والله يا أختي الاستفسارات كثيرة جدا وصعبة الواحد يجلس يرد عليهم كلهم خصوصا وأنكم ما بعد عزمتو على السفر
لكن لو تمشيتوا شوي في تقارير الأعضاء راح تلاقون إجابة على استفساراتكم
ونصيحة بالنسبة للفنادق : انتم رايحين تتمشون وراح تحتاجون الفندق للنوم بس فما الفائدة من دفع مبلغ كبير رأيي أن يبحث المسافر عن فندق نظيف وسعره ومكانه معقولين وهذي ممكن تسوون عليها بحث في مواقع النت
طبعا حاب اتكلم على سؤالين
بالنسبة الجو بيكون حلو
وبالنسبة للخطوط أنتم ما تركتو أي خيارات لأن الخطوط الوحيدة اللي بتنقلكم بها الصورة هي الخطوط الإماراتية
وبالنسبة للسعر فلابد من تحديد مطار المغادرة ( الرياض - جدة - الدمام )

الله يعطيك العافيه أخوي زمان99 على الرد السريع
بس أنا لي أكثر من شهر وانا ادخل وأقرا عن أسبانيا ومن كثر ماقريت المعلومات تلخبطت عندي لأني مثل ما قلت لك ماعرف شي عن الدول الاوربيه ورحلتنا راح تكون باذن الله لمده اسبوعين فقط
بس ابغى لاهل الخبره انهم يشيرون علي في مده الرحله ويقسمونها على المدن اللي راح نزورها..
ومن ناحيه الفنادق والله أنت صادق من ناحيه السعر بس زوجي رافض الفكره انه اقل من 4نجوم
بس ان شاء الله راح اقنعه ..
ومن ناحيه تحديد الرحله لو كانت دايركت راح تكون اغلى التذكره طبعا بس انا ابغى مثلا على مطار دبي لانه حلو ومرتب أما مطار ابو ظبي فحط اكس عليه لانه خرابه مثل جده..
وقريت مواضيع كثيره وعجبني الاخ الشاب في تقسيماته للمدن والزيارات والاسواق الله يجزاه الف خير على مبادرته الجيده وكل من كتب موضوع وافاد الجميع
تقبل مروري...نونه,,,

لا أنا ما أقصد فنادق أقل من 4 نجوم لكن ممكن نلاق فنادق 4 نجوم وسعرها ممتاز .
لكن عندي شوية أسئلة
1- رحلتكم لمدة أسبوعين تبدأ من ؟ ( يا ليت تقولي لي عشان أسوي لكم بحث عن الخطوط الأرخص ) وبعدين في كثير من الحيان نلاقي طيران مباشر على السعودية أرخص
2- رغبتكم في المدن اللي بتزوروها ( طبيعة - آثار - أسواق - بحر - ) حيث أن كل مدينة من مدن أسبانيا تتميز بشيء مما ذكرت
3- هل ترغبون بالسكن في وسط البلد والزحمة أم في أطراف المدينة حيث تكون الأحياء أرقى والفنادق أنظف وأرخص
باقي شيء أنصح فيه هو السيارة فهل لديكم الرغبة في استئجار سيارة

من ناحيه الطيران مو مشكله اتنازل عنها ولا تعب نفسك في البحث عنها
أما من ناحيه رغبتنا في اللي نزوره كل ماذكرت نبغى نشوف بس الاهم الاسواق الحلوه
ومن ناحيه الفنادق احنا نبغى يكون الاحياء الهاديه اكيد راح تكون افضل
بس سؤالي الفنادق الموجوده في اطراف المدينه بعيده عن الاسواق او الاماكن العامه؟؟
ومن ناحيه السياره ليس لدينا رغبه في الاستئجار
لانه مثل ماتعرف راح تقوم وتطلع من 6 صباحا وترجع مثلا للفندق وقت المغرب وبعدين تكون لنا طلعه ثانيه
سوق في الغالب وبعده عشاء فقط يعني السهر مو راعين سهر
والملاهي فقط نص يوم يكفي بس ابغى الافضل؟
تقبل مروري..نونه.

azissas
طيب والآثار ما فكرتوا تزورونها
عموما
مدريد تتميز بأسواقها الحلوة ( أكثر مدينة فيها مجمعات تجارية ) وبعدين مجمعاتها عادة ما تكون في وسط البلد تكون في ا|لأطراف
نقول تبغى لها ستة أيام
برشلونة تتميز بشارع الرامبلا والبحر نقول تحتاج لها 3 أيام + يوم في ملاهي بويرتا بينتورا العالمية ممكن تسافرون لها بالقطار تبعد 100 كلم
مدن الآثار والجنوب الإسباني تكملون فيها الأيام الأربعة الباقية