والله ياحبيبتي على حسب زوجك ورايه بالموضوع لان الافكار تختلف من زوج لزوج ,,
اسأليه وشوفي رأيه بالسفره مع اهلك وخذيه معك وشوله تخلينه لحاله

نظاما اذا الزوج مو موافق تسافرين ما تقدرين لأنه لازم ورقه موافقه أو يكون معاك للمطار يوصلكم وبحضوره تقدرين تطلعين أو أي وقت يروح للمطار ويطلع ورقه موافقه
مسأله السفر مع الأهل اذا زوجك مشغول سافري وتوكلي علي الله معهم وإذا فاضي قابليه وطقوها تمشيها برحله داخليه لو وويكند

*روحي تحبك*
عندي إستفسار وقلت مالي إلا الله ثم العرب المسافرون
بإختصاار أنا متزوجه وأبسافر مع أهلي بعطلة الربيع للإماارات أو الكويت عادي أسافر
أو لازم موافقه من الزوج صراحه خايفه أروح وأوهق أهلي معي لأني ماجربت السفرمع أهلي بعد الزواج برا المملكه فياليت ألي جربت السفر مع الأهل
تفيدن وشكرآ
الأخت الفاضلة( روحي تحبك)بالنسبة لسفرك بدون الزوج اذا كان السفر عن طريق البر يجب يكون معك الورقة الصفراء من الجوازات في السعودية بموافقة الزوج على السفر مع العائلة حيث لطعوني عندما سافرت بأبنتي لدولة مجاورة تقريبا ساعتين حيث رفضو خروج أبنتي الا مع زوجها ولوكون زوجها مسافر في دولة خليجية وافقوا بعد ماذقت المر والعلقم والصبر والتذلل فا يصير لكم مثل ذلك
اما اذا كان عن طريق الجو فحسب موظف الجوازات

والله انا متزوجه وكذا سفره رحت مع اهلي بدون زوجي
ومن ضمنها الامارات بس قبل 5 سنوات يمكن الحين غير
بس اتوقع عادي وايد يروحون
وبالنسبه لنا بالكويت اتوقع عادي يصير
بس اذا بتتاكدين اتصلي على سفارة الكويت او الامارات بالمملكه وتاكدي
ونتمنى لج اجازه سعيده يارب

لازم تاخذين ورقة موافقة الزوج بالسفر للخارج , من الجوازات
بالتوفيق
..

نظاما لازم ورقة اذن خروج من الزوج
اختي بعد ماملكت قبل سنتين-اكرر بعد الملكة- كان زوجها قد اضافها له في الاحوال
يوم جت تطلع مع ابوي واخواني في الجسر للبحرين موظف الجوازات رفض
قال لازم اذن من زوجها رغم انها للحين ملكة فقط
عموما ماقدر الوالد يطلعها معهم الا بعد ما وافق الموظف وسمع موافقه زوجها بالجوال وقال ترا انا تساهلت والا المفروض لازم الورقه!
تحياتي

the universal
مشكور أخوي على ردك بس شكلك فهمت سؤالي غلط زوجي موافق عاادي بس أنا أقصد أقدر أسافر بالنظام
من دون موافقه أو ضروري يكون فيه موافقه من الزوج والله يعطيك العافيه

فيصل 2006
مشكور أخوي فيصل أكيد ماراح أروح إلا زوجي موافق بس أنا سألت لأني خفت أوهق أهلي خاصه إنهم
بيسافرون عن طريق البر فصعبه يقطعون كل هالمسافه وآخر شي يرجعون علشااني والله يعطيك ألف عاافيه

ابن جل99
الله يعطيك العافيه ومشكور على هالأفاده ماقصرت