يا سيدي وصف رائع والله يجزيك الخير .. الأشياء إليّ انت كابتها فظيعة و كتير استفدت منها بس حابة أضيف كم شغلة برأيي انت اختصرتها .
في غرناطة : ممكن بسيارتك او ب باص ال hop on hop off تروح على هي المنطقة الجبلية المطلله ع قصر الحمراء . هي المنطقة هيه الموقف رقم ٥ تبع الباص السياحي وهي أساسا في القديم حارة المسلمين اللذين يشكلون الى الان ١٠ بالمئة من سكان غرناطة .
فيها مسجد له مأذنة بيضاء جميلة و اطلالة رائعة و نظيف وواسع وله بهو و حديقة تابعة له وويشرح النفس فيه مصلى للنساء و المكان كله روحانية و جميل و انصح الجميع الذهاب الى هذا المسجد

في قرطبة الأفضل مرور و الواحد ما ينام الصراحة لانه المسجد الكبير و ما حوله جميل ولكن يكفي يوم واحد لهذه المدينة .
قرطبة هي دمشق ثانية على فكرة

و في قرطبة شوارع ضيقة جداً و جميع جدران المنازل عليها تشحيط من السيارات يعني ينصح الابتعاد بالسيارة عن المركز و في حال حجز فندق الأفضل اذا معك سيارة تكون شوي بعيدة من المسجد لانه المصفات غالية ١٥ يورو في الْيَوْمَ اذا وجد . أنا اخترت فندق los Omayas كان كاتب بالموقع في مصف بس طلع مقلب . الوصول اله كان مغامرة فظيعة على قد ما شوارع ضيقة و الباركينغ بشارع النهر في مشية ١٥ دقيقه

شراء الهدايا ذات الطراز الاسلامي و خط عربي احلى شي من قرطبة
و غرناطة في هدايا بس اكتر محلات غرناطة أصحابها توانسة أو مغاربة و الكل بيحكي عربي بغرناطة شي بضحك و وعادي تسمع أليسا أو قرآن بصوت عالي من شي محل شاورما أو مطعم
هدايا إشبيلية غربية اكتر ومافيها خط عربي أو نقوشات كلها ثيران و راقصات فلامينكو

هدايا قرطبة اجمل شي و متنوعة جدا . يليها غرناطة

إشبيلية كبيرة و بدها برياحة يومين أو ثلاثة لانه القصر تبعا كتير حلو فعلا و بياخد نصف يوم و الأفضل حجز البطاقات أونلاين مسبقا . اذا أضفت تعليقاتي في قصتك بتكون كملت خيرك والله يعطيك الف عافية على جهدك شي عظيم