نشر في ايطاليا

أيهما أفضل استئجار السيارة من النت أم اسئجارها من المطار أو وسط البلد

FHS1425

11-12-2022 - 12:14 am

السلام عليكم ورحمة الله وبركاته
أرغب في اسئجار سيارة في إيطاليا لمدة ثلاثة أيام وأرغب في معرفة أيهما أفضل هل اسئجرها من النت أم من المطار أم من وسط البلد ( عند محطة القطار مثلاً)
وما هو نوع التأمين المهمة ليس فقط ضد الغير والسرقة وإنما حتى أنا ضد الإصابة مثلاً لا قدر الله
مع خالض شكري وامتناني

استئجار سيارة استئجار سيارت تأجير سيارات حجز سيارة تأجير سيارة

التعليقات (7)

tab_el

11-12-2022 - 03:18 am

وعليكم السلام ورحمة الله ..
استأجرها من النت أفضل واختار تأمين شامل
عندك شركة europ car و hertz وأيضاً sixt

majid.th55

11-12-2022 - 04:19 am

وعليكم السلام ورحمة الله
أنا استأجرت سيارة من شركة (hertz ) في جنيف وسلمتها في باريس، عن طريق الاتصال على هاتف في السعودية يرد عليك مركز الاتصال في الاردن، الشركة ممتازة وتعاملهم ممتاز. اخترت سيارة فولكس غولف ديزل بس ماحصلتها وقت الحجز واخذت (بيجو) واخترت تأمين شامل لمدة 11 يوم على أن اسلمها في باريس في اليوم ال 11 لكن حبيت امدد 5 أيام في باريس يوم شفت وضع السواقة سهل عندهم، مريت مكتب الشركة وعطوني عرض أقل من وقت الحجز المتفق عليه ب 100 يورو ، قالو بسبب أن بورصة التأمين الحين منخفضة وجت من حظي. ** من تعاونهم كنت راجع من المانيا في المساء ومامعي كرسي لبنتي 6 سنوات ورفضوا يدخلوني الحدود وقالوا الشرطة ارجع لألمانيا واخذ كرسي مع انواع التهديد "لا تحاول تروح مع طرق ملتويه". قدرت ادخل الى مطار بازل واعطوني الشركة كرسي بدون تعقيد وبمبلغ 32 يورو على كامل الحجز. نصيحة: تأمين: مهم عشان ترتاح وماتفكر في هم مشاكل السيارة. كرسي الأطفال: لا تتهاون فيه اذا معك عائلة.. 10 أيام ما أحد قالي شي في سويسرا وآخر يوم وكان بكره وراي سفر لباريس رفضوا يدخلوني البلد. جارمن: خذه من بلدك بعد ماتبرمج الأماكن اللي تبغاها (كأن واحد من أهل البلد راكب ويدلك) وبالتوفيق للجميع..

Mister1

11-12-2022 - 05:20 am

الفنادق هي الي تحتاج حجز اما السيارات ماشوف انها تستاهل لان غالبا السعر مايفرق واحيان ارخص في المطار وبدون مشاكل
اهم شي ابعد عن موقع rentalcars

ITTI_FOR_EVER

11-12-2022 - 07:22 am

اخوي ماجد التأمين قصدك اللي تدفعه ولا يرجع لك المبلغ
او
اللي يحجزون مبلغ الى ما ترجع السيارة ..!؟
كم تقريبا التامين ..؟!
حجزت بفيزا مسبقة الدفع ..؟!

فيصل

11-12-2022 - 08:23 am

Mister1
ليش يبتعد عن هالموقع

شارلوك هولمز

11-12-2022 - 09:24 am

Mister1
صآآآآآآآآآآدق يااخوي بخصوص رنتال كار يقلك الغاء مجاني وبعدين يخصموا منك مبلغ
لقيت عندهم سيارة عن طريق sixt ولمن تميت العقد يقولي لازم 25 سنه ويبون 1100زيادة للعمر غير مسترجعه
رحت ل sixt اخذتها بارخص ونفسها ..والعمر ل 23
انحش عنها ابو خالد
هولمز

majid.th55

11-12-2022 - 10:25 am

itti_for_ever
السلام عليكم أخ/itti_for_ever
أقصد التأمين الشامل على السياره عشان الحوادث والسرقة لو سمح الله - راحة البال مهمة اذا كان مع الشخص عائلة -. ما استخدم بطاقة تسوق معاي ماستركارد وامريكان اكسبريس. التأمين المسبق عند استلام السيارة ما اذكر بالضبط اخذوا مني مبلغ الاجار + 200 يورو. بعد الدفع فكوا الحجز على المبلغ.

ايطاليا المسافرون العرب

أيهما أفضل استئجار السيارة من النت أم اسئجارها من المطار أو وسط البلد