ما عليش كرستال الروح https://artravelers.com
يمكن تاخذ لفه عن في المنتدى ولا تنس تمر الشيخ قوقل تراه راعي فزعات وما يقصر
أنا أبروح إن شاء الله تعالى في شهر 7/2011 وحاط لي ملف في الوورد وأجمع فيه معلومات عن كل شيء
أنا داري إن هذا معروف بس بغيت أذكرك بس
أسأل الله تعالى أن يوفقك

1. شنو المناطق الا تنصحوني اروحها في ولاية كيرلا .. ؟

السلام عليكم ..
خبراء كيرلا ومحبيهآ .. أتمنى تساعدوني
ماعندي خلفيه عنها غير من تقريراتكم ..
ناويه اروح كيرلا شهر عسل .. تنصحوني فيها ا و لا .. ؟
حبيبتي حسب ذوقكم انتم وايش تفضلون يعني تبغين مرافق ترفيه وتسوق وحركه ما تصلح لكم
تبين رومانسيه وهدؤ واسترخاء اتكلي على الله لأن طبيعتها رائعه
شهر ربيع الثاني من سنة 1432 .. كيف الجو فيها ..؟
يكون معتدل نوعا ما ويميل للحراره افضل وقت لها من عطلة الحج وبعدها بشهرين تقريبا
شنو المستلزمات الي مانستغني عنها ونحملها معانا ..؟
اكيد طبعا اغراضك الشخصيه بما انك عروس يعني مثلا مستلزمات تسريح الشعر وشامبو الجسم الخاص وغسول الفم وغيرها من الاشياء اللي تعودتي عليها لانك ممكن ما تلاقي اللي يناسبك
كيف الأكل هناك .. ؟ من ناحية الطعم والحراره ؟
المطاعم قليله جدا وغالبا يكون الاكل في الفنادق وافضل لكم تاخذوا البكيج مع وجبة عشاء

شنو المناطق الا تنصحوني اروحها في ولاية كيرلا .. ؟

المنطقة كلها من حيث الطبيعه متماثلة يعني خضرة في كل مكان اما بالتفصيل فهي كما يلي
كوتشين وليست بارده معتدله رطبه نوعا ما العاصمه- اثير ابالي شلالات ضخمه جدا - مونار جبليه باردة غابات - تيكدي غابات بارده - كومراكوم والبي متشابهه بحيرات ونخيل جوز الهند - بس البي منها جزئين على البحيره ومنطقة مراري الجزء اللي على بحر العرب يعني ساحلي - كولام فيها بحيرات وفيها بحر بس المنتجعات الفاخره عند البحيرات على البحر مافي الا منتجع وكوفلام ساحره جدا وهي عالمحيط ساحلية
وشنو المناطق والأماكن الي ماتنصحوني بزيارتها ؟
قد تكون الاجابه مع السؤال السابق
أسماء فنادق ومنتجعات فخمه واسعار مريحه ومغريه .. ؟
كوتشين : رمادا - ميريديان - دريم
اثيرابالي رين فورست
مونار : ماونتين كلوب - كلوب ماهندرا - ويندريمير
تيكدي : قرين وود - سبايس فلج - الفانت كورت
كومراكوم : زوري -كومراكوم ليك ريزورت - كوكونت لاقون - كومراكوم ليك سونق
البي : بونامادا - ليك بالاس
مراري : مراري بيتش ريزورت
كوفلام : ليلا كيمبنسكي في المقام الاول - تاج قرين كوف -
مكتب للمدير جهاد حسين .. تنصحوني فيه ؟ مع رقمه وأيميل
انا تعاملت معاه وكان تعاملهم رائع جدا ويتصف بالصدق والامانه وجربه كثير من الاخوان ويثنون عليه لكن ما يمنع انك تراسلي غيره وتشوفي
اما الرقم : 00919995112200
الايميل:[email protected]
طريقة التواصل معاه .. تكون بالأيميل افضل او الجوال ؟
افضل دائما اي مكتب كلمي اول بعدين ارسلي برنامجك وتواصلي معهم
تكلفة التذاكر من السعوديه .. او البحرين ؟
غالبا حدود الالفين للشخص
شنو افضل برنامج ل 13 يوم ؟
حاولي قدر الامكان يكون حجز الوصول على مطار كوتشين والعوده من مطار تريفاندروم حتى تقدرون تزورون معظم المناطق
لكن لو كان الحجز على كوتشين ذهاب وعوده تكون 13 يوم غير كافيه للنزول للجنوب
متى احجز التذاكر قبل كم ..؟ لأني سمعت يتم الحجز قبل 4 شهور او اكثر صح او لا ؟
كلما كان الحجز مبكر كان ارخص واضمن
برايكم ... برنامج 13 يوم لشخصين كم يكلف ؟؟ بالسعودي
للفنادق اللي عطيتك اسماءها اتوقع تصل التكلفه للسكن مع السائق حدود 12000 ريال سعودي
في كيرلا عادي لو تعاملنا بدولار ..؟ او لازم ربيه .. ومتى اصرف لفلوس إلى ربيه او دولار ؟ في المطار او وين ؟
التعامل بالدولار افضل .. والصرف افضل من المنطقه نفسها او المطار وممكن من الفنادق
هل الأكل يكون مع الفنادق .. ؟ او بس الفطور .. ؟
الفطور فقط بس ممكن تطلبي ضمن الحجز الوجبات اللي تبين
ام .. ادري غثيتكم باسألتي بس زي ماقلت لكم ماعندي اي خلفية ههه
وتعرفوا شهر عسل يعني لازم كلشي مضبط قبل بفتره ..
أتمنى تساعدوني .. واي معلومات إضافيه عندكم عن كيرلا مافي مشكله لو أفدتوني بيها
اتمنى اكون افدتك اختي الحبيبه وتهانيي القلبية مقدما بارك الله لكما