نظم معلومات
17-12-2022 - 02:12 am
السلام عليكم
ياجماعة ياليت نخلي الموضوع جد بعيداً عن الاستهزاء بكل من يحمل الجنسية وأنا منهم ,,
ياجماعة أنا مرة متضايق ومهموم لأن الضرائب راح تفرض علي بالغصب مع اني لم أطلب الجنسية بل منحوني اياها تلقائي لأني مولود في أمريكا وخاصة أنني لم أؤدي القسم الأمريكي فقط استلم الجواز وأمشي !!
ياجماعة انا اعرف ان الضريبة راح تحسب لمن دخله من 50 الف دولار وأعلى ,,لكن كم تحسب الضريبة بالمية ؟
أنا سمعت انها 30% من الدخل السنوي , يعني لو دخلك السنوي 50001 دولار = 187503.75 ريال
ولو حسبنا الضريبة 30 % راح يسحب مني بالسنة مبلغ = 56251.125 ريال !!!
مو معقولة اني راح أدفع هالمبلغ بالسنة وأنا من وين أجيب هالمبلغ !!!
ياجماعة من معه الجنسية الأمريكية يعلمني ايش راح يسوي بخصوص الضرايب ؟
انا فكرت اني الغي الجنسية لأني من الأساس ماستفدت منها لا في عمل ولا في سفر مجرد دفتر جواز عندي ازرق سبب لي الهم !!
المشكلة انهم راح يشيكوا على كل حساب عندي ويحسبوا الضريبة الاجمالية من جميع مصادر الدخل عندي وأنا في الاساس ماعندي الا الراتب وكم تحويشة عمر !!!
ولو أخفي أي حاجة مالية عنهم راح تفرض علي غرامات توصل ل 100 الف دولار أمريكي !!!
أنا مو مصدق اللي أسمعه !!
معقول بتروح فلوسي بغمضة عين !!
ياليت من المشرف مايلغي موضوعي لأن الموضوع مو عن الهجرة أو أي حاجة مخالفة لقانون القسم , ويعذرني لأني من جد مبتلش !!
والغريب كأني قرأت اللي بيلغي الجنسية راح ينتظر 3 سنوات وراح يحرم من السفر لأمريكا مرة أخرى !! هل هذا يعقل ؟
هل يعنني وقعت في الفخ أو المصيدة ولا مخرج منها ؟؟
معقول مافيه قانون يحميني في السعودي يعفيني من الجنسية المفروضة علي منذ الولادة ؟؟
انا ماطلبتها ولا أخذت جرين كارد ولا شي هم عطوني !!
وش الحل ؟
خفف من روعك
لا اظن ان كل ماقلته واقع
حسب علمي ان الضريبة الامريكية تفرض على المقيمين على اراضي الولايات المتحدة
بمعنى ان مستفيدون من الخدمات التي تقدمها لهم الحكومه الفيدرالية
وبالمقابل هم يدفعون الضريبه لقاء تلك الخدمات
اما من كان خارج الولايات فعليه ان يعبي نموذج خاص يعفيه من الضريبه تلك لانه غير مستفيد من تلك الخدمات
هذا حسب علمي اي انه غير مؤكد
وكان يعمل معنا مواطن امريكي في الرياض نجده مستمتع بدخله المادي على اعتبار انه معفى من الضريبه كما اخبرنا
افضل من يفتيك بذلك هم موظفي السفارة