ههه عجبتني اكتشاف المنطقة ..
احس انها تصريفة
اولا ...وعليكم السلام ورحمة الله وبركاته :
يا حيالله عابر للأجواء .
بالنسبة لتخطيطك ..يبيله شوية تعديلات ..وممكن كله
اليوم الاول ..الوصول الى انترلكن الساعة 1 ظهرا ..>>> غريبة واصل بدري .
اذا كنت جاي من جنيف ..انصحك تزور مصنع الشوكولاتة نستله وقلعة جريير وشلال الجان ..في الطريق الى انترلكن .
بعدها توصل الى انترلكن ..وتستكشف المنطقة .
مطل الهاردركلم أو مطل الهيمفلو والزحليقة ..موجودين في سنتر انترلكن ..يعني اي يوم فاضي تقدر تروح لهم .
قمة فيرست مافيها زحليقة ..اللي فيها زحليقة اللي جنبها واسمها البفنستج
Luftseilbahn Grindelwald-Pfingstegg AG
وموجودة في جريندلوالد .
======================
اليوم الثاني :
شلال التروميل باخ + ثم قمة اوروبا من قرية لوتربرونن .
كذا كفاية لليوم هذا ..لأن زيارة الشلال ياخذ منك وقت حدود ساعة ونص الى ساعتين (نص ساعة من انترلكن) ..ثم الصعود الى قمة اوروبا من محطة القطار ساعتين والتمشي ساعتين او اكثر والرجوع ساعتين
نهاية اليوم ممكن تطلع قرية بيتنبيرج كمطل على بحيرة ثون ...او قرية اكسالب كمطل على بحيرة برينز .
يعني تسوو اي نشاط ما يقيدكم بمواعيد عمل .
ملاحظة : اغلب الاماكن السياحية تقفل عند الساعة 6 مساءا .
=============
اليوم الثالث :
زيارة كهوف ساينت بيتس الملحية + بحيرة الاوشنسي والزحليقة + بحيرة البلاوسيه .
بالترتيب .
===========================
اليوم الرابع :
زيارة قرية جرينلدوالد ومطل البفنستيج والزحليقة + شلال الجس باخ + متحف البالينبيرج و قرية برينز .
==============================
الجولات البحرية والقفز المضلي ممكن تسويها في اي يوم .
=======================
لوزيرن ممكن تمر عليها في طريقك وانت طالع من انترلكن الى النمسا (اذا قصدك زيلاميسي )
بيت هايدي راح يجيك في الطريق بين انترلكن وزيلاميسي
كما هو موضح هنا :

=============
بالنسبة للاحداثيات والمزيد من الانشطة ..او الفعاليات ..انصحك بقراءة :
احداثيات ومواقع المدن و الاماكن السياحية في سويسرا وما حولها https://artravelers.com/p/re/881721
وبالتوفيق

lميدو وراك عفست جدولي فوق تحت ههه
الله يحيك عزيزي
الحين بعد الساعة 6 ايش الاشياء اللي اقدر ازورها؟
حتى مطل الهاردركلم أو مطل الهيمفلو يسكرون 6؟
على كذا زيارة المدن هي اللي اخليها بعد 6
بالنسبة اذا انا خارج من انترلاكن الى زيلامسي ازور اولا لوزيرين ثم بيت هايدي..صح؟ وهم هم ع نفس خطي؟
الاحداثيات كنها تختلف على اللي اعرفها..هذي اكثر ارقام؟
بالنسبة للزحليقة في قرية جرينلدوالد هل هي عند محطة قطار قرية جرينلدوالد؟ وكم تبعد عن المحطة اللي تودي الى قمة فرست
اذا ابي اطلع من انترلاكن اول شي ازور البحيرة الزرقاء وبعدها الاوشن سي صح
تقول قرية بيتنبيرج تطل ع بحيرة ثون ؟ كاني لخبطت شوي بحيرة ثون في مدينة ثون ايش دخل بيتنبيرج؟
شاكر لك ميدو

الله يسلمك ياغالي ..
الله يعطيك العافية ...لازم تشوف مواعيد عمل الانشطة اللي راح تروح لها ..
مثلا الهاردركلم ..عادة اخر فونكلير يطلع للمطل الساعة 6 مساءا
لكن فيه اوقات يقفل الساعة 9 ونص مساءا ..وهي اوقات الذروة او الاجازة ..وتكون في فترة محددة ..مثلا من بداية جولاي الى نهاية اوغسطس

رقم واحد هي قرية اكسالب .مطلة على بحيرة برينز ..وهي البحيرة الشرقية لأنترلكن واسمها برينزرسي (سي see معناها بحيرة) ..وفي راسها توجد مدينة برينز .
رقم 2 هي منطقة كاندرشتج اللي فيها الاوشنسي والبلاوسيه .
رقم 3 هي البيتنبيرج ..وهذه سلمك الله مطلة على بحيرة ثون ..وهي البحيرة الغربية لأنترلكن ..وفي راسها توجد مدينة ثون .
الباقيات واضحات من الاسامي ..ثون وجريندلوالد ووينجن ولوتربرونن وانترلكن .
اتمنى اكون افدتك ..واذا باقي استفسارات اخرى احنا حاضرين
وفي انتظار ردك

تسلم شبخ ميدو..
كيف وضع الحلاقين في انترلاكن..بكم حلاقة الدقن؟ وهل يحلقون موس او بس ماكينة؟ وين القاهم (الاحداثيات)؟
مكان يبيع دجاج حلال؟ الاحداثيات؟
كذلك مكان يبيع زمزميات قهوة وشاهي؟
شريحة النت والاتصال ،افضل شريحة كم سعرها ومن اين؟
مطل لونقرين,, ما فهمته زين..اشوف بس الصور من المطل من الاعلى..لكن الناس اللي تصور من المطل كيف وصلوا له ؟ هل له تلفريك او موقف سيارة؟
قمت فرست ؟ ما لقيت تقرير عنها ..وش فيها وكيف وضعها ؟
يعطيكم العافية

عابر للأجواء
حلاقين !! ..ترى ما عمري شفت محلات تحلق دقن في اوروبا ..الا في الاحياء العربية في المدن الكبيرة ..تلقى عندهم ناس تحلق.
وانصحك تسوي مثل اخوك ..مكينة تخفيف تشيلها معاك وسمع الله لمن حمده .
اما الشعر ..اوب اوب اوب ..فنانين ..في كل مكان تلقى صوالين تصفيف الشعر ..يطلعوك احلى من اللي في ستار اكاديمي
====
محل الافغاني لبيع الدجاج الحلال في سنتر انترلكن

• محل سيتي شوب لبيع الحلال -

n 46° 41.169 e 007° 51.173
====
شريحة نت ..الافضل ليبارا ..وتشتريها من اي محل ..وتلقاها عند الافغاني .
معلومات شاملة لشركة ليبارا وطريقة استخراجها بسويسرا https://artravelers.com/p/re/831103
================
بالنسبة للزمزميات وثلاجة الشاهي ..ممكن تاخذها معك من هنا .
وممكن تشتريها من الكووب او الميقروس ..يعني من الهايبرماركت .
=====
مطل لونجيرن ..نعم الصعود بالتلفريك ..ثم بالعربات المعلقة
https://artravelers.com/p/re/458096
=============
وبالتوفيق

ميدو يعطيك العافية ..والله انك شنب ..
ايش رايك بالترتيب اللي تحت..ذكرتها لك مرتبة.. ما ابي اغير الاماكن لانه عندي ايام ثانية راح ازور فيها للاماكن المتبقية
اسال عن التوزيع والترتيب سليم او لا
الانطلاق من انترلاكن حيث الفندق
يوم كامل:
Pfingsteggزحليقة + التمشية في قرية جرايندوايلد + التمشية في قرية وادي ليتربونن + الصعود الى قرية وينجن
وبعدها زيارة احد الشلالات: Truemmelbachاو شلال
Reichenbach
ايش تفضل اي شلال للزيارة؟ اذكر واحد منهم نسيت اسمه يقولون تعب مشي ولا يستاهل؟
يوم اخر:
الاوشن سي + البلو سي + بحيرة بينريز+ مدينة ثون وبحيرتها+ المتحف المفتوح في
بولنبيرج

• -

عندي يوم في ديفون..راح اطلع فيه الى انسي وبعدها الى جنيف ثم ارجع لديفون للنوم ..
هل الترتيب صح من ديفون الى انسي وبعدها جنيف؟
في جنيف بعد زيارتي للبحيرة..وين اقدر اروح ؟ قرات مرة عن البلدة القديمة لكن هل اروح لها مشي من البحيرة ..وهل فيه اماكن اروح لها غير البحيرة؟
هل اقدر ارجع بالليل الى ديفون ..او لابد قبل الغروب ..اقصد عادي الرجوع الى ديفون بوقت متاخر مثلا 11 وهل الطريق الى ديفون ما فيه مرتفعات يعني سلس وواضح من جنيف؟
اتعبتك معي لكن تحملني الله لا يحرمك الاجر..

1. ومن محطة قطار لوتربرونن ..تطلع الى وينجن .


2. الاحمر مع بعض والازرق مع بعض .


3. =====================

الله يعافيك والشر ما يجيك ويحفظك ويخليك لكل عين ترجيك ..
يا انك حوست الانشطة حوس
خذ العلم يا طويل العمر ..نتاج خبرة ومقالب وعفسة جداول >> حكيم يا شيخ
لابد من التفريق بين الانشطة اللي لها مواعيد عمل ..مثلا من الساعة تسعة الصباح الى ستة العصر.
وبين الانشطة اللي حتى بالليل ممكن تروح لها .
فيعني ..انشطة فيها تلفريكات وزحليقات ومتاحف وغيرها اللي يشرفوا عليها ناس ..هذه لازم تعرف مواعيد العمل عندهم ..من الساعة الفلانية الى كذا .
اما جلسة على البحيرة ..او مشاهدة بعض الشلالات ..ببلاش ..وما فيها اي وقت محدد.
الشيء المهم الثاني ..انك تخلي الانشطة القريبة من بعض في نفس اليوم ..مو تحط نشاط اقصى الشرق والثاني اقصى الغرب في نفس اليوم
واليوم اللي بعده ..نفس الحكاية ..واحد في الشرق والثاني في الغرب .
اللي في الشرق مع بعض ..واللي في الغرب مع بعض .
الشيء الثالث ..الانتباه الى الحالة الجوية ..قبل زيارة بعض الانشطة ...مطر شديد ..رياح قوية ...الخ .
يعني القمة الثلجية ..تتأكد من الجو على القمة قبل الصعود ..لأن لو كان هواء شديد ما راح تستمتع ..فيصفق فيك البرد وكل صورك فوق وانت متلثم
او اذا كان فيه مطر ..الزحليقات الصيفية بعضها مقفل ...وغالبا تطلع لها بتلفريك ..واللي هو ايضا يقفل اذا كان في رياح قوية .
باك.
ترتيب اليوم المقترح ..راح يكون كذا:
زيارة متحف البالينبيرج مبكرا (يعني الساعة 9 صباحا تحرك من الفندق) (ساعتين تقريبا ياخذ منك كجولة)..
ثم تروح على جريندلوالد وتمر زحليقة البفنستيج وتتمشى على المنطقة .
ثم تروح لشلال التروميل باخ تزور شلال التروميل باخ وموجود هو في وادي لوتربرونن (ساعة ونص النشاط وفيه درج شوي) (وراح تمر على قرية لوتربرونن وشلال الستوباخ)

ومن محطة قطار لوتربرونن ..تطلع الى وينجن .

(اخر قطار من لوتربرنن الى وينجن ..يطلع الساعة 11 ونص مساءا....واخر قطار من وينجن الى لوتربرونن ..ينزل الساعة 11 مساءا ...يعني لو فاتك موعد النزول ..اعرف فندق اسمه

الاحمر مع بعض والازرق مع بعض .

=====================

بالنسبة للسكن في ديفون ..هي قريبة من جنيف ..كأنك تقول جنيف ..ومثل ما تفضلت تخطيطك ممتاز ..بحيث تروح انسي بالاول ثم جنيف تتمشى وتتعشى فيها وترجع لديفون ولو تبغى قبل الفجر ..الطرق سالكة وامان باذن الله ..وما فيها وعورة ..كلها كوبري من الخط السريع على ديفون ..وسمع الله لمن حمده .
بالنسبة لجنيف ..فيها اماكن جميلة ..مثل المنطقة القديمة والحديقة الانجليزية وجزيرة القوارب والعديد من المتاحف اذا كنت مهتم بها يعني بالاضافة الى العديد من المراكز التسوقية مثل الباليكسيرت او المانور .
وممكن تخصص زيارة لأوتلت أوبون القريب من ديفون على الناحية المقابلة .
==========
اتمنى اكون افدتك اخوي عابر الاجواء ..ورحلة سعيدة باذن الله .
وبالتوفيق

للمعلومية ..جميع المولات والمحلات التجارية ..تكون مقفلة ايام العطلات ..ويوم الاحد ..
ويوم الاحد ممكن الاستعاضة بزيارة الاسواق الشعبية (زي سوق الخميس زماان عندنا ) .
وهذا موضوع ممتاز عن جنيف والانشطة الممكن زيارتها :
,, اين تذهب فيها ,, واين تذهب منها https://artravelers.com/p/re/902765
وبالتوفيق

حكيم يا ميدو
قرية بيتنبيرج و اكسالب هذي بالسيارة نروح لهن او تلفريك ؟ خصوصا انهن كما تفضلت مطلات على بحيرة ثون وبيرنز
المتحف يستاهل الروحة له؟
المدينة القديمة والحديقة الانجليزية اروح لهم مشي من بحيرة جنيف؟
وبعدين وشو الحنطور ؟ انا كاني سمعت اغنية اركب الحنطور تصدق كنت احسب الحنطور الحمار ههه