مشواري
واذا طاح الجنز على موضة مطيحني ههه
عموما عساه ملبوس العافيه
وبالتوفيق

روح لخياط نسائي افضل وخله يضبطه على جسمك
او مر محل ليمون اللي بالعليا بصراحه يضبطون الجينز صح وشغل مرتب
انا اذا شريت لأخوي من عندهم يعدلونه على طلبه ويطلع روعه
بس ما اعرف اذا يعملونه لك وانت ماشريته من عندهم
بس انت ماشاء الله دمك خفيف اتوقع يعملونه لك

وانت ليه ماشريت جنز مقاسك وريحت نفسك
أمزح معاك كنت بقترح عليك خياط نسائي واسبقوني الأخوان ماقصروا

روح لخياط نسائي افضل وخله يضبطه على جسمك
كنت بقولك زي ماقال الي قبلي
بس انتبه لايلعب عليس بالسعر تراه بس تضييق مايبيله شي ..

في أسواق الجزيرة في السليمانية ستجد محل اسمه الرحبة، ويقوم بتفصيل الجنز وخياطته.
أو يمكنك الذهاب إلى الخياطين المنتشرين في الشوارع، تراهم أهل خبرة.
وأخيراً كما حرصت أن يكون الجنز على مقاسك فاحرص أن يكون أيضاً على المقاس الذي أوصى به النبي صلى الله عليه وسلم، فلا يتعدى كعبيك.

يا القروي
تحية طيبة ،،،،
اذا تبي تعدل الجنزل بالشكل الصحيح بدون ما يتغير شكله او يختلف شكله عن قبل التعديل ، انصحك تروح البطحاء فيه عماير الراجحي القديمة الي وراها اسواق مانيلا ، روح بتلاقي خياط للجنزات بالدور الي تحت الأرض وشغلته يخيط كتابات على الكابات (قبعات) ، فيه فلبينية قلهم وش تبيه يسوي لك واشرط عليه ان شكل الجنز مايصير كيس هوائي يعني من فوق محزق ومن تحت مخصر والنص صاير كأنه ايرباق فورد متنفخ مع الجوانب كأنك وسائد هوائية (ايرباق) فكتوريا ، علما بأن الأيرباق ممكن يفيدك وقت الأمطار تحت كوبري مخرج 13 ..... لأني شفت عامل طافح به قبل 11 سنه تقريبا .
هذا وتحية طيبة لك والي بيخيط لك بنطلونك .....
بعدين يا اخي ليش تفقش علينا وتقول ولد نعمه ؟ ولد النعمة اذا ماجا البنطلون مقاسه شرى جديد وكب الي مهوب مقاسه مايروح يدور خياط بمنتدى خاص بالسفر .... مما يؤكد على انك فعلا قروي بشمعك جديد

ياجماعة الإنسان هذا طيب وحسن النية ... وما عنده لف ودوران والنعمة وأولادها مو ضروري كثرة المال ولكن الصحة والعافية والستر هما أكبر النعم ... والرجل سأل فقط ...
وأنا أجيبك أيها الأخ الكريم ... فعلاً بعمائر الراجحي في البطحا راح تلاقي يلي تبيه ... وما يصير خاطرك الا طيب
دعواتي لك بجينز مريح ... وتسافر فيه وترد بالسلامة وترميه حتى موعد السفرة القادمة
سلام

اللي اعرفه ان الجينز ماتقدر تعدل فيه الا الطول بس
لأنه اذا عدلت فيه راح يكون شكله غلط

في واحد يضبط بناطيل الجينز بالمرة شغله ممتاز وراح تدعون لي بصلاح ذريتي
اسمه النجيب في شارع الثلاثين العليا ( سلطان بن عبد العزيز )خياط فلبيني