جينيف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نوارةUAE
01-12-2022 - 12:09 am
السلام عليكم جميعا هالصيف تعبت وانا افكر وين نقضيه ؟؟؟ كانت وجهتنا الاصليه امريكا و لكن غيرنا راينا لظروف
المهم
خطتنا هي كالتالي :
دوسلدورف .. فيوسن .. سانت مورتيز .. لوقانو .. مجيف .. و ليله اخيره في جنيف
مشكلتنا انه المخطط مب عاجبنا .... و السبب انه المسافات شوي بعيده ... و بعدين لين الحين مو محصلين سكن مناسب في مجيف او اي منطقه تجاورها
السكن المناسب هو اللي يكون قابل للاسترداد يعني الالغاء مجاني و ايضا يكفي لنا (اربع اطفال اعمارهم 11،7،6،2)
و السبب الاخر مب مقتنعين بفيوسين لنه زرناها سابقا و ما نبا نكرر بس اللي اجبرنا هو السكن
محطاتنا الاساسيه في الرحله هي :
دوسلدورف
سانت مورتيز
لوقانو
اما المدن الباقيه فهي لتقليل المسافات فقط .....
ملاحظه: المناطق اللي زرناها و ما نبا نزورها مره ثانيه : فيينا سالزبورغ زيلامسي هالشتات كيتزبوهيل فيوسن ميونيخ لوزيرن زيوريخ انترلاكن برينز شامونيه انسي ستراسبورغ بادن بادن انسبروك
شو اللي اباه من اللي بيتفضل و بيساعدني
اذا ينفع اغير المخطط بمخطط افضل ساعدوني بشرط بقاء المناطق الاساسيه ؟؟
اذا ما بغير المخطط ياليت تساعدوني بسكن في مجيف يكون بالشروط اللي ذكرتها فوق
عادي عندي اضيف ريف من ارياف النمسا
اللي مب عايبني بعد في المخطط اغلبه مدن للاسف واحنا نحب الارياف و المدن يعني من كل بستان زهره
طامعة في كرمكم ..........
بانتظاركم


التعليقات (4)
نوارةUAE
نوارةUAE
ليش محد يرد علي....

نوارةUAE
نوارةUAE
السلام عليكم جميعا مثل ما هو واضح في العنوان
من ضمن خطتنا الصيفيه ان شاء الله المغادره من فيوسين الالمانيه الى مدينة سانت مورتيز السويسريه و الاقامه فيها لمدة ثلاث ليالي ...
هل هذه المده تعتبر كثيره على سانت مورتيز ؟
ما هي الأنشطه التي من الممكن أن تقوم بها العائله في هذه المدينه ؟ و أين نذهب فيها ؟
من بعد سانت مورتيز سننطلق ان شاء الله الى مدينة لوقانو لمدة 4 ليالي
هل المده كافيه ام انها كثره على هذه المدينه ؟
سنزور منها ان شاء الله حديقة المجسمات اتمنى معرفة الاسم بالانجليزيه ؟
وايضا الفوكس تاون ما ادري اذا يستحق او لا ؟
و ياليت لو فيه انشطه أخري تفيدوني واكون شاكره ..
سؤال أخير .. هل الطريق من سانت مورتيز الى لوقانو يخوف ؟؟ و الا عادي
شكرا مقدما

مقدام
مقدام
مدة الايام مناسبة لزيارة كلا من سانت مورتيز ولوجانو
سانت مورتيز قرية راقية وجميلة وهادية ومناسبة للي يريد الراحة والاستجمام
وفيها ممكن تزورون القمم الجبلية اللي حولها مثل Piz Nair وقمة Corvatsch
واللي تقدرون تطلعون لهم بالتلفريك والقطارات الجبلية
وايضا حولها بعض البحيرات الجميلة وممكن ايضا ركوب العربات اللي تجرها الخيول
وهذي تقارير ممكن تفيدكم
http://www.aboaziz.net/blog/?p=1526 ولوجانو مدينة رائعه وحولها الكثير من الاماكن السياحية
وحديقة المجسمات اسمها Swissminiatur
وهذي تقارير بتفيدكم عنها
https://artravelers.com والطريق من زيرمات الى لوجانو حلو وشوي جبلي خصوصا بعد الخروج من مورتيز ولكنه ما يخوف وبتستمتعون فيه والفوكس تاون بستحق الزيارة والتسوق فيه وبالتوفيق

نوارةUAE
نوارةUAE
شكراً جزيلا على الرد .....
هالتقارير قرأتها قبل و كنت أرغب ازيد معلوماتي عن المناطق اللي بزورها ........ شكرا مره أخرى و ما قصرت


خصم يصل إلى 25%