بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



romh .. romh ..
مساعده في منتجعات البحرين .
17-12-2014 - 02:59 pm

..


السلام عليكم

حبيت استفسر عن الفنادق اللي حول مجمع سيتي سنتر
او اذا فيه منتجعات لليله وحده حوله
دايم اروح للبحرين بس ولا مره صار ونمت فيها
ف ودي نكسر الروتين شوي ونجلس فيها ليله
وللان محتاره بينها وبين قطر
البحرين بالشهر نروح لها مليون مره بس قطر ولا مره
المهم اذا تساعدوني ب منتجعات ولو يكون فيها مسبح خاص ولاشيء من هالقبيل

وشكرا مقدما .






المشاركات

ارمـــ ARMANI ـــاني ارمـــ ARMANI ـــاني
مساعده في منتجعات البحرين .


المشاركة الأصلية كتبت بواسطة romh ..
..



السلام عليكم

حبيت استفسر عن الفنادق اللي حول مجمع سيتي سنتر
او اذا فيه منتجعات لليله وحده حوله
دايم اروح للبحرين بس ولا مره صار ونمت فيها
ف ودي نكسر الروتين شوي ونجلس فيها ليله
وللان محتاره بينها وبين قطر
البحرين بالشهر نروح لها مليون مره بس قطر ولا مره
المهم اذا تساعدوني ب منتجعات ولو يكون فيها مسبح خاص ولاشيء من هالقبيل

وشكرا مقدما .



ياهلا ومرحبا اختي romh

وعليكم السلام ورحمة الله وبركاتة

بخصوص منتجعات حول السيتي سنتر اقرب منتجع لك الريتز كارلتون

الاول بلا منازع

اما منتجع قصر العرين ومنتجع سوفتيل الزلاق فهم بعيدين عن السيتي سنتر
وهذي الفنادق والمنتجعات اللي فيها مسبح

هاني رويال Hani Royal

: (( Al Areen Palace & Spa )) (( ارمـــ ARMANI ـــاني 2012 ))


♥ The Ritz-Carlton, Bahrain Hotel & Spa ♥


وبما انكم مازرتوا قطر حاولوا تغيرون روتينكم
وتزورون قطر

واي استفسار ان شاء الله راح نساعدكم سواء في قطر او البحرين

اخوك : ارمـــ ARMANI ـــاني



FANDA FANDA
مساعده في منتجعات البحرين .


بتنور البحرين بيكم

أرماني كفى ووفى
غير الفنادق الي ذكرها ففي كمبنسكي متصل مباشره بمجمع السيتي سنتر و فريزر سويت متصل بمجمع السيف بس هذي فنادق مب منتجعات ولا فيها مسابح خاصه

اذا زيارتكم ريلاكسيشن استرخاء فأخذي منتجع حتى لو بعيد كلها 20-25 دقيقه وانتي واصله السنتر
اما اذا زيارتكم تغيير جو وهيصه سينما مطاعم تسوق وكوفي شوبات فالأفضل تسكنين فندق في ضاحية السيف قريب من المجمعات


romh .. romh ..
مساعده في منتجعات البحرين .


..

للامانه روحاتي للبحرين اول كلها للسيتي سنتر وسينما ونرجع بنفس اليوم
والافضليه للبحرين لقربها منا
قطر يبي لها اكثر من يوم ورصيد الاجازات المحدده لهالسنه بيخلص
المهم انا شفت قصر العرين ومره اعجبني وحسيته نفس مابي بالضبط
وخاصه ان نبي هالرحله القصيره للاسترخاء ولذكرى زواجنا قبل كل شيء
فيه مجمع قريب وفيه سينما من قصر العرين ؟
لان احس مستحيل اوصل للسينما ووما اشوف فيلم خخخخ

المركز الاول عندي قصر العرين
خصوصيه
والمركز الثاني الريتز كارلتون
اعجبني موقعه + فيه مسبح خاص صح ؟
كيف يكون مع الغرفه ؟

وتقاريرك جدا ممتاز ربي لا يحرمك الجنه
خاصه قصر العرين كان ودي اشوفه من داخل

فندا : شكرا حبيبتي
وقج حجزنا مره ع الفندق اللي بسيتي سنتر وباخر لحظه صار طارىء وانلغى كل شيء
بس زي ما قلت اغلب الفنادق اللي ناخذها برا عاديه
ف ودي هالمره نغير شوي





FANDA FANDA
مساعده في منتجعات البحرين .


دام ذكرى زواجكم خلج عالعرين الانسب
الرتز فيه مسابح في الفلل اذا مو غلطانه بس الأسعار مرتفعه

العرين ما يمه مجمعات صاير منعزل لاصق له جنة دلمون المفقودة حديقة العاب مائية كبيره
بس مثل ما قلت لج البحرين كلها 20 دقيقه بالكثير وتوصلين مكان الي تبين


ارمـــ ARMANI ـــاني ارمـــ ARMANI ـــاني
مساعده في منتجعات البحرين .


المشاركة الأصلية كتبت بواسطة romh ..
..


للامانه روحاتي للبحرين اول كلها للسيتي سنتر وسينما ونرجع بنفس اليوم
والافضليه للبحرين لقربها منا
قطر يبي لها اكثر من يوم ورصيد الاجازات المحدده لهالسنه بيخلص
المهم انا شفت قصر العرين ومره اعجبني وحسيته نفس مابي بالضبط
وخاصه ان نبي هالرحله القصيره للاسترخاء ولذكرى زواجنا قبل كل شيء
فيه مجمع قريب وفيه سينما من قصر العرين ؟
لان احس مستحيل اوصل للسينما ووما اشوف فيلم خخخخ

المركز الاول عندي قصر العرين
خصوصيه
والمركز الثاني الريتز كارلتون
اعجبني موقعه + فيه مسبح خاص صح ؟
كيف يكون مع الغرفه ؟

وتقاريرك جدا ممتاز ربي لا يحرمك الجنه
خاصه قصر العرين كان ودي اشوفه من داخل

فندا : شكرا حبيبتي
وقج حجزنا مره ع الفندق اللي بسيتي سنتر وباخر لحظه صار طارىء وانلغى كل شيء
بس زي ما قلت اغلب الفنادق اللي ناخذها برا عاديه
ف ودي هالمره نغير شوي





ياهلا ومرحبا اختي romh

اولا حاب ابارك لكم وعقال العمر كله يارب
وجعل ايامكم كلها افراح وسعاده والله يخليكم لبعض

بخصوص قطر الله يكتب لكم سفره مستقبلاً ان شاء الله

انا معك في خصوصيه العرين ماعليها كلام

العرين منعزل ويبعد عن الاماكن السياحيه من 25 الى 30 دقيقه بالسيارة تقريباً

هذي صور للمسابح

قصر العرين




الريتز كارلتون




هاني رويال




مميزات العرين الخصوصيه
العيوب بعده عن الاماكن السياحيه
اسعاره نقول معقوله

مميزات الريتز ملكي وقربه من الاماكن السياحيه
لايوجد خصوصيه كامله في المسبح
اسعاره مرتفعه وخياليه

مميزات هاني رويال قربه من الاماكن السياحيه وخصوصيته مثل العرين
عيوبه لم اجربه
اسعاره تقريباً مثل العرين


واي استفسار حنا حاضرين لكم

اخوك : ارمـــ ARMANI ـــاني


ارمـــ ARMANI ـــاني ارمـــ ARMANI ـــاني
مساعده في منتجعات البحرين .


المشاركة الأصلية كتبت بواسطة FANDA
دام ذكرى زواجكم خلج عالعرين الانسب

المشاركة الأصلية كتبت بواسطة FANDA

الرتز فيه مسابح في الفلل اذا مو غلطانه بس الأسعار مرتفعه

العرين ما يمه مجمعات صاير منعزل لاصق له جنة دلمون المفقودة حديقة العاب مائية كبيره
بس مثل ما قلت لج البحرين كلها 20 دقيقه بالكثير وتوصلين مكان الي تبين

ياهلا ومسهلا اختي FANDA

انا معك في كلامك ولكن انا اقصد حرام
ادفع قيمة عاليه في منتجع ولا استرخي فيه وطول يومي خارج المنتجع

انا لم استفد اي شيء او اسكن في العرين
واروح اتسوق واروح السيناما واطلع تعبان وامسك خط للعرين وفي الليل واول مرة
ازور المنتجع ولا اعرف مكانه

ولذلك نحن نخطط قبل الرحله ونضع جدول للأماكن اللي بنزورها لكي
تنجح الرحله بتوفيق من الله
طبعاً هذي وجهة نظري

وسلامتك



romh .. romh ..
مساعده في منتجعات البحرين .


..

فعلا معك حق ارماني

اعجبني هاني رويال جدا
والجاكوزي بالغرفه بشكل فخم ويحمس الواحد يروح اليوم قبل بكره
ومثل ما قلت العرين جداجدا جدا جميل بس بعيد احس واحنا من الجمارك الى سيتي سنتر ومن سيتي سنتر للجمرك
ف احسها ضيعه شوي
بس بديت اغير رأي الى هاني رويال
وش اسم هالغرفه اللي فيها المسبح ؟

ويعطيك الف عافيه جميعا ما تقصرون والله




FANDA FANDA
مساعده في منتجعات البحرين .


من جذي سالت عن سبب الزياره
بس انتي تبين تجمعين الاثنين السياحه والاسترخاء وتراه ممكن
توصلون الصبح تروحون تتريقون في كوفي شوب وتتمشون في المولات الين الغدا مثلا تاكلون وتروحون الفندق عوقت استلام الغرف
يكون يومكم كامل في المنتجع تلفونه وتريحون وتدلعين نفسك في لسبا وحمام السياحه وتتعشون في الفندق وترقدون
الصبح تصحون شوي متأخر تتريقون في الفندق وتتمشون شوي وانتوا طالعين
وتبدون يوم كانه زياره عاديه للبحرين تروحين سينما شوبنج غدا وكل شي

يعني الي بوصل له انه اذا تبين ممكن يصير هههههههه
هاني حلو جديد ونظيف بس مب في مستوى العرين


ارمـــ ARMANI ـــاني ارمـــ ARMANI ـــاني
مساعده في منتجعات البحرين .


المشاركة الأصلية كتبت بواسطة romh ..
..


فعلا معك حق ارماني

اعجبني هاني رويال جدا
والجاكوزي بالغرفه بشكل فخم ويحمس الواحد يروح اليوم قبل بكره
ومثل ما قلت العرين جداجدا جدا جميل بس بعيد احس واحنا من الجمارك الى سيتي سنتر ومن سيتي سنتر للجمرك
ف احسها ضيعه شوي
بس بديت اغير رأي الى هاني رويال
وش اسم هالغرفه اللي فيها المسبح ؟

ويعطيك الف عافيه جميعا ما تقصرون والله



ياهلا ومرحبا اختي romh

بخصوص العرين جربوه تراه ممتاز يكفي انها فيلا متكاملة فيها
مسبح وجاكوزي وسونا

يستحق الزيارة

واذا انتوا اصريتوا على هاني رويال كمان حلو بس مايتقارن بالعرين
لأن العرين منتجع

اسم الغرفة رويال ايتالين سويت
مع الجاكوزي <<< على الطراز الايطالي نفس اللي بالصورة

Royal Italian Suite : (Room with Italian theme attached with an interconnecting room and a master bedroom along with a jacuzzi

في نفس الغرفة مع الجاكوزي ولكن بالطراز العربي

Royal Arabic Suite : (Room with Arabic theme attached with an interconnecting room and a master bedroom along with a jacuzzi).

وهذا رابط الموقع الالكتروني للفندق

Hani Royal


واتمنى انكم تتوفقون يارب

واي استفسار حنا حاضرين واختي FANDA الله يجزاها خير ماراح تقصر ولا يهون باقي الاعضاء

اخوك : ارمـــ ARMANI ـــاني



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

مساعده في منتجعات البحرين .