد المناسب لحجز التذاكر ؟
مع العلم إن الإجازة الصيفية باقي عليها شهرين تقريبا وأنا أبي اسافر قبل رمضان
2- ايش هو أحسن معهد أو سكول ببريطانيا لتعليم اللغة ويكون بمنطقه مافيها عرب كثير ؟
3- من المعروف ان السكن مع عائلة يطور اللغة بدرجة كبيرة
فلو اردت السكن مع عائلة كيف أقدر أوصل للعوائل اللي ممكن تسكن معاها الطلاب ؟
وكم تقريبا ممكن أدفع لهم ؟
هذي الأسئلة اللي ببالي الحين ، ولكن لسا باقي الكثير
ياليت ماتبخلون علي بأي شي تعرفونه
:2bezv:
مافي شي اسمه احسن مدرسة.. كل المعاهد تقريباً متشابهة في المستوى.. نفس النظام ونفس الأسلوب مع اختلافات بسيطة
كل منطقة يوجد فيها نسبة عرب معينة.. ماشاء الله تلقاهم بكل مكان.. لكن بعض المدن تكون أقل من غيرها
السكن عند عائلة في وجهة نظري اهم من المعهد احيان (اذا توفقت بعائلة كويسة) ترتيب العائلة من خلال المعهد مع اجراءات حجز الكورس تبلغهم انك تبي عائلة
اسعار العوائل تعتمد على حسب غرفة خاصة بحمام لو غرفة بدون حمام.. غرفة مع العشاء والفطور لو بدون الأكل
عموماً الطبيعي والي الناس كلها تسويه غرفة عادية مع العشا والفطور .. لأن العشا هو الوقت الي تسولف فيه مع العائلة .. لكن بشكل عام اسعار العوائل بمعدل 120 باوند للأسبوع .. يعني هذا المعدل قد تنقص قليلاً او تزيد