السلام عليكم ورحمة الله وبركاته
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
وان شاءالله فالك طيب ..
راح اتلاقي كل الإجابات عندك الليله بأذن الله ..
والحين اسمح لنا بنروح انكبر المخده تونا رادين من الدوام
في حفظ الله الغالي

عليكم السلام أخوي القطري ...
لاهنت .. يابعدهم ... والله ابي أعرف شسالفه قبل ما ادفع الفاوتشر...
وياليت أحد يسنعنا ....
>> نوم العوافي يارب ....وسويت دريم ...

أسمحلنا أخونا العوود القطري نريحك شوي ونتليقف ونجاوب ونرد لك شوي من جمايلك علينا وعلى البوابه ( ولو اني زعلان
عليك شوي بس لكن تبقى أخونا الكبير )
أخونا ( ايطالي بالغلط ) وشفيك عاد يا أخووي ماشي 200 بالكلام ومتروع
الفندق ممتاز بس أول ماتوصل أطلب منهم الويست وينج west wing هذا الجناح أو المبنى المجدد لهم الأنترنت بالغرفه
بفلوس ولكن بالرسبشن مجاناً ... موقع الفندق نهاية الأجور رود وهو موقع جيد وفي أمان ( بعدين من شنو خايف أنتو
4 شباب حتى الحرامي يخاف يتعرضكم ) أمان .. أمان لا تحاتي ....
ماراح تحتاج أي خدمات من الفندق لأنه أنت في شارع العرب كل الخدمات متوفره فيه ومقابل الفندق ماركس سبنسر
في كل شي ... الهايد بارك أطلع من الفندق وأمشي يمين 2 كيلو تقريبا ( لا تلف يمين أو يسار كله سيده )
الى أن تدخل في الهايد بارك
لندن اي والهارودز يبيلك أندرجراوند أو باص أو تاكسي وهذا موضوعهم ثاني ...
وخلاص تعبت وأنا أكتب

افا افا افا
ليش زعلان !!
مالك إلا الرضا ..

الاوتيل ممتاز جداً من جميع النواحي
الانترنت فيه بفلوس تقريباً 15 باوند في اليوم
غرفه ممتازه وواسعه مره
الهايد بارك قريبه يعني على رجولك 10 دقايق تقريباً

أخوي الحلحيل.. والله انك حلحيل صدق ...خشمك ...
ماقصرت .. اخوي ..
>> بعدين حنا 4 بس كلنا اقزام ..خ
وسؤال صغيرون البيكديلي بعيد .. من الاوتيل ولا قريب .. وطريقته كيف ...؟؟؟ >> تحملني ...
وشكرا علي المرور...

يعطيك العافية أغنية المطر ... كنت شايل هم الغرف انها صغيره ...
بس أقدر أستخدم النت ... في اللوبي فري ...
ومشكور علي المرور

مساء الورد أخوي القطري ...صح النووم ....
رايك طال عمرك ... مانستغني.... لاهنت

لا مو بعيد حييل يعني اذا الجو غيم وحلو تقدر تمشي لأنك راح تنسى نفسك بالمشي.... ماراح تمشي في طرق
مظلمه أو مقطوعه راح تاخذ الأجور رود كله وبعدين الأكسفورد نصه وبعدين بو كم خطوه ألا انت في البيكادلي ...
واذا مالكم خلق كل هذا المشي فهناك طريقه ثانية وهي الأندرجراوند تركب من عند باب فندقكم تقريبا وتنزل عند
البيكادلي خلال دقائق معدوده فقط لا غير