هلا حبيبتي .. لي طلعتي من الاشاره وصار المسجد على يمينج .. تكملين كأنج بتروحين السيف ..
خلي السيف على يمينج وواصلي سيده دخلي بالهاي وي يعني ..
بعد كيلو او شوي اكثر تقريبا .. بتييج اللفه على يدج اليمين.. مكتوب عليها البديع .. اهيا ثاني لفه قبلها 300 متر بس لفة توديج على محطة بانزين جواد هذي تخلينها
كأنج تنزلين تحت .. فهالنزله مسكي يمين .. بتوقفين بالاشاره وبعدين بتلفين يمين .. على طول بتييج لفة المطعم عاليمين اول ماتدخلين بشارع البديع يعني
بتشوفين من بعيد لا مارين اهوا يصير بنفس هاللفه .. بويهج اول ماتدخلين ..
يعني اتخلين باب لامرين يسارج .. او بتشوفينه بويهج ..
اتمنى شرحي واضح

ما قصرت اختي Ozyeee
بس بيوضح لك اكثر لوحه برجر لاند يمه

OZYEEE
اطلع على highway اللي يصير السيف على يميني و جيان على يساري
اشوي اكمل سيدا بيصير على يميني مبنى مكتوب عليه المنتجات البحرينية
بلاقي لفة من الجسر مكتوب عليها البديع بدخلها
و بعدين ؟؟؟؟؟
السؤال اللي يطرح نفسه
الاكل عنده حلو ؟؟؟
يسوى الواحد يتعنا له ؟؟؟

بنت الكويت1
بعد ما تلفين اللفة اللي مكتوب عليها البديع ... بتلاقين على طول برجر لاند على يمينج ... لفي عنده ...
مطعم لانترنس يصير في الزاوية ...
أكل مطعم لانترنس وايد حلو ((إذا كنتي تحبين الاكل الهندي)) ....
ونصيحة لج أختي ... احجزي قبل لا تروحين له .. لانه في الغالب يكون مليان ...

الغالية
ماقصرت الغاليه كفت ووفت ورايي من رايها بالنسبه للأكل الهندي ..
انا ماحب الاكل الهندي فماحبه لكن اللي يحبونه يعجبهم وايد ..

انا اموت بسوالف الببهارات و الكاري و البرياني
يميمي يميمي

مراحب
ممكن تدكرون الاكلات اللي في الفطور عنده؟؟؟
وكيفالجلسة رايقة عنده؟؟؟
والسعر؟؟
مشكورين

ورد محمدي
مساء الخير
انا امس زرت المطعم علشان ابي اشوف البوفيه شنو فيه ما فيه
لقيت عنده ارز ابيض
و ارز هندي
و دياي و لحم و رو بيان و مرق حلوم بالسبانخ
و في ركن للباستا انت تختار المكونات بنفسك و الطباخ يسوييها لك
القعدة حلوة و على الطراز الهندي و هذا غير الاجار اللي حاطينة يدوخ ههه اللهم اني صائمة
و سعر البوفيه 5 دنانير للفطور غير شامل المشروبات