أخوان وأخواتي السلام عليكم... الله لايهينكم بغيت أستفسر عن بعض الشغلات بلندن كونكم خبراء بهالديره...
أول شي آنا قريت الموسوعه الخاصه بلندن اللي كتبتها الأخت كويتيه ماشاء الله عليها وتبون الصج دار رأسي الصراحه الواحد يحتار وين يروح...أنا رحت لندن مره واحده في 2008 بس كانت رحلة عمل هالمره أنا بسافر مع زوجتي وبناتي الصغار والسفر إنشاء الله راح يكون بشهر (10) October، وأبي منكم خدمة تجاوبوني على هالچم سؤال إذا ماعليكم أمر..........
س1- هل يصلح إني اروح لندن بهالوقت أو لأ؟
س2- أبي أسماء چم فندق بحيث تكون أسعاره معقوله يعني مو أكثر من 300 USD وإذا ممكن تكون قريبه من أماكن حيّه مثل مطاعم عربيه أو ماشابه
س3- أبي تعطوني تخطيط موجز حق رحله مدتها اسبوعين يعني وين أروح خلال هالأسبوعين مع زوجتي والبنات؟
س4- شنو تنصحوني من ناحية الصرف؟ هل آخذ وياي كاش وإلا كردت كاردز؟؟
س5- شنو راح يكون الجو بشهر 10 بلندن؟؟ چم راح تكون درجة الحراره تقريبا؟
بأنتظار الرد وشكرا جزيلا للجميع....