جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابوعدنان 22
18-12-2022 - 07:44 am
السلام عليكم ورحمة الله وبركاته في البداية السفر سوف يكون السنة القادمة بتاريخ 22 يوليو الى 17 أغسطس
يعني تقريباً ثلاثة وعشرون يوماً لفنادق
عائلة انا وزوجتي وأربع أطفال أكبر واحد 12 سنة
تم حجز خطوط الطيران وتبقي لي الفنادق
تقسيم الايام 4 أيام في الجبل 4 أيام بودنق ، 15 يوما في جاكرتا
أحتاج إلى فندق من غرفتين يكون مفتوحة على بعض او يوجد باب داخلي بينهم بحكم ان لدي اطفال
بسعر في حدود 500 - 600 ريال لليلة حتى يصبح مجموع ما اصرفه على الفنادق في حدود 12 الف
تم عمل بحث في بوكنيق وكثير من المواقع و لم اجد هذه الاسعار ولم اجد فنادق جيدة
ومشكروين مقدماً


التعليقات (9)
الشمالى سلطان
الشمالى سلطان
4 ايام باندونق
4 ايام بونشاك
5يوم جاكرتا
مو معقول فيه غلط بالكتابه ولا ايش
توزيعك للايام غلط بغلط
جاكرتا لا تستحق الا يوم ل انشول وكم يوم تسوق
وباندونق لا تستحق اكثر من 4 ايام وثلاث ليالي
بونشاك من 5 ايام الى اسبوع
هناك بالي لم تذكرها
لكن ان ارت الثلاث فقط لا تجعل نصيب الاسد الى جاكرتا

FAISAL2022
FAISAL2022
انا حاس انك غلطان ، جاكرتا الناس تفكر تهرب منها ويدوب ليله مبيت قبل الترانزيت جاكرتا غير مهيئه ابدا للسياحه ، زحمه وازعاج واستغلال ولا يوجد فيها اماكن ترفيه
يومين اعتقد كثيره على جاكرتا
ممكن تغير الرحله كالتالي
اذا كنت عائله وتبت من الطياره
جاكرتا ليله
ثم الى بونشاك 6 ليالي
ثم باندونق ثلاث ليالي
ثم الى بالي 8 ليالي
ثم جاكرتا ليلتين

رائد بومريم
رائد بومريم
فعلا كثير على جاكرتا الايام اللي انت حاطها
بتحس بالملل وبتجلس تحسب الايام متى تنتهي
بعد اذنك اعطيك خيارات
شرايك تضيف ماليزيا الى رحلتك (بس بتطلع شوي مكلفه)
او دوله ثانيه مثل سانغفورا او هانج كونج
تطلع بطيران اسيا من اي مطار الى لنكاوي او كوالالمبور او تروح سنغفورا فيها يونيفيرسال او هونج كونج فيها ديزني لاند
رح المالديف او رح بوراكاي في الفلبين
كلها اقتراحات عشان لاتمل من الجلوس في الفندق
المشكله انك حجزت الطيران والا كان صار وصولك الى جاكرتا مثلا والرجوع من كوالالمبور بس مو مشكله رح اي دوله وارجع وان شاء الله ماراح تكلفك كثير
بالنسبه للفنادق في جاكرتا فندق اسمه ذا ميديا توني جاي منه وحطيت تقرير عنه
ممتاز جدا اخذت الغرفه من مكتب كاها تقريبا ب230ريال
هذا رابط الموضوع
https://artravelers.com/p/re/919938
بالتوفيق ان شاء الله

ابوعدنان 22
ابوعدنان 22
جزاكم الله خير على أرائكم
تم تعديل الجدول وأصبح
7 أيام الجبل
6 أيام باندونق
0جاكرتا
بالي بحكم الميزانية تم الاستنغاء عنها
لكن الى الان لم أجد فندق من غرفتين مفتوحة على بعض أو شقة في حدود 500 إلى 600 ريال
الاسعار مرتفع جداً وخصوص أن وقت السفر في أجازة الصيف
لا تبخلو علينا بأسعار فنادق مناسبة
وجزاكم الله خير

الشمالى سلطان
الشمالى سلطان
يا ابو عدنان جدولك غلط
جاكرتا لو كثرت ما تستاهل اكثر من 3 ايام فقط
لذا انصحك بقراتة هذا الموضوع بدقه
هنا جميع اسئلة الاستفسارات الشائعة المكررة ,, ادخل قبل كتابة سؤالك https://artravelers.com/p/re/757665

FAISAL2022
FAISAL2022
اعتقدت انك غلطان لكن اتضح فعلا انك ترغب بالبقاء في جاكرتا اكثر من ليلة ، نصيحة اخوية جاكرتا ليلة وباقي الايام عد فيها الى بيتك في وطنك الاصلي ستكون التجربة اكثر متعة وموفرة للمال

بــــرزان
بــــرزان
وعليكم السلام ورحمة الله وبركاته
وياهلا ويامرحبا باخونا ابو عدنان
اخوي ابو عدنان الجدول عندك من رايي غلط ,,, انت تبي تقعد اكثر مده بجاكرتا طيب ممكن لو سمحت تقولي ليه؟؟؟ يعني وش فيها جاكرتا علشان تقعد كل المده هذي
اول شي وقتك بيكون صيف حر ورطوبه وحتى بالشتاء جاكرتا ماتنفع ومافيها اماكن ترفيهيه كثيره اغلب اللي يروحون لجاكرتا تكون مدتهم بين يومين الى 4 ايام كحد اقصى
يوم اول ماياصلون جاكرتا يريحون ويوم يروحون لملاهي انشول وبالليل اسواق ويوم يروحون رحلة لإحدى الجزر القريبه من جاكرتا وتكون من الصباح الين العصر تقريبا ويوم للراحه قبل السفر يعني 4 ايام كثيره جدا
تبي تجلس بجاكرتا يبي يطقك الطفش وهي نصيحه اخويه ولك حرية الرأي والاختيار في النهايه
ونصيحه قبل لاتقدم على اي قرار أسال اللي سافروا قبلك لاندونيسيا من معارفك وقلهم وانك تبي تقعد بجاكرتا عشر ايام وشف وش يقولون لك وتصفح المنتدى والتقارير وشف عن زياراة الاخوان بتكون لك خبره جيده وبتعرف اللي انت مقدم عليه
وبما ان مدة السفر عندك طويله ماشاءالله ليه ماتخليها رحلة استرخاء وتمشي وروقان
اخوي اذا امكن تحط لنا الميزانيه علشان نقدر نفيدك اكثر بشكل دقيق لآن اندونيسيا مهي غاليه مقارنه بالدول السياحيه الثانيه و يمكن يمديك تطلع لبالي او لومبوك وعلى حسب ماسمعت ان لومبوك ارخص من بالي وتقدر تروح من لومبوك الى بالي وتاخذ تقريبا ابو ساعه بالقارب
انا ابعطيك جدول وشف وش رايك فيه
1 يوم راحه بجاكرتا
0ايام بونشاك (الجبل)
3 ايام باندونق
6 ايام بالي او لومبوك
2 جاكرتا وبعدها الى ارض الوطن
هذا من رايي ويفيدونك الخبراء اكثر ان شاء الله
بالتوفيق

jaka
jaka
اطع شور اخوانك ممن سبق وسافر قبلك وماقصروا بالرد عليك والتاكيد علي نقطة جاكرتا تحديدا
جاكرتا للتسوق او يوم واحد لانشول او يومين مع تمان ميني ثم اطلع منها للارياف واخر يوم للتسوق
والشقق اللي توفر طلبك كثيرة اخوي في جاكرتا اريادوتا سمانقي او سمرسيت قراند شياترا كلها اقل من 150 دولار يعني مقاربة لطلبك وميزانيتك للسكن وهي شقق فندقية فيها شقه من عدة غرف غرفه وغرفتين و3
ورحلة موفقة

أحب السفر وأعشق تفاصيله
أحب السفر وأعشق تفاصيله
اخوي راح اروح انا وعيالي نفس وقتك 20 يوم ان شاء الله بس انا رحت العام وجلست 5 ايام بجاكرتا يعني شبعت منها اقولك وش المهم فيها
انشول وهي ( عالم البحار وسمادورا بيوم واحد )
وبانشول دنيا فنتازي عباره عن ملاهي كهربا تغلق 6 مساء
والاسواق 3 اسواق حقات تقضي( 1منقا دوا
2 شكماس
3 شوبترا( لازم تعرف انها تغلق بدري حدهم 5 العصر الاسواق الرخيصه )
وسوق فخم حق تمشي بالليل تتعشى فيه ويلعبون الاولاد بصالة التزلج وتدخلون سينما ارشح لك سوق تمان انقري
بكذا تصير جاكرتا تحتاج 3 ايام يومين لانشول وبالليل سوق تمشي فخم
واليوم الثالث تقضي بمولين
اما الجزر مااحسها تستاهل خصوصا الاطفال بيملون
باندونق
مره روعه و4 ايام الى 5 ايام تستاهلها صراحه
الجبل
من 6 الى 8ايام
بالي
6ايام ثلاث ايام عند المحيط و3 ايام بمنطقه مرتفعه
ونصيحه اذا بتروح لدول قريبه اطلع من مطار باندونق ارخص من جاكرتا مثلا تروح لماليزيا كوالالمبور ع خطوط اير اسيا تجلس 3 ايام افضل من انك تخليها بجاكرتا وحتى ل بالي من مطار باندونق افضل


خصم يصل إلى 25%