KABAYAN
04-08-2022 - 04:00 pm
مرحباً شباب
هذي رحلتي الأخيرة للفلبين وأنا من رواد هذي الديرة ومطيح بها كثير بس أحس بأني أول مرة أسافر لهذي الديرة
الدولار كان 55 بيسو
الريال كان 15.20 بيسو
ما أطول عليكم نزلت من الطيارة على الساعة 10 بالليل لأني جاي من ديرة ثانية
طلعت لحي مكاتي الراقي وتوجهت لفندق BSA SOITES لانه راقي شوي
وأنا ناوي أنام ومن الصبح أطلع للسفارة أخلص لي ورقة هناك وفعلا زينت أموري
وأتصل على مكتب أعرفه وأقوله أرسل لي مندوب لأني بسوي لي رحلة على جميع
جزر ومدن الفلبين اللي يمدحونها عندكم
والله ويجي المندوب من العصر ولا نقضي الا الساعة 11 بالليل وطلعنا بالآتي
حجز سويت بباخرة خمس نجوم كبيرة جداً للسفر الى مدينة ( سيبو ) مدة الرحلة 21 ساعة من 30 : 7 بالليل لحد بكرة العصر شاملة الوجبات ( العشاء - الفطور - الغداء ) وخذ يا مناظر الجزر الخضراء
بعدها سكنت في فندق جيد جداً عشان أقدر أتمشى شوي ( بسيبو )
ومن بكرة كنت حاجز في شاليهات التنبولي
TAMBULI BEACH CLUB
وكنت آخذه بعرض مخفض من ما نيلا تقريباً 50%
وقعدت أسبوع بعدها حجزت الى بوهول BOHOL عن طريق الباخرة ( رحلة روعة )
لمدة ساعة ونصف وسكنت في منتجع خيالي أسمه
TROPICS RESORT
والمطاعم اللي فيه رخيصة وروعة جداً جداً
وعيب هالديرة قليل تلقى بها السيارات أن لم يكن نادراً كلها دبابات بس روعة
والحمد لله نفعني فلبيني أعرفة وجاب لي سيارة وسواقها 1000 بيسو باليوم
وأجلس بالشاليه يومين وأتمشى بالأنهار اللي عندهم مثل نهر ( لوبك ريفر )
وهناك لا يفوتك القرد الصغير اللي ما يتعدى الكف وأسمه ( تير شير )
وأروح الكهوف مثل ( هيف دانت كيف ) والمتنزهات مثل ( فيودك وغيرها ) .
والشيكوليت هيلز في ثلاثة أيام وأطلع من الفندق وأروح لمنطقو الشاليهات
وهناك فيه العجب من منطقة طبيعة خيالية الى منطقة بحار عجيبة وأقضي لي 3 أيام
بعدها حجزت على مانيلا بالطيارة ( وطبعاً مطارهم أغلى من سيبو بشوي بس ما يستاهل لا حسبت خسايرك أذا رجعت ) .
ومن ما نيلا بعده بيومين حجزت لمينداناو وهناك ديار المسلمين وخطر أنك تروح وحذروني الف مرة عشان لا يشتبهون فيني بس رحت ولا تعرض لي أحد وقعدت بها يوم
بعدها طلعة الى سمبوانقا ومنها الى كوتوباتو وأغلبيتها مسلمين وترتاح فيها شوي بس ما فيها اللي لقيته في بهول بس لقيت شلالات وبحر في سمبونقا
وقعدت خمس أيام ثم عدت الى مانيلا ( ما نملاه )
وأجلس يومين أو ثلاثة وأحجز في بوراكاي
وأن شاء الله قريب أكمل لكم باقي الرحلة
والعذر والسموحة على بعض الكلمات لأني داج بالأنجليزي لذلك كتبتها بالعربي
جميلة رحلتك.... وننتظر التكملة... ونتمنى وجود صور تكمل سردك الرائع
تحياتى