AJ28
09-06-2022 - 03:06 pm
الاخ العزيز و الخوه الكرام.....
انا ان شاء الله ناوي اروح سوريا اول مره!! و لحلب و عن ما سمعت عنها و طيبه اهلها ..الاسئله
1. هل يكفي حلب 5 ايام 4 ليالي؟ و الوقت المطروح اخر شهر يناير؟
2. الفنادق ؟ انا ما ابي 4 او 5 نجوم ابي مكان نظيف و حاط اسم فندق القصر من تقريرك...و بعد رمسيس!! يعني ان شاء الله ماكو محاتاه للسكن.......اذا تقترح اي فنادق لو تكرمت
3. السفر راح يكون عن طريق الجو......يعني على حلب ان شاء الله اذا متوفر خط دايركت
4. ماذا تنصحني بحلب؟ احب كل شي قديم و الاماكن الاثريه و المشي.....
ما ادري اذا زرت تونس..هل المدينه نفس الشي ؟ يعني الابنيه و الازقه القديمه نفس المغرب العربي
و اي معلومات او اقتراحات.........بنسبه للسياره لازم استجر سياره ويلا التكاسي تكفي و المشي؟
و تسلم....
aj28
الأخ الحبيب Aj28 حفظه الله
حياك الله أخي الكريم و ياهلا فيك و ترى عليك غيابك فترة طويلة مو طاق الكرت!
أخي الحبيب :
1- نعم حلب يكفيها 4 ليالي ... و آخر شهر واحد الجو برد الله يعينك ...
2- الفندقين اللي موجودين في تقريري كلهم ممتازين ... الأول سعره 70 دولار للشخص في الغرفة المفرد و الثاني 5 دنانير كويتية ! و هو بصراحة حلو و متواضع و الاهم إنه نظيف و آمن...3- مافيه طيارة الان دايركت إلى حلب بس تقدر تروح على الجزيرة ( 7 دنانير للوجهة الواجهة و العرض راح يخلص اليوم فسارع ) و تروح إلى دمشق و منها تاخذ باص ( بولمان ) ب دينار واحد ياخذ إلى حلب و انت مرتاح و معزز و مكرم ( الباص مريح و تاخذ من محطة الباصات التي تنطلق إلى محافظة حمص و حلب ) ومكانه في طريق حرستا ...
4- حلب هي متحف بحذ ذاتها و كلها قديمة و عليك بالجامع الأموي و المناطق اللي حوله و شوف تقريري والصور اللي فيه ...
وبالنسبة للسيارة أنا أشوف مافي داعي للسيارة ... المشي خير و صحة و بركة و إذا تعبت خذ تاكسي و إذا أحببت زيارة مناطق خارج حلب تستطيع أن تتفق مع أي تاكسي ياخذ و يجيبك ...
بالنسبة لمقارنة حلب مع تونس هم ما أدري .. أنا شفت تونس بالصور لكني أعتقد أن بيوتهم القديمة مجددة و نظيفة بس حلب شكلها على حطتها من ألف سنة ما تغير شيئ فيه ...
و اللي عنده هواية واشتياق إنه يشوف بيوت الناس قديما فعليه بحلب و دمشق القديمة ..
بالتوفيق أخي الحبيب و لا تنسى الكاميرا و التقرير